spot_img
Homeຂ່າວທ້ອງຖິ່ນໃຊ້ງົບ 9 ຕື້ກ່ວາກີບໃສ່ 172 ບ້ານໃນ ຜົ້ງສາລີ ຫວັງໃຫ້ຫຼຸດພົ້ນອອກຈາກຄວາມທຸກຍາກ

ໃຊ້ງົບ 9 ຕື້ກ່ວາກີບໃສ່ 172 ບ້ານໃນ ຜົ້ງສາລີ ຫວັງໃຫ້ຫຼຸດພົ້ນອອກຈາກຄວາມທຸກຍາກ

Published on

ກອງທຶນຫຼຸດຜ່ອນຄວາມທຸກຍາກ ຈະໃຊ້ງົບປະມານ 9 ຕື້ກ່ວາກີບ ເພື່ອຈັດຕັ້ງປະຕິບັດ 44 ໂຄງການ ຢູ່ 3 ເມືອງ ແຂວງຜົ້ງສາລີ ໃນປີ 2019 ຄື: ເມືອງ ຂວາ, ເມືອງ ສຳພັນ ແລະ ເມືອງ ໃໝ່ ໂດຍກວມເອົາ 4 ຂະແໜງການຄື: ສຶກສາທິການ, ສາທາລະນະສຸກ, ກະສິກຳ, ໂຍທາທິການ ແລະ ຂົນສົ່ງ ມີເປົ້າໝາຍທັງໝົດ 172 ບ້ານ ໂດຍຄາດໝາຍຈະເຮັດໃຫ້ສໍາເລັດທຸກໂຄງການພາຍໃນປີນີ້ ເພື່ອຊີວິດການເປັນຢູ່ຂອງປະຊາຊົນ ໃຫ້ຫຼຸດພົ້ນອອກຈາກຄວາມທຸກຍາກໃຫ້ໄດ້.

ທ່ານ ຖາວອນ ໄຊຍະບຸດ ຫົວໜ້າກອງທຶນຫຼຸດຜ່ອນຄວາມທຸກຍາກ ແຂວງ ຜົ້ງສາລີ ໃຫ້ຮູ້ວ່າ: ຈຳນວນ ໂຄງການທີ່ຈັດຕັ້ງປະຕິບັດຢູ່ 3 ເມືອງເປົ້າໝາຍຂອງແຂວງ ຜົ້ງສາລີ ປີ 2019 ເພີ່ມຂຶ້ນ 22 ໂຄງການເມື່ອທຽບໃສ່ ປີ 2018 ຜ່ານມາ, ຂະນະທີ່ງົບປະມານຈັດຕັ້ງປະຕິບັດໂຄງການກໍເພີ່ມຂຶ້ນ 1 ຕື້ກ່ວາກີບ ເນື່ອງຈາກກອງທຶນຫຼຸດຜ່ອນຄວາມທຸກຍາກ ມີງົບປະມານເຫຼືອຈາກການປະມູນໂຄງການຢູ່ແຂວງ ຜົ້ງສາລີ ໃນປີ 2017 ແລະ 2018 ຜ່ານມາ 1 ຕື້ກ່ວາກີບ ເມື່ອເອົາມາລວມໃສ່ປີ 2019 ເຮັດໃຫ້ງົບປະມານໃຊ້ຈ່າຍເພີ່ມຂຶ້ນ ແລະ ຈຳນວນໂຄງການກໍເພີ່ມຂຶ້ນເຊັ່ນກັນ.

ສໍາລັບປີ 2019 ນີ້, ທາງກອງທຶນ ຈະໃຊ້ງົບປະມານ 9 ຕື້ກ່ວາກີບ ເພື່ອຈັດຕັ້ງປະຕິບັດ 44 ໂຄງການ ຢູ່ 3 ເມືອງ ແຂວງຜົ້ງສາລີ ຄື: ເມືອງ ຂວາ, ເມືອງ ສຳພັນ ແລະ ເມືອງ ໃໝ່ ໂດຍກວມເອົາ 4 ຂະແໜງການຄື: ສຶກສາທິການ 25 ໂຄງການ, ກະສິກຳ 8 ໂຄງການ, ສາທາລະນະສຸກ 7 ໂຄງການ ແລະ ໂຍທາທິການ ແລະ ຂົນສົ່ງ 4 ໂຄງການ, ໂດຍມີບ້ານເປົ້າຫມາຍຂອງໂຄງການທັງໝົດ 172 ບ້ານ ເຊິ່ງມີຫຼາຍໂຄງການກໍາລັງຢູ່ໃນຂັ້ນຕອນການຈັດຊື້ອຸປະກອນການກໍ່ສ້າງ ແລະ ບາງໂຄງການກໍາລັງເລີ່ມຈັດຕັ້ງປະຕິບັດການກໍ່ສ້າງ ໂດຍຈະພະຍາຍາມເຮັດໃຫ້ສໍາເລັດທຸກໂຄງການພາຍໃນປີນີ້ ເພື່ອເຮັດໃຫ້ຊີວິດການເປັນຢູ່ຂອງປະຊາຊົນໃນກຸ່ມບ້ານເປົ້າໝາຍຂອງໂຄງການມີຊີວິດການເປັນຢູ່ດີຂຶ້ນ ແລະ ຫຼຸດພົ້ນອອກຈາກຄວາມທຸກຍາກໃຫ້ໄດ້.

ສະເພາະປີ 2018 ຜ່ານມາ,ກອງທຶນຫຼຸດຜ່ອນຄວາມທຸກຍາກ ໄດ້ຈັດຕັ້ງປະຕິບັດໂຄງການຍ່ອຍຢູ່ 3 ເມືອງເປົ້າໝາຍ ແຂວງ ຜົ້ງສາລີ ຄື: ເມືອງ ຂວາ, ເມືອງ ສໍາພັນ ແລະ ເມືອງໃໝ່, ລວມທັງໝົດ 22 ໂຄງການ, ມູນຄ່າ 7 ຕື້ກ່ວາກີບ, ກວມເອົາ 4 ຂະແໜງ ຄື: ສຶກສາທິການ ແລະ ໂຍທາທິການ ແລະ ຂົນສົ່ງ (ຂະແໜງລະ 9 ໂຄງການ) ສາທາລະນະສຸກ ແລະ ກະສິກຳ ແລະ ປ່າໄມ້ (ຂະແໜງລະ 2 ໂຄງການ). ປັດຈຸບັນ, ສາມາດໄດ້ສໍາເລັດ ແລະ ມີການມອບຮັບທຸກໂຄງການແລ້ວ.

 

 

 

 

 

 

 

 

 

 

 

 

 

 

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນ, ຮູບພາບຈາກ: Lao National Radio

ບົດຄວາມຫຼ້າສຸດ

ຂໍຂອບໃຈ! ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ

ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ ວັນທີ 25 ກຸມພາ 2025, ອົງການຮ່ວມມືສາກົນຍີ່ປຸ່ນ ໄດ້ລົງນາມໃນສັນຍາຊ່ວຍເຫຼືອລ້າໃຫ້ແກ່ລັດຖະບານລາວ ຈຳນວນ 1.27 ຕື້ເຢນ...

ຊາວໜຸ່ມ ກະຊວງ ປກສ ຄວ້າແຊ້ມກິລາບານເຕະ Lao Youth Union Cup ປະຈຳປີ 2024

ກະຊວງ ປກສ ຄວ້າແຊ້ມບານເຕະ Lao Youth Union Cup ປະຈຳປີ 2024 ໄດ້ສຳເລັດ ການແຂ່ງຂັນກິລາບານເຕະ ຊີງຂັນ ສະຫາຍ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ...

ສູນການສຶກສາແອວແອສ ລົງນາມເຊັນສັນຍາ ກັບສະຖາບັນ PSB ຂອງສິງກະໂປ ແລະ ການຮ່ວມມືກັບ (GEA)

ສູນການສຶກສາແອວແອສ (LS Education): ຜູ້ນຳດ້ານຄວາມເປັນເລີດທາງການສຶກສາໃນລາວ ແລະ ທົ່ວໂລກ ໃນຊຸມປີມໍ່ໆມານີ້, ປະເທດລາວເຫັນໄດ້ວ່າມີຄວາມຕ້ອງການການສຶກສາທີ່ມີຄຸນນະພາບໄດ້ຕາມມາດຕະຖານສາກົນນັບມື້ນັບເພີ່ມຂຶ້ນ. ຢູ່ແຖວໜ້າຂອງການຫັນປ່ຽນນີ້ແມ່ນ ສູນການສຶກສາແອວແອສ. ເນື່ອງຈາກເປັນສູນການສຶກສາຊັ້ນນຳທີ່ມຸ້ງໝັ້ນໃນການຍົກລະດັບການຮຽນຮູ້ໃນລາວ. ດ້ວຍວິໄສທັດທີ່ຈະສົ່ງເສີມໃຫ້ນັກຮຽນມີສັກະຍະພາບ ແລະ ໂອກາດທີ່ໄດ້ຮັບການຍອມຮັບໃນທົ່ວໂລກ, ສູນການສຶກສາແອວແອສ...

ກົມອຸຕຸອອກແຈ້ງການສະພາບອາກາດ ປະຈຳວັນທີ 26 ກຸມພາ 2025 ເວລາ 06:00 ໂມງ

ພະຍາກອນອາກາດແຕ່ເວລາ 07 ໂມງ ຂອງວັນທີ 26/02/2025 ຫາ ເວລາ 07 ໂມງ ຂອງວັນທີ 27/02/2025 ມວນອາກາດຫນາວເຢັນ ຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງແຮງ, ສົມທົບກັບກະແສ ລົມຕາເວັນອອກສ່ຽງເຫນືອພັດປົກຄຸມ....