ເວັບໄຊຂ່າວມິເລີ ອັງກິດ ລາຍງານວ່າ ນາງແບບຊາວຝຣັ່ງວິກເຕີເລຍ ໄວ ອາຍຸ 30 ປີ ໄດ້ລົງທືນເງີນເປັນຈຳນວນຫລາຍກວ່າ 30, 000 ປອນ ຫລືປະມານ 375,000,000 ກີບ ສັນຍະກຳທຸກສັດສ່ວນເພື່ອໃຫ້ຕົວເອງເບິ່ງຄືຕຸກກະຕາຢາງ ຫລາຍທີ່ສຸດ ໂດຍນາງ ໄດ້ເພີ່ມຂະໜາດບັ້ນທ້າຍ ໜ້າເອິກ ທັງຍັງປູກຖ່າຍຮີມສົບຖາວອນໃຫ້ມີຂະໜາດໃຫຍ່ ແລະ ແນ່ເບິ່ງຊຸ່ມຊື່ນຫລາຍຍິ່ງຂຶ້ນ ວິກເຕີເລຍເວົ້າວ່າ ໃຝ່ຝັນຢາກມີຮູບຮ່າງຄືຕຸກກະຕາມາຕັ້ງແຕ່ເປັນເດັກນ້ອຍແລ້ວ
ໂດຍແຕ່ກ່ອນນາງຈະມີຮູບຮ່າງຜອມ ແລະ ຜົມສີເທົາຍາວ ຜູ້ຄົນຈຶ່ງມັກເອື້ນນາງວ່າ ‘ບາບີ້’ ແຕ່ຕົວນາງກັບບໍ່ມັກຮູບຮ່າງ ແລະ ບັ້ນທ້າຍທີ່ນ້ອຍຂອງຕົວເອງ “ເມື່ອອາຍຸນ້ອຍນາງກໍມີຊີວິດຄືຄົນທົ່ວໄປ ອາໄສຢູ່ບ້ານນ້ອຍໆ ແຖບຊານເມືອງ ນາງບໍ່ຮູ້ເລີຍວ່າການເຮັດສັນຍະກຳຕົກແຕ່ງເປັນແນວໃດ ແຕ່ນາງຝັນສະເໝີວ່າຈະມີຫຸ່ນໃຫຍ່ ໜ້າເອິກໃຫຍ່ ປາກໜາເບິ່ງຊຸ່ມຊື່ນຄືຕຸກກະຕາ
ເມື່ອອາຍຸ 20 ປີ ນາງກໍໄດ້ມີໂອກາດມາເຮັດອາຊີບນາງແບບ ຈຶ່ງໄດ້ຮູ້ຈັກການສັນຍະກຳຕົກແຕ່ງ ຈົນກະທັ້ງນາງພົບແຟນໜຸ່ມຜູ້ປະສົບຄວາມສຳເລັດທາງທຸລະກິດ ແລະ ມັກໃນຮູບຮ່າງຄືຕຸກກະຕາຄືກັນ ຈຶ່ງຊ່ວຍທືນສານຝັນໃຫ້ນາງໄດ້ເປັນຕຸກກະຕາສົມໃຈ
ນາງກ່ວ່ຖີ້ມທ້າຍວ່າ ຂ້ອຍຮູ້ສຶກພູູມໃຈຫລາຍທີ່ໃຜໆ ກໍຕ່າງຕ້ອງຫລຽວເບິ່ງມາທາງຂ້ອຍ ບໍ່ວ່າຂ້ອຍຈະໄປບ່ອນໃດກໍຕາມ” ນາງກ່າວຢ່າງພູມໃຈ
