ໝາກນອດ (Passion fruit) ແມ່ນໝາກໄມ້ທີ່ມີຜົນປະໂຫຍດຫຼວງຫຼາຍ ຕໍ່ສຸຂະພາບ. ໝາກນອດ ມີສານຕ້ານອະນຸມູນອິດສະຫຼະຫຼວງຫຼາຍ ເຊິ່ງຊ່ວຍປ້ອງກັນ ມະເລັງ, ຊ່ວຍຊະລໍຄວາມແກ່ ແລະ ການອັກແສບ. ໝາກນອດ ມີຈໍານວນ ເສັ້ນໄຍສູງເຊິ່ງຊ່ວຍໃນການຍ່ອຍອາຫານຂອງທ່ານ. ນອກຈາກນີ້ ມັນຍັງມີຜົນປະໂຫຍດນາໆປະການຕໍ່ຮ່າງກາຍ ແລະ ປ້ອງກັນຫຼາຍພະຍາດ.
ປ້ອງກັນມະເລັງ (Cancer):
ໝາກນອດ ແມ່ນອຸດົມໄປດ້ວຍ ສານຕ້ານອະນຸມູນອິດສະຫຼະ, ວິຕາມິນ C. ໝາກນອດ ບັນຈຸ 50% ຂອງ ຄຸນຄ່າທາດທີ່ຈໍາເປັນຕໍ່ຮ່າງກາຍ. ສານອະນຸມູນອິດສະຫຼະ ເກີດຂື້ນ ເນື່ອງຈາກການເພິ່ມຂື້ນຂອງມົນລະພິດ. ເນື່ອງຈາກມົນລະພິດເພິ່ມຂື້ນ, oxidative stress ເພິ່ມຂື້ນ, ການເພິ່ມຂື້ນຂອງ oxidative stress ໄດ້ເພິ່ມການຜະລິດ ສານອະນຸມູນອິດສະຫຼະຫຼາຍຂື້ນໃນຮ່າງກາຍ. ສານອະນຸມູນອິດສະຫຼະ ເຫຼົ່ານີ້ ທໍາລາຍ DNA ຂອງ ເຊວ ປົກກະຕິ ແລະ ກາຍເປັນເຊວມະເລັງ. ໝາກນອດ ປະກອບດ້ວຍວິຕາມິນ A ແລະ ທາດ ທີ່ມີປະສິດທິພາບ ໃນການປ້ອງກັນ ມະເລັງ ໃນປາກ ແລະ ມະເລັງປອດ.
ປ້ອງກັນຄວາມດັນເລືອດສູງ (Blood pressure):
ໝາກນອດ ແມ່ນມີປະສິດທິພາບສູງໃນການປ້ອງກັນ ຄວາມດັນເລືອດສູງ. ມັນປະກອບດ້ວຍ ທາດ ໂປເຕຊຽມ potassium 348 mg. ທາດ potassium ສູງ ສາມາດຊ່ວຍດຸ່ນດ່ຽງ ລະດັບທາດໂຊດຽມ ໃນຮ່າງກາຍ. ຖ້າລະດັບທາດໂຊດຽມ ໃນຮ່າງກາຍສູງ ຈະເພິ່ມຄວາມສ່ຽງໃນການເປັນ ຄວາມດັນເລືອດສູງ ແລະ ພະຍາດອື່ນໆເຊັ່ນ ຫົວໃຈລົ້ມເຫຼວ ຫຼື ຫົວໃຈວາຍ.
ເຮັດຄວາມສະອາດລໍາໃສ້ໃຫຍ່ (Colon Cleanser):
ໝາກນອດ ປະກອບດ້ວຍ ເສັ້ນໄຍທີ່ສາມາດລະລາຍໃນນໍ້າ. ເສັ້ນໄຍນີ້ ສາມາດ ຂັບລ້າງສານພິດ ໃນລໍາໃສ້ໃຫຍ່. ສານພິດເຫຼົ່ານີ້ກໍ່ໃຫ້ເກີດ ມະເລັງລໍາໃສ້. ໃນ 100 g ຂອງ ໝາກນອດ ປະກອບມີ 27% ທາດເສັ້ນໄຍ ທີ່ຮ່າງກາຍຕ້ອງການ. ດັ່ງນັ້ນມັນແມ່ນອາຫານທີ່ດີ່ທີ່ສຸດເພື່ອຂັບລ້າງສານ ພິດອອກຈາກລໍາໃສ້.
ຄຸນປະໂຫຍດທາງສາຍຕາ (Eye Vision):
ເນື່ອງຈາກມີການປ່ຽນແປງໃນວິຖີການດໍາລົງຊີວິດ, ບັນຫາດ້ານສາຍຕາ ໄດ້ເພີ່ມຂື້ນນັບມື້. ສາຍເຫດໜຶ່ງຂອງການເສຍແສງຕາ ແມ່ນເນື່ອງມາຈາກ ຂາດສານອາຫານ ໃນອາຫານ, ເຊິ່ງການເສຍແສງຕາ ແມ່ນສາມາດແກ້ໄດ້ ດ້ວຍການກິນອາຫານທີ່ດີຕໍ່ສຸຂະພາບ. ໝາກນອດ ແມ່ນ ອາຫານເພື່ອ ສຸຂະພາບມີທີ່ປະໂຫຍດຕໍ່ສາຍຕາ. ມັນອຸດົມສົມບູນໄປດ້ວຍ ສານຕ້ານ ອະນຸມູນອິດສະຫຼະຈໍານວນຫຼາຍ, ວິຕາມິນ A, ວິຕາມິນ C ແລະ ທາດທີ່ຈໍາເປັນອື່ນໆອີກ. ສານອາຫານເຫຼົ່ານີ້ ປ້ອງກັນສາຍຕາ ຈາກ ການທໍາລາຍຂອງສານອະນຸມູນອິດສະຫຼະ. ດັ່ງນັ້ນມັນມີຜົນໂຫຍດໃນການ ປ້ອງກັນ ການເສຍສາຍຕາ ແລະ ຍັງປັບປຸງສາຍຕານໍາອີກ.
ເພີ່ມການຜະລິດຂອງເລືອ (Increase Blood production):
ໝາກນອດ ຍັງອຸດົມສົມບູນໄປດ້ວຍ ທາດເຫຼັກ ເຊິ່ງປະກອບມີ 20% ຂອງຄວາມຕ້ອງການປະຈໍາວັນ. ໄປຄຽງຄູ່ກັບທາດເຫຼັກ, ມັນຍັງເປັນແຫຼ່ງລວມວິຕາມິນ C, ເຊິ່ງ ວິຕາມິນ C ເພິ່ມຄວາມສາມາດໃນການດູດຊຶ່ມທາດເຫຼັກ. ດັ່ງນັ້ນ, ມັນປ້ອງກັນ ການສູນເສຍທາງເຫຼັກ ແລະ ເພິ່ມການຜະລິດເລືອດ.
ຊ່ວຍເພິ່ມລະບົບຍ່ອຍ (Improves digestion):
ໝາກນອດ ປະກອບດ້ວຍທາດເສັ້ນໄຍສູງ ເພິ່ມຄວາມສາມາດໃນການລະບາຍ ແລະ ລະບົບການຍ່ອຍອາຫານ. ພ້ອມກັນນີ້, ມັນຍັງ ເພິ່ມຄວາມສາມາດໃນການດູດຊຶມສານອາຫານຂອງຮ່າງກາຍ.
ເພິ່ມພູມຄຸ້ມກັນ (Immunity):
ວິຕາມິນ C ແມ່ນມີປະສິດທິພາບສູງໃນການເພິ່ມພູມຄຸ້ມກັນ. ມັນເພິ່ມພູມຄຸ້ມກັນ ເພື່ອປ້ອງກັນ ໂລກທົ່ວໄປເຊັ່ນ: ໄຂ້, ໄຂ້ຫວັດ, ແລະ ການຕິດເຊື້ອອື່ນໆ.
ຄຸນປະໂຫຍດຕໍ່ ຫົວໃຈ ແລະ ຫຼອດເລືອດ (Cardiovascular Health):
ໝາກນອດ ທີ່ອຸດົມໄປດ້ວຍເສັ້ນໄຍສູງ ສາມາດ ຫຼຸດລະດັບໄຂມັນໃນເສັ້ນເລືອດໄດ້. ມັນເພິ່ມ HDL ( ໄຂມັນດີ) ແລະ ຫຼຸດ LDL ( ໄຂມັນທີ່ບໍ່ດີ). ດັ່ງນັ້ນ ມັນສາມາດ ປ້ອງກັນ ການອຸດຕັນ ໃນເສັ້ນເລືອດ ທີ່ໄຫຼຫຼໍ່ລ້ຽງຫົວໃຈ. ນອກຈາກນັ້ນ, ຈໍານວນ ສານຕ້ານອະນຸມູນອິດສະຫຼະ ທີ່ສູ່ງໃນໝາກນອດ ຍັງປ້ອງກັນຫຼອດເລືອດແດງ ຈາກ ສານອະນຸມູນ ອິດສະຫຼະ. ດັ່ງນັ້ນ, ມັນຈຶ່ງພິສູດວ່າມີຄຸນປະໂຫຍດຫຼາຍຕໍ່ລະບົບຫົວໃຈ ແລະ ຫຼອດເລືອດ.
ເຮັດໃຫ້ນອນຫຼັບດີ (Improve Sleep quality):
ຍັງໄດ້ຄົ້ນພົບວ່າ ການກິນໝາກນອດ ຊ່ວຍໃຫ້ລະບົບປະສານຜ່ອນຄາຍ ແລະ ເຮັດໃຫ້ນອນຫຼັບດີ.
ຫຼຸດຜ່ອນອາການຫອບຫືດ (Asthma):
ໝາກນອດ ແມ່ນມີປະສິດທິພາບສູງ ໃນການຫຼຸດຜ່ອນ ອາການ ຫອບຫືດ.
ຂໍ້ມູນກ່ຽວກັບ ໝາກນອດ
(ຂໍ້ມູນຈາກ: USDA Nutrient database)
ນໍ້າ Water : 72.93 g
ພະລັງງານ Energy : 97 Kcal
ກາກບອນໄຮເດຣດ Carbohydrates : 23.38 g
ໂປຕີນ Protein : 2.20 g
ໄຂມັນທັງໝົດ Total Fat : 0.70 g
ໂຄແລດສໂຕລໍ Cholesterol : 0 mg
ໄຍອາຫານ Dietary Fiber 10.40 g
ນໍ້າຕານ Sugars, total : 11.20 g
ທາດວິຕາມິນ Vitamins
• ວິຕາມິນ Folates : 14 µg
• ວິຕາມິນ Niacin : 1.500 mg
• ວິຕາມິນ Riboflavin : 0.130 mg
• ວິຕາມິນ A : 1272 IU
• ວິຕາມິນ B6 : 0.100 mg
• ວິຕາມິນ C : 30 mg
• ວິຕາມິນ E : 0.02 mg
• ວິຕາມິນ K : 0.7 mg
ແຮ່ທາດ Minerals