ຫໍວັດທະນະທຳແຂວງຫລວງພະບາງ ທີ່ກຳລັງຈະສ້າງຂຶ້ນຢູ່ທີ່ເຂດບ້ານນາສ້າງເຫວີຍ ແລະ ບ້ານຜານົມ ເປັນອາຄານ
2 ຊັ້ນ ຊຶ່ງສາມາດຕອບສະຫນອງດ້ານການປະຊຸມຕ່າງໆ ບັນຈຸໄດ້ເຖິງ 1 ພັນກວ່າຄົນ ແລະ ຮອງຮັບກິດຈະກຳໃນງານ
ທີ່ສຳຄັນຕ່າງໆຕື່ມອີກ.
ໂຄງການກໍ່ສ້າງຫໍວັດທະນະທຳແຂວງຫລວງພະບາງ ເປັນອາຄານສາທາລະນະມີ 2 ຊັ້ນ ທີ່ຕອບສະຫນອງທາງດ້ານ
ການປະຊຸມ ບໍ່ວ່າຈະເປັນການປະຊຸມລະດັບພູມິພາກ, ລະດັບແຂວງ ເຊິ່ງສາມາດບັນຈຸໄດ້ 1 ພັນກວ່າຄົນ ແລະ ຮອງ
ຮັບກິດຈະກຳໃນງານທີ່ສຳຄັນ ເປັນຕົ້ນແມ່ນກອງປະຊຸມສຳນັກງານ, ອົງການຕ່າງໆ, ງານພົບປະລະຫວ່າງແຂວງ
ຫລວງພະບາງກັບຕ່າງປະເທດ, ການປະຊຸມຂອງນັກທຸລະກິດຕ່າງໆ ທັງພາຍນອກ ແລະ ພາຍໃນແຂວງ.
ຫໍວັດທະນະທຳແຂວງຫລວງພະບາງ ເປັນໂຄງການຊ່ວຍເຫລືອລ້າຈາກລັດຖະບານປະເທດຫວຽດນາມ ນັກທຸລະກິດ
ຫວຽດນາມ ສົມທົບກັບທຶນຂອງປະທານປະເທດລາວ ແລະ ງົບປະມານຂອງລັດຖະບານລາວ ອອກແບບໂດຍສະມາ
ຄົມສະຖາປານິກ ແຂວງຫລວງພະບາງ ຕັ້ງໃນເນື້ອທີ່ດິນທັງຫມົດ 5,5 ເຮັກຕາ (55.000 ຕາແມັດ) ໃນນັ້ນ ເນື້ອທີ່
ອາຄານຫໍວັດທະນະທຳມີ 7.400 ຕາແມັດ, ພື້ນທີ່ຈອດລົດທັງຫມົດ 29.400 ຕາແມັດ, ສາມາດຈອດລົດໄດ້ 840 ຄັນ
(ລວມທັງບ່ອນຈອດລົດຈັກ, ລົດເມ ແລະ ທາງສັນຈອນ), ມີພື້ນທີ່ຈັດສວນສາທາລະນະ 11.500 ຕາແມັດ, ພື້ນທີ່ສີ
ຂຽວ (ເຂດຂະຫຍາຍ ແລະ ພື້ນທີ່ຫວ່າງ) ມີ 6.700 ຕາແມັດ.
ຫໍວັດທະນະທຳຫລັງໃຫມ່ນີ້ ຫາກສ້າງສຳເລັດຈະກາຍເປັນໂສມຫນ້າໃຫມ່ໃຫ້ແກ່ຊາວຫລວງພະບາງ ກໍຄືໂສມຫນ້າ
ໃຫມ່ຂອງເມືອງມໍລະດົກໂລກ ທັງເປັນການສະແດງໃຫ້ເຫັນເຖິງການປັບປຸງດ້ານພື້ນຖານໂຄງລ່າງຂອງ ແຂວງ
ຫລວງພະບາງທີ່ນັບມື້ນັບມີຄວາມເຕີບໃຫຍ່ຂະຫຍາຍຕົວຂຶ້ນເທື່ອລະກ້າວ.
ແຫລ່ງຂ່າວ: ເສດຖະກິດ – ສັງຄົມ