Homeຂ່າວການພັດທະນາU-MONEY ໄດ້ຮັບລາງວັນ SME ນະວັດຕະກໍາດີເດັ່ນ (SME Innovation Excellence Award)

U-MONEY ໄດ້ຮັບລາງວັນ SME ນະວັດຕະກໍາດີເດັ່ນ (SME Innovation Excellence Award)

Published on

ບໍລິສັດ ສະຕາ ຟິນເທັກ ຈຳກັດ ຜູ້ດຽວ ໄດ້ຮັບລາງວັນລະດັບປະເທດອີກ​ຄັ້ງ ນັ້ນ​ກໍຄື: ລາງວັນປະເພດທຸລະກິດ SME ດີເດັ່ນ – ຂະແໜງການ ນະວັດຕະກໍາດີເດັ່ນ (SME Innovation Excellence Award) ຈາກງານປະກາດລາງວັນ ທຸລະກິດອາຊຽນດີເດັ່ນ ແຫ່ງ ສປປລາວ ປະຈຳປີ 2021  ເຊີ່ງ ລາງວັນຖືກຈັດຂື້ນໂດຍ ສະພາການຄ້າ ແລະ ອຸດສາຫະກຳແຫ່ງຊາດລາວ. ເຊີ່ງໂຄງການປະກາດລາງວັນ ດັ່ງກ່າວນີ້ ແມ່ນຖືກ ຈັດຕັ້ງຂື້ນທຸກໆ ປີໂດຍຈະມີບັນດາ ບໍລິສັດພາຍໃນປະເທດເຂົ້າຮ່ວມເປັນຈຳນວນຫຼາຍ ແລະ ວ່າງບໍ່ດົນມານີ້ U-MONEY ກໍ່ໄດ້ຮັບ ລາງວັນ ນັກທຸລະກິດຊັ້ນນຳດີເດັ່ນ ສຄອຊ ໃນໄລຍະໂຄວິດ 19 ປະຈຳປີ 2021.

ນອກນັ້ນໃນ ປີ 2020 ທີ່ ຜ່ານມາ U-MONEY ໄດ້ຮັບລາງວັນ ລະດັບສາກົນ ລາງວັນ Silver Stevie  ໃນຫົວຂໍ້ “ນະວັດຕະກຳໃໝ່ ດ້ານຜະລິດຕະພັນ ແລະ ການບໍລິການສຳລັບຜູ້ບໍລິໂພກ” (Award for Innovation in Consumer Products & Services) ທີ່ສະໜອງບໍລິການ-ການເງິນຜ່ານມືຖື ໃນ ສປປ ລາວ ປະກາດລາງວັນໂດຍ Asia-Pacific Stevie Awards 2020. ນອກນັ້ນຍັງໄດ້ຮັບລາງວັນຈາກ IT world Awards 2020 ຈັດໂດຍ Network Product Guide ໃນໝວດໝູ່: ຜະລິດຕະພັນ ແລະ ການບໍລິການທີ່ສະໜອງດ້ານເຕັກໂນໂລຊີ ໃນຂົງເຂດວຽກງານການເງິນ, ການທະນາຄານ ແລະ ປະກັນໄພ (IT Products & Services for Finance, Banking and Insurance ).

ດ້ວຍຜົນງານການຄົ້ນຄວ້າປະດິດສ້າງ, ການສ້າງສັນ, ດ້ວຍຄວາມພະຍາຍາມ ໃນການສະໜອງບໍລິການທີ່ດີທີ່ສຸດອອກສູ່ສັງຄົມ ດ້ວຍເປົ້າໝາຍສະໜອງບໍລິການດ້ານການເງິນເທີງມືຖື ລົງທຸກຂົງເຂດ ໃນທົ່ວປະເທດເພື່ອຊ່ວຍໃຫ້ປະຊາຊົນ ສາມາດເຂົ້າເຖີງການເງິນ ດີຈີຕອນທີ່ທັນສະໄໝທີ່ສຸດໄດ້ຢ່າງທົ່ວເຖີງ ເພື່ອຍົກສູງຊີວິດການເປັນຢູ່ຂອງປະຊາຊົນໃຫ້ນັບມື້ນັບດີຂື້ນ, ດ້ວຍຄຸນຄ່າ ການບໍລິການ ຕະຫຼອດໄລຍະເວລາ 3 ປີຜ່ານມາ U-MONEY ໄດ້ຮັບລາງວັນ ເຖີງ 4 ລາງວັນ ໃນລະດັບພາຍໃນ ປະເທດ ແລະ ສາກົນ , ເຊີ່ງເປັນລາງວັນທີ່ຊົງຄຸນຄ່າ , ພາກພູມໃຈຂອງອ້າພຍນ້ອງພະນັກງານ ເວົ້າສະເພາະ.

ດ້ວຍສະຖານະການ ຂອງການແຜ່ເຊື້ອພະຍາດໂຄວິດໃນປະຈຸບັນ, ປະຊາຊົນຕ້ອງມີການປັບຕົວເຂົ້າໃນການດຳລົງຊີວິດແບບໃໝ່ (New Normal) ເຊີ່ງແນ່ນອນການນຳໃຊ້ເທັກໂນໂລຢີ ເຂົ້າໃນການເອື້ອຍອຳນວຍຄວາມສະດວກຈື່ງມີຄວ່າ ຈຳເປັນຢ່າງຍີ່ງໃນປະຈຸບັນ ເປັນຕົ້ນຂົງເຂດວຽກງານການເງິນ, ບໍລິການ U-MONEY ຈື່ງເປັນອີກໜື່ງບໍລິການທີ່ເໝາະສົມທີ່ສຸດຍຸກນີ້ເພາະບໍລິການ U-MONEY ເປັນບໍລິການ ກະເປົາເງິນ ເອເຣັກໂທຼນິກ ສາມາດເຮັດທຸລະກຳ ໂອນເງິນ-ຖອນເງິນ ອອກເປັນເງິນສົດ – ການຊໍາລະ ບໍລິການ ໂທລະຄົມ, ປະກັນໄພ, ນ້ຳປະປາ ແລະ ເຊົ່າສິນເຊື່ອຕ່າງໆ ໂດຍຜ່ານລະບົບມືຖື ລວມທັງການເຊື່ອມຕໍ່ກັບບັນດາທະນາຄານ ຊັ້ນນຳໄດ້ , ເຊີ່ງສາມາດຫລຸດຜ່ອນການນຳໃຊ້ເງິນສົດ ຫລີກລ່ຽງການສຳພັດ ເຊີ່ງກັນແລະ ກັນໄດ້ເປັນຢ່າງດີ. ຜ່ານໄລຍະເວລາ 3 ປີ U-MONEY ໄດ້ມີການຂະຫຍາຍເລກໝາຍລົງທະບຽນ ບໍລິການເຖີງ 1,6 ລ້ານເລກໝາຍ, ມີການຂະຫຍາຍຮ້ານຕົວແທນ ຫຼາຍກ່ວາ 10,000 ຮ້ານຕົວແທນ, ຂະຫຍາຍຮ້ານຮັບຊຳລະຜ່ານ QR code ຮ້ານຄ້າຕ່າງໆ ຫຼາຍກວ່າ 70.000 ຮ້ານຄ້າ ໃນຂອບເຂດທົ່ວປະເທດ.

U-MONEY ຈະບໍ່ຢຸດຢັ້້ງ ການພັດທະນາຜະລິດຕະພັນ ໂດຍຄໍານືງເຖີງຜົນປະໂຫຍດສູງສຸດໃຫ້ກັບປະຊາຊົນ , ຮັບໃຊ້ປະຊາຊົນ ແລະ ຮັບໃຊ້ສັງຄົມ ເປັນຕົ້ນປະຊາຊົນ ທີ່ດໍາລົງຊີວິດຢູ່ເຂດຫ່າງໄກສອກຫຼີກ ກໍ່ສາມາດເຂົ້າເຖິງ ບໍລິການດ້ານການເງິນ – ການທະນາຄານ ໄດ້ຢ່າງສະດວກ ເພື່ອພັກດັນໃຫ້ບັນດາ ປະຊາຊົນຮູ້ນໍາໃຊ້ ແລະ ເຂົ້າ ເຖິງ ທຸລະກຳ ທາງດ້ານການເງິນໃນຮູບແບບດີຈີຕອນ ເຊິ່ງຈະເຮັດໃຫ້ເປັນການ ສົ່ງເສີມ ສ້າງພື້ນຖານ ໃນການພັດທະນາ ເສດຖະກິດຊຸມຊົນໃຫ້ນັບມື້ຈະເລີນຮຸ່ງເຮືອງຍີ່ງຂຶ້ນ.

ບົດຄວາມຫຼ້າສຸດ

ສົ່ງຕົວແກ້ງຄໍເຊັນເຕີກັບຈີນ ກົມຕໍາຫຼວດຄຸ້ມຄອງຄົນຕ່າງປະເທດ ສົ່ງຕົວແກ້ງຄໍເຊັນເຕີ ຈໍານວນ 485 ຄົນ ໃຫ້ທາງການຈີນ ນຳໄປດຳເນີນຄະດີ ຫຼັງຈາກຖືກຈັບກຸມຢູ່ ສປປ ລາວ

ໃນວັນທີ 13 ພຶດສະພາ 2026 ຢູ່ດ່ານສາກົນບໍ່ເຕັນ ແຂວງຫຼວງນໍ້າທາ, ກົມຕໍາຫຼວດຄຸ້ມຄອງຄົນຕ່າງປະເທດ ກົມໃຫຍ່ສັນຕິບານ ກະຊວງ ປກສ ຮ່ວມກັບສູນຮ່ວມມືວຽກງານຕໍາຫຼວດລາວ-ຈີນ ໄດ້ມອບ-ຮັບຕົວພວກຖືກຫາທີ່ເປັນຄົນສັນຊາດຈີນ ຈໍານວນ 485...

ເອກະພາບໃນການປັບປຸງເສັ້ນທາງ ຈຳປາສັກ-ຊຽງແຕງ (ກຳປູເຈຍ) ເຫັນດີ ຈັບມືປັບປຸງເສັ້ນທາງດ່ານສາກົນ ໜອງນົກຂຽນ-ຕໍປຽງກຣຽນ  ຖືເປັນບາດກ້າວສຳຄັນ ແລະ ເສີມສ້າງສາຍພົວພັນມິດຕະພາບ.

ໃນວັນທີ 11 ພຶດສະພາ 2026, ທ່ານ ປອ ອາລຸນໄຊ ສູນນະລາດ, ເລຂາພັກແຂວງ, ປະທານສະພາປະຊາຊົນແຂວງຈຳປາສັກ ໄດ້ລົງພື້ນທີ່ຕິດຕາມ ແລະ ຊີ້ນຳການກະກຽມສ້ອມແປງເສັ້ນທາງແຕ່ ດ່ານສາກົນໜອງນົກຂຽນ...

ຊົມເຊີຍເຈົ້າໜ້າທີ່ຕຳຫຼວດ! ໃນການຕິດຕາມກວດກາ ແລະ ສະກັດກັ້ນບັນດາກຸ່ມອາຊະຍາກຳທາງເຕັກໂນໂລຊີ ຫຼື ແກ້ງສໍ້ໂກງຊັບທາງໂທລະຄົມ ທີ່ລັກລອບເຂົ້າມາເຄື່ອນໄຫວຜິດກົດໝາຍຢູ່ ສປປ ລາວ.

ໃນຍຸກທີ່ເຕັກໂນໂລຊີດິຈິຕອນ ແລະ ອິນເຕີເນັດໄດ້ກາຍເປັນສ່ວນໜຶ່ງທີ່ຂາດບໍ່ໄດ້ໃນຊີວິດປະຈຳວັນ, ໄພຂົ່ມຂູ່ຈາກແກ້ງສໍ້ໂກງຊັບທາງໂທລະຄົມ (Call Center) ຫຼື ອາຊະຍາກຳທາງເຕັກໂນໂລຊີ ໄດ້ຂະຫຍາຍຕົວຢ່າງວ່ອງໄວ ແລະ ກາຍເປັນໜຶ່ງໃນໄພຄຸກຄາມທີ່ຮ້າຍແຮງທີ່ສຸດຕໍ່ຄວາມໝັ້ນຄົງຂອງຊາດ, ເສດຖະກິດ ແລະ ສັງຄົມໃນທົ່ວໂລກ...

ກົມຕໍາຫຼວດຄຸ້ມຄອງການທ່ອງທ່ຽວແຈ້ງ ບັນດາບໍລິສັດທ່ອງທ່ຽວ ເມື່ອຕ້ອງນໍາເຂົ້ານັກທ່ອງທ່ຽວ ຕ້ອງໄດ້ຕິດຂັດໃບຢັ້ງຢືນການຈອງໂຮງແຮມ ນັບແຕ່ມື້ເຂົ້າ ຮອດ ມື້ເດີນທາງອອກ

ອີງຕາມແຈ້ງການຂອງ ກະຊວງປ້ອງກັນຄວາມສະຫງົບ ກົມໃຫຍ່ສັນຕິບານ ກົມຕໍາຫຼວດຄຸ້ມຄອງການທ່ອງທ່ຽວ ເລກທີ 1545/ກຄທ ນະຄອນຫຼວງວຽງຈັນ ລົງວັນທີ 12 ພຶດສະພາ 2026 ເຖິງ: ບັນດາຜູ້ປະກອບການຫົວໜ່ວຍທຸລະກິດບໍລິສັດທ່ອງທ່ຽວທີ່ນັບຖື. ເລື່ອງ: ການປະກອບເອກະສານເພີ່ມເຕີມ ກ່ຽວກັບການຂໍອະນຸຍາດນໍາເຂົ້ານັກທ່ອງທ່ຽວ...