spot_img
Homeຂ່າວທ້ອງຖິ່ນລັດຖະບານເຫັນດີໃຫ້ປິດໂຮງຮຽນລ້ຽງເດັກ-ໂຮງຮຽນອະນຸບານຊົ່ວຄາວ

ລັດຖະບານເຫັນດີໃຫ້ປິດໂຮງຮຽນລ້ຽງເດັກ-ໂຮງຮຽນອະນຸບານຊົ່ວຄາວ

Published on

ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງໂຄວິດ-19 ໄດ້ເຮັດໜັງສືສະເໜີຕໍ່ທ່ານລັດຖະມົນຕີກະຊວງສຶກສາທິການ ແລະ ກິລາ ສະເໜີໃຫ້ພິຈາລະນາປິດໂຮງຮຽນລ້ຽງເດັກ ແລະ ໂຮງຮຽນອະນຸບານຊົ່ວຄາວ ເພື່ອຍົກສູງມາດຕະການເຝົ້າລະວັງໂຄວິດ-19.

ອີງຕາມການລາຍງານຈາກໜັງສືພິມວຽງຈັນທາມໃຫ້ຮູ້ວ່າ ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ໃຫ້ສໍາພາດຕໍ່ສື່ມວນຊົນໃນຕອນເຊົ້າຂອງວັນທີ 16 ມີນາ ວານນີ້ວ່າ ລັດຖະບານເຫັນດີໃຫ້ປິດໂຮງຮຽນລ້ຽງເດັກ-ອະນຸບານ ຊົ່ວຄາວ ໃນທົ່ວປະເທດ ນັບແຕ່ວັນທີ 17 ມີນາ 2020 ເປັນຕົ້ນໄປຈົນເຖິງວັນທີ 19 ເມສາ 2020 ນີ້ ເພື່ອປ້ອງກັນ ແລະ ສະກັດກັ້ນເຊື້ອຈຸລະໂລກສາຍພັນໃໝ່ 2019 (COVID-19).

ການໃຫ້ສໍາພາດດັ່ງກ່າວແມ່ນໃນໂອກາດທີ່ ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍຄະນະ ເຄື່ອນໄຫວຢ້ຽມຢາມ ແລະ ເຮັດວຽກ ເພື່ອຕິດຕາມການປະຕິບັດມາດຕະການຕ່າງໆ ໃນການເຝົ້າລະວັງ, ປ້ອງກັນ, ຄວບຄຸມ ແລະ ແກ້ໄຂ ການແຜ່ລະບາດພະຍາດ COVID-19 ທີ່ສະໜາມບິນສາກົນວັດໄຕ ນະຄອນຫຼວງວຽງຈັນ ມື້ເຊົ້ານີ້.

ການປິດໂຮງຮຽນລ້ຽງເດັກ-ອະນຸບານ ຈະດໍາເນີນໄປຈົນກວ່າສໍາເລັດ ການສະເຫຼີມສະຫຼອງບຸນປີໃໝ່ລາວ ແລະ ສ່ວນມາດຕະການອື່ນໆ ພາຍຫຼັງສໍາເລັດການເຄື່ອນໄຫວຢ້ຽມຢາມ ດ່ານສາກົນ ຂົວມິດຕະພາບ ລາວ-ໄທ ແຫ່ງທີ 1, ໂຮງໝໍສູນກາງ 103, ໂຮງໝໍ ມິດຕະພາບ 150 ຕຽງ ແລະ ສະໜາມບິນສາກົນວັດໄຕ ໃນມື້ວານນີ້ແມ່ນຈະໄດ້ນໍາໄປປຶກສາຫາລືຢູ່ກອງປະຊຸມລັດຖະບານ ໃນວັນທີ 18 ມີນາ 2020 ນີ້ ເພື່ອອອກແຈ້ງການອັນລະອຽດໃນການປ້ອງກັນພະຍາດດັ່ງກ່າວ.

ສໍາລັບດ່ານປະເພນີຕ່າງໆ ຢູ່ທ້ອງຖິ່ນໃນທົ່ວປະເທດ ທີ່ຕິດຈອດກັບປະເທດເພື່ອນບ້ານ ແມ່ນເຫັນດີໃຫ້ປິດຊົ່ວຄາວ ແລະ ຫັນມາໃຊ້ດ່ານສາກົນແທນ ເພາະມີເຄື່ອງກວດທີ່ທັນສະໄໝ ແລະ ຮັບປະກັນໃນການກັ່ນຕອງ ແລະ ປ້ອງກັນຄວາມສ່ຽງຈາກການຕິດເຊື້ອພະຍາດ COVID-19 ທີ່ຈະເຂົ້າມາ ສປປ ລາວ.

 

ຮຽບຮຽງຂ່າວ: ພຸດສະດີ

 

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...