ສະຖານເອກອັກຄະຣາຊາທູດແຫ່ງອານາຈັກໄທ ນະຄອນຫຼວງວຽງຈັນ ໄດ້ອອກປະກາດສະບັບເລກທີ 29001/21, ລົງວັນທີ 9 ພະຈິກ 2018 ເລື່ອງການນຳໃຊ້ໃບຂັບຂີ່ ສປປ ລາວ ໃນປະເທດໄທ.

ຕາມທີ່ປະກົດຂ່າວໃນສື່ອອນໄລນ໌ວ່າ ໃບຂັບຂີ່ ສປປ ລາວ ໃຊ້ໃນປະເທດໄທພຽງແຕ່ເຂດຈັງຫວັດອຸດອນທານີ ນັ້ນ ສະຖານເອອັກຄະຣາຊະທູດຂໍຮຽນດັ່ງນີ້:

1. ໃບຂັບຂີ່ຮູບແບບ Smart Card ຂອງຣາຊະອານາຈັກໄທ ແລະ ສປປ ລາວ ສາມາດນຳໃຊ້ໄດ້ລະຫວ່າງກັນ ຕາມຂໍ້ຕົກລົງ The Recognition of Domestic License Issued by ASEAN Countries 1985 ແລະ ຂໍ້ຕົກລົງກຳນົດລາຍລະອຽດ ການຂົນສົ່ງທາງບົກລະຫວ່າງລັດຖະບານແຫ່ງຣາຊະອານາຈັກໄທ ແລະ ລັດຖະບານແຫ່ງ ສປປ ລາວ ປີ 2001 ເຊິ່ງປະກອບດ້ວຍຄວາມຕົກລົງວ່າດ້ວຍການຂົນສົ່ງທາງບົກລະຫວ່າງລັດຖະບານແຫ່ງຣາຊະອານາຈັກໄທ ແລະ ລັດຖະບານແຫ່ງ ສປປ ລາວໃນປີ 1999.
2. ເຖິງແມ່ນຄວາມຕົກລົງດັ່ງກ່າວ ທີ່ທັງສອງປະເທດໄດ້ລະບຸໄວ້ ໃນກໍລະນີທີ່ໃບຂັບຂີ່ທີ່ບໍ່ໄດ້ອອກເປັນພາສາອັງກິດຕ້ອງມີເອກະສານແປພາສາອັງກິດທີ່ໄດ້ຮັບການຮັບຮອງນິຕິກອນ (ຮັບຮອງຄວາມຖືກຕ້ອງຂອງເອກະສານ) ປະກອບສະເໜີຈິ່ງສາມາດນຳໃຊ້ໃນປະເທດອື່ນໄດ້.
3. ໂດຍທີ່ໃບຂັບຂີ່ຂອງ ສປປ ລາວ ອອກເປັນພາສາລາວ ແລະ ພາສາຝຣັ່ງອາດຕ້ອງໄດ້ຮັບການແປເປັນພາສາອັງກິດ ແລະ ຮັບຮອງນິຕິກອນກ່ອນ ຈິ່ງສາມາດໃຊ້ໃນປະເທດໄທ ແລະ ປະເທດອື່ນໆໃນອາຊຽນໄດ້.

ຫາກທ່ານຕ້ອງການລະອຽດເພີ່ມເຕີມສາມາດໂທຖາມໂດຍກົງທີ່ຝ່າຍກົງສຸນຕາມໝາຍເລກໂທລະສັບ: 021 415335. ແຟັກ: 021 415336.

ຮຽບຮຽງຂ່າວ: ບຸດສະດີ ສາຍນ້ຳມັດ
ແຫຼ່ງຂໍ້ມູນ: ສະຖານເອກອັກຄະຣາຊາທູດແຫ່ງອານາຈັກໄທ ນະຄອນຫຼວງວຽງຈັນ