ມີການສຶກສາຫລ້າສຸດທີ່ລາຍງານເມື່ອເດືອນກັນຍາທີ່ຜ່ານມາ ພົບວ່າ ເຮົາຈະສາມາດເຮັດວຽກໄດ້ຢ່າງມີປະສິດທິພາບຫລາຍຂຶ້ນ ຖ້າຫາກເຮົາໄດ້ພັກເປັນເວລາ 17 ນາທີ ໃນການເຮັດວຽກງານທຸກໆ 52 ນາທີ ເຊິ່ງນັກວິໄຈໄດ້ໃຊ້ໂປແກມໃນການຊ່ວຍຕິດຕາມການເຮັດວຽກງານຂອງຜູ້ເຂົ້າຮັບວິໄຈໂດຍພົບວ່າມີ 10% ຂອງຜູ້ເຂົ້າຮັບການວິໄຈເຮັດວຽກມີປະສິດທິພາບສູງຂຶ້ນຫລາຍ ເມື່ອໄດ້ພັກຜ່ອນລະຫວ່າງເຮັດວຽກຕາມເວລາດັ່ງກ່າວ
ໂດຍນັກວິໄຈໄດ້ກ່າວວ່າ ສະຫມອງຂອງຄົນເຮົາບໍ່ສາມາດຄວາມສົນໃຈໄປທີ່ສິ່ງໆໜຶ່ງໄດ້ດົນຕະຫລອດ 8 ຊົ່ວໂມງ ແລະ ການນັ່ງຢູ່ກັບບ່ອນດົນເຖິງ 8 ຊົ່ວໂມງຕໍ່ມື້ ກໍຍັງສົ່ງຜົນເສຍຕໍ່ຮ່າງກາຍນໍາອີກ ດັ່ງນັ້ນ ຈຶ່ງຄວນມີການພັກຜ່ອນລະຫວ່າງເຮັດວຽກ ໂດຍການຢູ່ໃຫ້ໄກຈາກງານ ແລະ ຄອມພິວເຕີ ໄປຍ່າງຫລິ້ນ ໂອ້ລົມກັບໝູ່ຮ່ວມງານ ຫລື ຈະຮັບກິນຂອງທີ່ມີປະໂຫຍດ ກໍສາມາດເປັນການພັກຜ່ອນທີ່ດີໄດ້ ແຕ່ຖ້າຫາກຄິດວ່າ ການພັກເຖິງ 17 ນາທີ ນັ້ນເບິ່ງຈະດົນເກີນໄປ ອາດສ່ຽງຕໍ່ການຖືກໄລ່ອອກ ກໍປ່ຽນມາພັກເທື່ອລະ 5-10 ນາທີ ກໍສາມາດຊ່ວຍໄດ້ເຊັ່ນກັນ
ເຖິງແມ່ນວ່າ ການພັກຜ່ອນລະຫວ່າງການເຮັດວຽກງານຈະເປັນສິ່ງທີ່ດີ ແຕ່ກໍຄວນຈະໃຊ້ເວລາພັກຜ່ອນໃຫ້ເໝາະສົມ ເພາະຖ້າຫາກພັກດົນເກີນໄປກໍອາດຈະກາຍເປັນຂີ້ຄ້ານ ແຖມຍັງເບິ່ງບໍ່ດີໃນສາຍຕາຫົວໜ້ານໍາອີກ