Homeຂ່າວພາຍ​ໃນເປີດນ້ຳໃຊ້ ໂຄງການຊົນລະປະທານນ້ຳຫຸມ

ເປີດນ້ຳໃຊ້ ໂຄງການຊົນລະປະທານນ້ຳຫຸມ

Published on

namhoom lake

 

ວັນທີ 3 ພະຈິກນີ້ ພະແນກກະສິກຳ ແລະ ປ່າໄມ້ນະຄອນຫຼວງວຽງຈັນຮ່ວມ ກັບອຳນາດການປົກຄອງເມືອງນາຊາຍ

ທອງ ໄດ້ຈັດພິທີເປີດນຳໃຊ້ໂຄງການຊົນລະປະທານນ້ຳຫຸມຂຶ້ນ ຢູ່ອ່າງນ້ຳດັ່ງກ່າວ ເມືອງນາຊາຍທອງ, ນະຄອນຫຼວງ

ວຽງຈັນ ໂດຍການໃຫ້ກຽດເຂົ້າຮ່ວມຂອງ ທ່ານ ວິໄລວັນ ພົມເຂ, ລັດຖະມົນຕີວ່າການກະຊວງກະສິກຳ ແລະ ປ່າໄມ້,

ທ່ານ ດຣ ອານຸພາບ ຕຸນາລົມ, ຮອງເຈົ້າຄອງນະຄອນຫຼວງວຽງຈັນ, ພ້ອມດ້ວຍອຳນາດການປົກຄອງ ແລະ ປະຊາ

ຊົນເຂົ້າຮ່ວມເປັນຈຳນວນຫຼາຍ.

 

ໃນພິທີທ່ານເຈົ້າເມືອງນາຊາຍທອງ ໄດ້ລາຍງານວ່າ: ປັດຈຸບັນເມືອງນາຊາຍທອງ ມີລະບົບຊົນລະປະທານທັງໝົດ 17

ແຫ່ງ, ໃນນີ້ມີອ່າງເກັບນ້ຳ 4 ແຫ່ງ, ສາມາດເກັບກັກນ້ຳໄດ້ 151.830.000 ແມັດກ້ອນ, ມີຈັກສູບນ້ຳໄຟຟ້າ 1 ແຫ່ງ,

ຝ່າຍນ້ຳລົ້ນ 2 ແຫ່ງ, ປະຕູນ້ຳ 9 ແຫ່ງ ແລະ ລະບົບຊີດຝົນຝອຍ 1   ແຫ່ງ, ຊຶ່ງສະເພາະຊົນລະປະທານນ້ຳຫຸ້ມເປັນໂຄງ

ການອ່າງເກັບນ້ຳທີ່ມີເນື້ອທີ່ອ່າງໂຕງ ກວ້າງເຖິງ 105 ກິໂລຕາ ແມັດ, ເນື້ອທີ່ອ່າງເກັບນ້ຳ 12 ກິໂລ ຕາແມັດ, ສາມາດ

ເກັບນ້ຳໄດ້ 60 ລ້ານແມັດກ້ອນ, ມີລະບົບຄອງເໝືອງ ແລະ ອາຄານປະຕູນ້ຳ, ມີຄອງເໝືອງແມ່ ຍາວ 9.300 ແມັດ,

ຄອງເໝືອງຊອຍຂັ້ນ 1 ຍາວ 31.162 ແມັດ, ມີ 13 ຄອງ, ຄອງເໝືອງຊອຍ ຂັ້ນ 2 ຍາວ 20.598 ແມັດ, ຄອງເໝືອງ

ຊອຍຂັ້ນ 3 (ຄອງຫົດ) ຍາວ 5.865 ແມັດ), ໂຄງການຊົນລະປະທານດັ່ງກ່າວກວມເອົາ 21 ບ້ານຂອງ 2 ເມືອງຄືເມືອງ

ນາຊາຍທອງ 19 ບ້ານ ແລະ ເມືອງໄຊທານີ 2 ບ້ານ, ມີເນື້ອທີ່ຜະລິດລະດູຝົນ 3.000 ເຮັກຕາ, ລະດູແລ້ງ 2.400 ເຮັກ

ຕາ, ຊຶ່ງທາງກະຊວງກະສິກຳ ແລະ ປ່າໄມ້ໄດ້ກຳນົດເປັນຈຸດສຸມປູກເຂົ້າ.

 

ທ່ານເຈົ້າເມືອງກ່າວວ່າ: ການເປີດນຳໃຊ້ຊົນລະປະທານນ້ຳຫຸມ ແມ່ນສຸດທີ່ມີຄວາມໝາຍສຳຄັນໃນທົ່ວນະຄອນຫຼວງ

ວຽງຈັນ ແລະ ຖືວ່າເປັນການເລີ່ມຕົ້ນການຜະລິດລະດູແລ້ງປະຈຳປີ 2014-2015, ພ້ອມນັ້ນ ຍັງເປັນການສະເຫຼີມສະ

ຫຼອງວັນຊົນລະປະທານແຫ່ງຊາດຄົບຮອບ 4 ປີ, ທັງເປັນການສ້າງຂະບວນການຂ່ຳນັບຮັບຕ້ອນວັນສຳຄັນຂອງຊາດ

ອື່ນໆອີກ, ພ້ອມທັງເປັນການປູກຈິດສຳນຶກໃຫ້ແກ່ປະຊາຊົນບັນດາເຜົ່າເຂົ້າໃຈ ແລະ ເຫັນໄດ້ຄວາມສຳຄັນຂອງວຽກ

ງານກະສິກຳ ແລະ ປ່າໄມ້ ຕໍ່ກັບການດຳລົງຊີວິດ, ການສ້າງຊີວິດຄອບຄົວໃຫ້ມີຢູ່ມີກິນໃນເຂື່ອນໄຂໃໝ່, ດັ່ງຄຳສຸພາ

ສິດທີ່ວ່າ “ ທຸກບໍ່ມີເຂົ້າຢູ່ທ້ອງນອນລີ້ຢູ່ກໍບໍ່ເປັນ ” ຊຶ່ງອັນນີ້ເປັນປັດສະຍາຕົວຈິງທີ່ພົ້ນເດັ່ນໃນສັງຄົມ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...