ສາວໆຕ້ອງກຽມພ້ອມຮັບມືກັບບັນຫາຜິວແຫ້ງແຕກ ທັງຜິວໜ້າ ແລະ ຜິວກາຍ ເພາະຖ້າແຫ້ງເຄັ່ງຫລາຍໆ ຈະຄັນນໍາ ສ່ວນຜິວໜ້າຖ້າຊ່າໆເມື່ອໃດແມ່ນແຕ່ງໜ້າບໍ່ງາມແນ່ນອນ ມື້ນີ້ເຮົາມີວິທີດີໆໃຫ້ກັບສາວໆເພື່ອປະເຊີນກັບລະດູໜາວທີ່ຈະກ້າວເຂົ້າມານີ້
ມາຮູ້ສາເຫດຂອງ” ຜິວແຫ້ງ ” ກັນກ່ອນ
1. ຕ່ອມຜະລິດໄຂມັນເຮັດວຽກຫລຸດລົງ ເຮັດໃຫ້ຜິວຂາດນ້ຳມັນຫລໍ່ລ້ຽງຕາມທຳມະຊາດ ແລະ ຜິວກໍບໍ່ສາມາດກັກເກັບຄວາມຊຸ່ມຊື່ນໄວ້ໄດ້ ເຮັດໃຫ້ລະດັບນ້ຳໃນຜິວຫລຸດລົງນ້ອຍກວ່າ 10% ຈາກລະດັບປົກກະຕິທີ່ 10-20%
2. ສະພາບອາກາດ ສະພາບແວດລ້ອມ ທັງໜາວ ທັງລົມ ແລະ ແດດ ລວມເຖິງມົນລະພາວະ
3. ການເບິ່ງແຍງຜິວທີ່ບໍ່ຖືກຕ້ອງ
4. ອາຍຸທີ່ເພີ່ມຂຶ້ນ
ວິທີເບິ່ງແຍງຕົນເອງບໍ່ໃຫ້ຜິວແຫ້ງ
1. ກິນອາຫານໃຫ້ຄົບທຸກໝູ່ ເພື່ອໃຫ້ຜິວໄດ້ຮັບສານອາຫານເຂົ້າໄປຊ່ວຍບຳລຸງ ແລະຊ່ອມແຊມສ່ວນທີ່ເສຍຫາຍ
2. ຫານ້ຳຈັກຈອກໜຶ່ງ ວາງເອົາໄວ້ໃກ້ໂຕເມື່ອໂຕຢູ່ໃນຫ້ອງແອ ເພື່ອຊ່ວຍເພີ່ມຄວາມຊຸ່ມຊື່ນໃນອາກາດ
3. ທາຄີມກັນແດດທຸກມື້ ເຖິງແມ່ນບໍ່ໄດ້ອອກໄປໃສ ແລະ ຄວນພະຍາຍາມຫລີກລ້ຽງແດດແຮງ
4. ດື່ມນ້ຳໃຫ້ພຽງພໍ ຢ່າໃຫ້ຜິວຂາດນ້ຳ 6-8ຈອກເປັນຢ່າງຕໍ່າ
5. ຄົົນທີ່ມີຜິວແຫ້ງຢູ່ແລ້ວ ບໍ່ຄວນລ້າງໜ້າກາຍມື້ລະ 2 ເທື່ອ ແລະ ເລືອກໃຊ້ຜະລິດຕະພັນລ້າງຫນ້າທີ່ຮັກສາຄວາມຊຸ່ມຊື່ນຂອງຜິວໄວ້
6. ຄັດຜິວແນ່ ແຕ່ຢ່າຄັດຫລາຍຈົນເກີນໄປ ສຳລັບຜິວກາຍ ສາມາດຄັດໄດ້ອາທິດ ລະ 2 ເທື່ອ ແລະ ຜິວໜ້າອາທິດລະເທື່ອກໍ່ພໍ
7. ທາມອຍເຈີໄລເຊີ ຢ່າງສະໝໍ່າສະເໝີ ເລືອກໃຊ້ຜະລິດຕະພັນທີ່ຊ່ວຍໃຫ້ຜິວເກັບນ້ຳໄວ້ໄດ້ ແລະ ປົກປ້ອງບໍ່ໃຫ້ຜິວສູນເສຍຄວາມຊຸ່ມຊື່ນ