ໝາກໄມ້ບາງຊະນິດທີ່ມີເປືອກ ເວລາຈະຮັບມາປະທານກໍຕ້ອງປອກເປືອກຖິ້ມກ່ອນ ເພື່ອໃຫ້ຮັບປະທານໄດ້ຢ່າງສະດວກ ແຕ່ເປືອກທີ່ປອກອອກໄປນັ້ນຢ່າຟ້າວນຳໄປຖິ້ມ ເພາະຍັງນຳກັບມາໃຊ້ໃຫ້ເກີດປະໂຫຍດໄດ້ອີກ ໂດຍສະເພາະເປືອກຫມາກໄມ້ປະເພດໝາກກ້ຽງ ແລະ ໝາກນາວ ວ່າແຕ່ຈະນຳໄປເຮັດປະໂຫຍດຫຍັງໄດ້ອີກນຳ ລອງໄປເບິ່ງກັນເລີຍ
ເປືອກ ຂອງໝາກກ້ຽງ, ໝາກກ້ຽງໃຫຍ່, ໝາກນາວ ແລະ ຫມາກໄມ້ຕະກູນໄຊຕັດ ທີ່ຖືກປອກອອກມາແລ້ວ ກ່ອນທີ່ຈະນຳໄປເຮັດປະໂຫຍດຢ່າງອື່ນຕໍ່ໄປນັ້ນ ຄວນມີການເຮັດຄວາມສະອາດໃຫ້ຮຽບຮ້ອຍກ່ອນ ທັງນີ້ກໍເພື່ອເປັນການລ້າງສານເຄມີ ຫລືຄາບຕ່າງໆ ທີ່ຕິດຢູ່ເທິງຜິວເປືອກອອກໄປໃຫ້ໝົດ ຈາກນັ້ນສາມາດນຳໄປໃຊ້ປະໂຫຍດໄດ້ດັ່ງນີ້
- ເປືອກໝາກນາວ
- ໃຊ້ຂັດຖູຕາມສ່ວນຕ່າງໆ ຂອງຮ່າງກາຍເວລາອາບນ້ຳ ຊ່ວຍກຳຈັດຄາບຂີ້ໄຄ ເຮັດໃຫ້ຮ່າງກາຍສະອາດ ຫອມສົດຊື່ນ
- ໃສ່ເປືອກມະນາວລົງໃນນ້ຳຊາ ເພື່ອເພີ່ມລົດຊາດໃຫ້ແຊບຂື້ນ
- ໃຊ້ໃສ່ໃນໄກ່ປິ້ງ ເພື່ອເພີ່ມກິ່ນ ແລະ ລົດຊາດໃຫ້ໜ້າຮັບປະທານ
- ເປືອກໝາກກ້ຽງ
- ໃຊ້ເພີ່ມຄວາມນຸ່ມນວນໃຫ້ນ້ຳຕານແດງ ໂດຍນຳໄປໃສ່ໄວ້ໃນໂຫລນ້ຳຕານແດງ
- ໃຊ້ເປັນເຄື່ອງປຸງໃນເຄື່ອງດື່ມປະເພດຄັອກເທວ
- ໃຊ້ເຮັດແຍມ ນອກຈາກຊີ້ນໝາກກ້ຽງແລ້ວເປືອກກໍຍັງນຳໄປເຮັດເປັນແຍມໄດ້ອີກ
- ເພີ່ມຄວາມສົດຊື່ນໃຫ້ຖົງຕີນ ໂດຍເຮັດໃຫ້ແຫ້ງ ບັນຈຸໃສ່ໃນຊອງ ຫລື ຖົງ ເຈາະລູໃຫ້ລະບາຍກິ່ນອອກມາ ແລ້ວນຳໄປວາງໄວ້ຕາມຕູ້ເກີບ
- ໃຊ້ເຮັດເປັນປຸ໋ຍໄດ້ ໂດຍນຳໄປວາງກອງກັນໄວ້ຕາມບໍລິເວນຕົ້ນໄມ້ ແລ້ວປ່ອຍໃຫ້ຍ່ອຍສະລາຍລົງດິນໄປເອງ
- ນຳໄປຂັດຖູພື້ນເກີບ ເພື່ອກຳຈັດຄາບນ້ຳມັນຕ່າງໆ
- ໃຊ້ຖູທີ່ຜິວກາຍ ເພື່ອໄລ່ແມງທີ່ມາລົບກວນໃນຕອນກາງຄືນໄດ້
3 ເປືອກໝາກກ້ຽງໃຫຍ່
- ນຳເປືອກໝາກກ້ຽງໃຫຍ່ທີ່ຜ່ານການຕົ້ມແລ້ວ ມາໃຊ້ຂັດຖູພາຊະນະປະເພດອະລູມິນຽມ ເຊັ່ນ ຕະຫລິວ, ຈອງ ຈະເຮັດໃຫ້ພາຊະນະເຫລົ່ານີ້ເງົາງາມຄືໃໝ່
- ໃຊ້ກັ່ນເຮັດເປັນນ້ຳຫອມ
- ນຳມາເຮັດແຍມ ຫລື ຂະໜົມ