ເຂົ້າໜົມປັງໂຮມວີດ
ເຂົ້າໜົມປັງໂຮມວີດ ຖືເປັນເຂົ້າໜົມປັງທີ່ອຸດົມໄປດ້ວຍທັນຍະພືດນານາຊະນິດ ເຊິ່ງຈະສາມາດຊ່ວຍດູດຊຶມແອວກໍຮໍໃນຮ່າງກາຍໄດ້ເປັນຢ່າງດີ
ເຂົ້າຈ້າວ
ເຂົ້າຈ້າວຮ້ອນ ໆ ຍ່ອຍງ່າຍ ສະບາຍທ້ອງ ແຖມໃຫ້ພະລັງງານ ຕື່ນເຊົ້າມາກໍກິນໄດ້ເລີຍ ນອກຈາກນີ້ຍັງສາມາດເອົາມາປະຄົບໜ້າໄດ້ໄດ້ນໍາອີກ ແຕ່ອັນນີ້ຕ້ອງນຳເຂົ້າຈ້າວແຊ່ໄວ້ໃນຕູ້ເຢັນກ່ອນ ເມື່ອເຂົ້າເຢັນແລ້ວໃຫ້ນຳອອກມາໃສ່ຜ້າຂາວບາງໆແລ້ວຄ່ອຍ ໆ ເອົາມາປະຄົບລົງເທິງໜ້າ ແລະ ເປືອກຕາ ປະຄົບຖິ້ມໄວ້ປະມານ 5 ນາທີ ອາການເມົາຄ້າງຈະຫາຍໄປ ແລະ ຈະຮູ້ສຶກສົດຊື່ນຂຶ້ນໄດ້
ເຂົ້າໜົມສາລີ
ຫລັງຈາກເມົາໜັກມາທັງຄືນ ກໍຄວນຕື່ມເກືອແຮ່ໃຫ້ກັບຮ່າງກາຍ ດ້ວຍການກິນຫຍັງທີ່ເຄັມໆ ຈະຊ່ວຍໃຫ້ຟື້ນໄດ້ໄວຂຶ້ນ ແລະ ສາເຫດທີ່ຕ້ອງເປັນເຂົ້າໜົມສາລີກໍເພາະວ່າ ເປັນເຂົ້າໜົມທີ່ບໍ່ໄດ້ໃຊ້ນ້ຳມັນຈືນກິນ ແລ້ວບໍ່ຕຸ້ຍຄືເຂົ້າໜົມອື່ນໆ ທົ່ວໄປ ແຖມຍັງຫາຊື້ໄດ້ງ່າຍໆ
ຊີລຽວທັນຍາຫານກັບນົມໄຂມັນຕ່ຳ
ຫລັງຈາກເມົາມາທັງຄືນກໍຄວນຕື່ມພະລັງງານໃຫ້ກັບຮ່າງກາຍ ໂດຍການກິນອາຫານເບົາໆ ຍ່ອຍງ່າຍ ແລະ ໄດ້ປະໂຫຍດຫລວງຫລາຍຢ່າງ ຊີລຽວທັນຍາຫານກັບນົມໄຂມັນຕ່ຳ ຈະສາມາດຊ່ວຍເພີ່ມພະລັງງານໃຫ້ກັບຮ່າງກາຍໄດ້ເປັນຢ່າງດີ
ແກງຫລືເຂົ້າປຽກເຂົ້າຮ້ອນໆ
ຕື່ນເຊົ້າມາການໄດ້ຊົດຫຍັງຮ້ອນ ໆ ຈະເຮັດໃຫ້ສາວໆ ຮູ້ສຶກສະບາຍຄໍຂຶ້ນ ແຖມຍັງຊ່ວຍແກ້ອາການເມົາຄ້າງໄດ້ເປັນຢ່າງດີ
ສະຕໍເບີລີ
ດື່ມນ້ຳສະຕໍເບີລີບີບສົດໆ ຈອກໃຫ່ຍໆ ຫລື ຈະກິນແບບສົດໆ ກໍໄດ້ຄືກັນ ເຊິ່ງ ສະຕໍເບີລີເປັນຫມາກໄມ້ທີ່ມີລົດສົ້ມໆ ຫວານໆ ຈະຊ່ວຍແກ້ອາການເມົາຄ້າງໄດ້ຜົນດີີ
ໝາກໂມ
ໝາກໂມ ຫມາກໄມ້ທຳມະດາ ແຕ່ມີຄຸນສົມບັດໃນການຖອນພິດເຫລົ້າໄດ້ແບບບໍ່ໜ້າເຊື່ອ ນອກຈາກນີ້ຍັງສາມາດແກ້ອາການຢາກນ້ຳ ແລະ ຊ່ວຍໃຫ້ອາການຫງຸດຫງິດ ເໜື່ອຍງ່າຍ ທີ່ສາວນັກດື່ມທັງຫລາຍມັກຈະເປັນຫລັງອາການເມົາຄ້າງໃຫ້ໝົດໄປໄດ້ນໍາອີກ
ນ້ຳເກັກຮວຍ
ເກັກຮວຍ ສາມາດຊ່ວຍໃຫ້ອາການຫົວໝຸນຕິ້ວໆ ຂອງສາວໆ ເຊົາໄດ້ງ່າຍໆ ເພາະເກັກຮວຍນັ້ນເປັນສະໝຸນໄພມີສັບພະຄຸນທີ່ຈະສາມາດຊ່ວຍຫລຸດອາການເຈັບຫົວ ແລະຍັງເຮັດໃຫ້ສົດຊື່ນຂຶ້ນໄດ້ນໍາອີກ
ຊັອກໂກແລັດ
ຫລັງຈາກດື່ມເຫລົ້າ ຖ້າບໍ່ຢາກຕື່ນມາແລ້ວຄ້າງຕ້ອງກິນຊັອກໂກແລັດແບບທີ່ມີນ້ຳຕານນ້ອຍ 2-3 ປ່ຽງ ຮັບຮອງຕື່ນຂຶ້ນມາຈະບໍ່ມີອາການເມົາຄ້າງຫລົງເຫລືອຢູ່ ເພາະ ຄາເຟອີນໃນຊັອກໂກແລັດຈະຊ່ວຍເຮັດໃຫ້ຕື່ນໂຕ ໝົດຫ່ວງເລື່ອງມຶນຫົວໄດ້ແນ່ນອນ