- ລ້າງໜ້າດ້ວຍນ້ຳອຸນຫະພູມຫ້ອງທຸກມື້
ແຕ່ບໍ່ຄວນລ້າງໜ້າຫລາຍຈົນເກີນໄປ ການລ້າງຫນ້າທີ່ເໝາະສົມຄວນເຮັດພຽງ 2 ເທື່ອເທົ່ານັ້ນ ຕອນເຊົ້າຕື່ນນອນ ແລະ ຕອນກາງຄືນໃນໄລຍະເວລາຊຳລະລ້າງຮ່າງກາຍ ການລ້າງໜ້ານັ້ນຈະຊ່ວຍລ້າງຄາບສິ່ງເປີເປື້ອນທີ່ອຸດຕັນຢູ່ໃນຮູຂຸມຂົນອອກໄປ ເຊິ່ງເປັນການຊ່ວຍກະຊັບຮູຂຸມຂົນໃຫ້ນ້ອຍລົງໄດ້
- ປະຄົບນໍ້າກ້ອນເທິງໜ້າ
ໂດຍການເອົານໍ້າກ້ອນຖູຄ່ອຍໆ ໄປຕາມບໍລິເວນທີ່ຮູຂຸມຂົນກວ້າງ ປະມານ 15-30 ວິນາທີ ຈະຊ່ວຍເຮັດໃຫ້ຮູຂຸມຂົນກະຊັບແລ້ວນ້ອຍລົງ ອີກທັງຍັງເອີ້ນຄວາມຊຸ່ມຊື່ນໃຫ້ກັບຜິວໜ້າໄດ້ນໍາອີກ ເຮັດປະຈຳທຸກເຊົ້າໄດ້ຍິ່ງເປັນການດີ
- ເບກກິ້ງໂຊດາ
ເມກອັບອາລຕິສ ມືອາຊີບເຄີຍບອກໄວ້ວ່າ ເບກກິ້ງໂຊດາ ຊ່ວຍໃນການກະຊັບຮູຂຸມຂົນເທິງໜ້າໄດ້ ພ້ອມຍັງຕໍ່ຕ້ານການເກີດສິວສຳລັບສູດການໃຊ້ເບກກິ້ງໂຊດານັ້ນບໍ່ຍາກ ຄື ປະສົມເບກກິ້ງໂຊດາປະມານ 2 ບ່ວງ ກັບ ນ້ຳອຸ່ນປະມານ 2 ບ່ວງ ຈາກນັ້ນນຳສ່ວນປະສົມທີ່ໄດ້ທາລົງເທິງຜິວທີ່ມີບັນຫາຮູຂຸມຂົນກວ້າງ ແລ້ວນວດໃຫ້ເປັນວົງມົນແບບເບົາໆ ປະມານ 30 ວິນາທີ ແລ້ວລ້າງອອກດ້ວຍນ້ຳເຢັນ ເຮັດເປັນປະຈຳທຸກຄືນ ປະມານ 5-7 ມື້ ຕໍ່ອາທິດຫລັງຈາກນັ້ນ ຈຶ່ງຄ່ອຍໆ ຫລຸດປະລິມານລົງໃຫ້ເຫລືອພຽງ 3-5 ເທື່ອຕໍ່ອາທິດ? ແຕ່ຂໍເຕືອນ ສຳລັບຄົົນທີ່ມີຜິວທີ່ບາງ ຄວນໃຊ້ເບກກິ້ງໂຊດາຢ່າງລະມັດລະວັງ ເພາະອາດເຮັດໃຫ້ເກີດຄວາມລະຄາຍເຄືອງຕໍ່ຜິວໄດ້
- ຜ້າຂົນໜູແຊ່ນ້ຳຫມາກໄມ້ລົດສົ້ມ
ນຳຜ້າຂົນໜູຜືນນ້ອຍໆ ທີ່ໃຊ້ເຊັດໜ້າ ແຊ່ໃນນ້ຳໝາກນາວ ແລະ ນ້ຳໝາກນັດ ຫລື ນຳນ້ຳຫມາກໄມ້ທັງສອງຊະນິດບີບລົງຜ້າທີ່ກຽມໄວ້ ໃຫ້ພໍຊຸ່ມໆ ໄດ້ເຊັ່ນກັນ ຈາກນັ້ນໃຫ້ນຳຜ້າຂົນໜູ ວາງນາບລົງໄປເທິງໜ້າ ຖິ້ມເອົາໄວ້ປະມານ 1 ນາທີ ແລ້ວລ້າງອອກດ້ວຍນ້ຳອຸນຫະພູມຫ້ອງ ເຊິ່ງມີນ້ຳໝາກນາວ ແລະ ນ້ຳໝາກນັດ ລາວມີເອນໄຊ ທຳມະຊາດທີ່ມີຄຸນສົມບັດໃນການຊ່ວຍກະຊັບໃຫ້ຜິວເຄັ່ງຕຶງ ແລະ ຊ່ວຍເຮັດໃຫ້ຮູຂຸມຂົນຫົດຕົວນ້ອຍລົງ
- ມາກໜ້າດ້ວຍໂຢເກີດ
ໂຍເກິີດທຳມະຊາດຈະມີກົດ ແລກຕິກ ແລະ ໂປໄບໂອຕິກ ເຊິ່ງມີຄຸນສົມບັດໃນການຕໍ່ຕ້ານເຊື້ອແບກທີເລຍທີ່ເຮັດໃຫ້ເກີດສິວຂຶ້ນເທິງໜ້າ ແລະ ຍັງຊ່ວຍຫລຸດການຂະຫຍາຍຂະໜາດຂອງຮູຂຸມຂົນ ເຊິ່ງວິທີການກະຊັບຮູຂຸມຂົນດ້ວຍໂຍເກິດ ກໍແສນຈະງ່າຍດາຍ ພຽງແຕ່ນຳໂຍເກິດລົດທຳມະຊາດ ບໍ່ຕ້ອງປະສົມກັບຫຍັງທັງນັ້ນ ທາບາງໆ ໃຫ້ທົ່ວໜ້າ ຖິ້ມເອົາໄວ້ປະມານ 5-10 ນາທີ ແລ້ວລ້າງອອກດ້ວຍນ້ຳສະອາດ ພຽງອາທິດລະເທື່ອເທົ່ານັ້ນກໍສາມາດງາມໄດ້ແລ້ວ