ຈຳນວນຜູ້ເສຍຊີວິດຈາກເຫດການເຮືອບິນຕົກໃນປີ 2020 ເພີ່ມສູງຂຶ້ນ ເຖິງແມ່ນວ່າຈະເປັນໄລຍະການລະບາດຂອງໂຄວິດ-19 ກໍ່ຕາມ.
ສຳນັກຂ່າວຕ່າງປະເທດ ລາຍງານວ່າ To 70 ບໍລິສັດທີ່ປຶກສາດ້ານການບິນຂອງເນເທີແລນລະບຸວ່າ ມີຜູ້ເສຍຊີວິດຈາກເຫດການເຮືອບິນຕົກທົ່ວໂລກເມື່ອປີທີ່ຜ່ານມາຈຳນວນ 299 ຄົນ ເພີ່ມຂຶ້ນຈາກຈຳນວນ 257 ຄົນໃນປີ 2019 ເຖິງແມ່ນວ່າຈຳນວນຖ້ຽວບິນໃນປີຜ່ານມາຈະຫຼຸດລົງຫຼາຍເນື່ອງຈາກມາດຕະການຄວບຄຸມການລະບາດໂຄວິດ-19.
ເວັບໄຂຕິດຕາມເສັ້ນທາງການບິນ “ໄຟລເຣດາຣ໌ 24” (Flightradar 24) ລາຍງານວ່າຈຳນວນທ້ຽວບິນທຸລະກິດຫຼຸດລົງ 42% ໃນປີທີ່ຜ່ານມາ.
ຖະແຫຼງການ To70 ກ່າວວ່າຕົວເລກດັ່ງກ່າວແມ່ນອີງໃສ່ຈຳນວນຜູ້ເສຍຊີວິດໃນອຸບັດເຫດເຮືອບິນໂດຍສານຂະໜາດໃຫຍ່. ລວມທັງການກະທຳ ທີ່ຜິດກົດໝາຍເຊັ່ນການຍິງເຮືອບິນຕົກ.
ຈຳນວນຜູ້ເສຍຊີວິດໃນປີ 2020 ລວມມີຜູ້ຖືກເຄາະຮ້າຍຈາກກອງກຳລັງປະກອບອາວຸດອີຣານຍິງເຮືອບິນໂດຍສານຖ້ຽວບິນສາກົນຢູເຄນໃນເດືອນມັງກອນ ແລະ ອີຣານມີແຜນຈະມອບເງິນ 150.000 ໂດລາ (4,5 ລ້ານໂດລາສະຫະລັດ). ຕໍ່ຄອບຄົວລວມທັງໝົດ 176 ຄົນທີ່ເສຍຊີວິດຈາກເຫດການດັ່ງກ່າວ.
ນອກນີ້, ຍັງລວມມີຜູ້ເສຍຊີວິດ 98 ຄົນໃນເດືອນພຶດສະພາຫຼັງຈາກເຮືອບິນນາໆຊາດຂອງປາກີສະຖານຕົກຢູ່ເມືອງ ກາຣາຈີ. ລາຍງານເບື້ອງຕົ້ນລະບຸວ່າມັນເກີດມາຈາກ “ຂໍ້ບົກຜ່ອງຂອງມະນຸດ”.
To70 ພົບວ່າ ຈຳນວນອຸບັດຕິເຫດຫຼຸດລົງຈາກ 86 ຄັ້ງໃນປີ 2019 ມາເປັນ 40 ໃນປີ 2020 ແລະ ໃນ ຈຳນວນ 40 ຄົນ, ມີພຽງ 5 ຄົນເທົ່ານັ້ນທີ່ເສຍຊີວິດ.
ເຖິງແມ່ນວ່າບໍລິສັດທີ່ປຶກສາດ້ານການບິນນີ້ລະບຸວ່າ ອັດຕາການເກີດອຸບັດຕິເຫດມັນ “ໃກ້ກັບຕົວເລກສະເລ່ຍໃນໄລຍະ 10 ປີທີ່ຜ່ານມາ,” ແຕ່ໄດ້ເຕືອນວ່າການຫຼຸດລົງຂອງ ຈຳນວນຖ້ຽວບິນມີຜົນກະທົບທີ່ ສຳຄັນຕໍ່ຜົນງານຂອງລູກເຮືອ, ໂດຍກ່າວວ່າ “ການຫຼຸດລົງຂອງທັກສະທັກສະເທື່ອລະກ້າວ”. ການຫຼຸດລົງແມ່ນບັນຫາໃຫຍ່ໃນອຸດສະຫະກຳ ຂອງພວກເຮົາໃນລະຫວ່າງທີ່ພວກເຮົາກັບມາປະຕິບັດງານປົກກະຕິ.
ຮຽບຮຽງຂ່າວ: ພຸດສະດີ