ສາວ ໆ ຄົງເຄີຍໄດ້ຍິນປະໂຫຍກ ຫລື ຄຳບອກກ່າວວ່າ ເວລາມີປະຈຳເດືອນບໍ່ຄວນດື່ມນ້ຳມະພ້າວຢ່າງເດັດຂາດ ຫລາຍຄົນອາດຈະຍັງບໍ່ຮູ້ເຫດຜົນ ຫລື ບໍ່ແນ່ໃຈວ່າເຊື່ອໄດ້ບໍ່ ຫລື ບໍ່
ຄວາມຈິງແລ້ວ ນ້ຳມະພ້າວ ກໍມີລັກສະນະຄ້າຍກັບນ້ຳຫວານ ຫລື ເຄື່ອງດື່ມທຳມະດາທົ່ວໄປ ຊຶ່ງບໍ່ມີຜົນກະທົບຕໍ່ການ ມີປະຈຳເດືອນແຕ່ຢ່າງໃດ ແຕ່ອາດຈະມີຂໍ້ຍົກເວັ້ນນຳ ໃນບາງຄົົນທີ່ແພ້ນ້ຳມະພ້າວ ເນື່ອງຈາກໃນນ້ຳມະພ້າວມີສານປະກອບ ຫລືຮອລ໌ໂມນ ບາງຢ່າງຊຶ່ງອາດເຮັດໃຫ້ບາງຄົນເກີດອາການແພ້ໄດ້ ແລ້ວບັງເອີນວ່າອາການແພ້ນັ້ນ ເກີດໃນລະຫວ່າງຊ່ວງມີປະຈຳເດືອນ ເອີ້ນວ່າປະຈວບເໝາະກັນພໍດີ ຈຶ່ງເຮັດໃຫ້ເຂົ້າໃຈຜິດ ວ່ານ້ຳມະພ້າວບໍ່ຄວນຮັບປະທານສຳລັບຜູ້ທີ່ກຳລັງມີປະຈຳເດືອນ
ໂດຍທົ່ວໄປບໍ່ໄດ້ຫ້າມຮັບປະທານ ຖ້າວ່າໃນນ້ຳມະພ້າວອ່ອນ ຈະພົບສານຄ້າຍ ຮອລ໌ໂມນ ເພດຍິງຫລາຍຕົວ ຄື Estrone, Beta Estradiol, Progesterone, ແລະ ມີ Testosterone ຊຶ່ງເປັນຮອລ໌ໂມນເພດຊາຍ ຢູ່ເລັກນ້ອຍ ຊຶ່ງຖ້າດື່ມນ້ຳມະພ້າວ ກ່ອນຈະມີປະຈຳເດືອນອາດເຮັດໃຫ້ ປະຈຳເດືອນເລື່ອນໄປໄດ້ ບໍ່ມາກົງຕາມກຳນົດໄດ້ ແຕ່ອາດບໍ່ເປັນທຸກຄົນ ທັງນີ້ຂຶ້ນກັບປະລິມານ ນ້ຳມະພ້າວທີ່ດື່ມ ປະລິມານຮອລ໌ໂມນໃນນ້ຳມະພ້າວແຕ່ລະໜ່ວຍ ຊຶ່ງບໍ່ເທົ່າກັນ ແລະ ການຕອບຮັບຕໍ່ ຮ່າງກາຍຂອງແຕ່ລະຄົນຊຶ່ງແຕກຕ່າງກັນ
ຮູ້ແບບນີ້ແລ້ວ ສາວໆ ທີ່ມັກດື່ມນ້ຳມະພ້າວຄົງສະບາຍໃຈແລ້ວ ເພາະຕາບໃດ ທີ່ທ່ານບໍ່ໄດ້ແພ້ສານບາງຢ່າງໃນນ້ຳມະພ້າວກໍສະບາຍໃຈໄດ້ເລີຍວ່າ ເຈົ້າສາມາດ ດື່ມນ້ຳມະພ້າວ ໄດ້ໃນທຸກໂອກາດແມ່ນແຕ່ຍາມທີ່ມີ ປະຈຳເດືອນ