ສໍານັກຂ່າວ ເອພີ ລາຍງານວ່າ ເຫດໄຟປ່າຫຼາຍ 10 ຈຸດໃກ້ກັບຣີສອດໃນແຂວງອັນທັນຍາ ແລະ ແຂວງມູລາ ທາງທິດຕາເວັນຕົກສ່ຽງໃຕ້ຂອງປະເທດຕຸລາກີ ລ່ວງເຂົ້າສູ່ວັນທີ 5 ແລ້ວ ເມື່ອວັນທີ 1 ສິງຫາ 2021 ໂດຍເຈົ້າໜ້າທີ່ພົບສົບຜູ້ເສຍຊີວິດເພີ່ມເຕີມ ທີ່ໃຫ້ຍອດຜູ້ລ່າສຸດທີ່ 8 ສົບແລ້ວ ຂະນະທີ່ຊາວບ້ານກັບນັກທ່ອງທ່ຽວຕ້ອງໜີຕາຍດ້ວຍເຮືອຂະໜາດນ້ອຍ ໂດຍມີເຮືອຂອງໜ່ວຍຍາມຝັ່ງກອງທັບລອຍຢູ່ເທິງທະເລ ເພື່ອກຽມພ້ອມກໍລະນີທີ່ຕ້ອງມີການອົບພະຍົບຄັ້ງໃຫຍ່.
ຫຼາຍຫຼັງຄາເຮືອນໃນເມືອງ ມາຊິຄອຍ ຢູ່ແຂວງ ມູລາ ແມ່ນຖືກໄຟໄໝ້ໄດ້ຮັບຄວາມເສຍຫາຍ ປະຊາຊົນຕ້ອງພາກັນອົບພະຍົບໜີຕາຍ ຊາວບ້ານໃນໝູ່ບ້ານ Cokertme ເຊິ່ງຢູ່ໃກ້ກັນຕ້ອງອົບພະຍົບ ເນື່ອງຈາກໄຟໄດ້ລາມໃກ້ເຂົ້າມາເລື້ອຍໆ ນັກຂ່າວທ້ອງຖິ່ນລາຍງານວ່າ ໂຮງງານໄຟຟ້າພະລັງງານຄວາມຮ້ອນ 2 ແຫ່ງທີ່ຕັ້ງຢູ່ບໍ່ໄກ ກໍສ່ຽງໄດ້ຮັບຜົນກະທົບຈາກໄຟປ່າເຊັນກັນ.
ທາງການຕວັກກີ ຍັງປະກາດໃຫ້ນັກທ່ອງທ່ຽວ ແລະ ຊາວບ້ານ ອົບພະຍົບອອກຈາກພື້ນທີ່ ເນື່ອງຈາກໄຟໄດ້ລາມຢ່າງໄວວາ ແລະ ກະແສລົມຮ້ອນທີ່ແຮງ ຈົນເຈົ້າໜ້າທີ່ດັບເພີງໄດ້ຮັບຄວາມລໍາບາກໃນການເຮັດວຽກ, ພວກເຂົາຕ້ອງໄດ້ໃຊ້ເຮລິຄອບເຕີເຂົ້າຊ່ວຍໃນການດັບໄຟໃນຈຸດທີ່ບໍ່ສາມາດເຂົ້າເຖິງໄດ້ຈາກທາງພື້ນດິນ.
ປະກົດການ ຄື້ນຄວາມຮ້ອນກໍາລັງເຮັດໃຫ້ເກີດໄຟໄໝ້ປ່າຮຸນແຮງທົ່ວເອີຣົບ ແຕ່ມີຂ່າວລືໃນຕວັກກີວ່າ ໄຟໄໝ້ປ່າບາງຈຸດອາດເກີດຈາກມະນຸດ ເຊິ່ງທາງການຕວັກກີຢືນຢັນວ່າ ມີການວາງເພີງ ໂດຍກຸ່ມຫົວຮຸນແຮງ ຫຼື ບໍ່ ສ່ວນຜູ້ຊຽວຊານເຊື່ອວ່າ ໄຟປ່າສ່ວນໃຫຍ່ໃນຕວັກກີ ເກີດຈາກພາວະໂລກຮ້ອນ ປົນກັບອຸບັດຕິເຫດທີ່ມະຍຸດສ້າງຂຶ້ນ