ໃນຕອນນີ້ປະເທດມຽນມາກໍາລັງພົບກັບພາວະທີ່ເຮັດໃຫ້ປະຊາຊົນທຸກຍາກຂາດເຂີນ ຈາກເຫດການລັດຖະປະຫານ ແລະ ຍັງມີການແຜ່ລະບາດຂອງພະຍາດໂຄວິດ-19 ທີ່ສົ່ງຜົນເຮັດໃຫ້ເສດຖະກິດຫຼຸດຖອຍລົງໄປນັບມື້. ຈາກສະພາບການດັ່ງກ່າວເຮັດໃຫ້ປະຊາຊົນຕ້ອງທົນທຸກຢູ່ກັບການດໍາລົງຊີວິດທີ່ແນມບໍ່ເຫັນທາງອອກ.
ການໃຊ້ຊີວິດຂອງປະຊາຊົນໃນປະເທດມຽນມາບາງກຸ່ມກໍຕ້ອງໄດ້ກິນອາຫານມື້ລະໜຶ່ງຄາບ ເຊິ່ງປະຊາຊົນບອກວ່າບໍ່ເຄີຍທຸກຍາກແບບນີ້ມາກ່ອນ ແລະ ທະນາຄານໂລກກໍໄດ້ປະເມີນວ່າເສດຖະກິດຂອງປະເທດມຽນມາຈະຫຼຸດລົງ 18% ແລະ ຄວາມທຸກຍາກຂອງປະຊາຊົນຈະເພີ່ມຂຶ້ນເປັນສອງເທົ່າໃນປີ 2022.
ປະຊົນລຸກຂຶ້ນຕໍ່ຕ້ານລັດຖະບານທ່າມກາງຄວາມທຸກຍາກ, ລະບົບຂອງທະຄານໃກ້ຈະຫຼົ້ມ ຫຼັງຈາກທີ່ເກີດລັດຖະປະຫານປະຊາຊົນເລັ່ງຖອນເງິນຝາກຈາກທະນາຄານເຮັດໃຫ້ທະນາຄານຕ້ອງຈໍາກັດຈໍານວນເງິນທີ່ສາມາດຖອນໄດ້ ແລະ ນອກຈາກນັ້ນມູນຄ່າເງິນຂອງມຽນມາຍັງອ່ອນຄ່າລົງເຖິງ 20% ເມື່ອທຽບກັບເງິນດອລລ້າ ເຮັດໃຫ້ປະຊາຊົນເລືອກເກັບເງິນດອລລ້າຫຼາຍກວ່າເງິນສະກຸນມຽນມາ.
ເຖິງແມ່ນວ່າໃນເດືອນພຶດສະພາທີ່ຜ່ານມາໂຄງການອາຫານໂລກຂອງອົງການສະປະຊາຊາດໄດ້ຈັດສັນອາຫານໃຫ້ກັບຄົນດ້ອຍໂອກາດຈໍານວນ 800,000 ຄົນ ແຕ່ໂຄງການດັ່ງກ່າວກໍຍັງຕ້ອງການເງິນສະໜັບສະໜຸນຕື່ມອີກປະມານ 86 ລ້ານດອລລ້າ ເພື່ອຊ່ວຍຈັດສັນອາຫານໃຫ້ປະຊາຊົນຊາວມຽນມາໃຫ້ພຽງພໍສໍາລັບ 6 ເດືອນ.
ແຫຼ່ງຂ່າວ: BBC Thai