ຊາຍຊາວຝຣັ່ງ ຖືກສັ່ງໃຫ້ຈຳຄຸກ ແລະ ປັບໃໝ ຫລັງໂທລະສັບ ແລະ ຕາມຮາວີແຟນເກົ່າລວມ 21,807 ຄັ້ງ ຕະຫລອດ

ໄລຍະ 10 ເດືອນ.

ສຳນັກຂ່າວຕ່າງປະເທດ ລາຍງານໃນວັນທີ 11 ກັນຍາ 2014 ຜ່ານມາວ່າ ຊາຍຊາວຝຣັ່ງຜູ້ໜຶ່ງ (ໂດຍບໍ່ເປີດເຜີຍຊື່)

ອາຍຸ 33 ປີ ໄດ້ຖືກເຈົ້າໜ້າທີ່ຕຳຫລວດສັ່ງລົງໂທດຈຳຄຸກ ແລະ ເສຍຄ່າປັບໃໝອີກ 1,000 ເອີໂຣ ຫລັງຈາກກໍ່ເຫດ

ຕາມຮາວີແຟນເກົ່າດ້ວຍການໂທລະສັບ ແລະ ສົ່ງຂໍ້ຄວາມຫາ ສະເລ່ຍ 73 ຄັ້ງຕໍ່ມື້ ເປັນໄລຍະເວລາດົນເຖິງ 10 ເດືອນ

ໂດຍລວມແລ້ວແມ່ນມີທັງໝົດ 21,807 ຄັ້ງ.

ທາງດ້ານທະນາຍຄວາມຂອງແຟນເກົ່າ ເຊິ່ງເປັນຜູ້ເສຍຫາຍໄດ້ເປີດເຜີຍວ່າ ລູກຄວາມຂອງເຂົາພະຍາຍາມທີ່ຈະ

ບລ໊ອກເບີໂທຂອງໜຸ່ມດັ່ງກ່າວ ແຕ່ແລ້ວຊາຍຄົນນັ້ນກໍຍັງໂທລະສັບເຂົ້າມາທາງພໍ່, ແມ່ ແລະ ບ່ອນເຮັດວຽກຂອງ

ນາງ ເຊິ່ງໄດ້ເຮັດໃຫ້ນາງໄດ້ຮັບຄວາມເດືອດຮ້ອນຫລາຍຈາກການຖືກລົບກວນ.

ເຖິງຢ່າງໃດກໍຕາມ ຊາຍຝຣັ່ງເສດລາຍນີ້ ຕ້ອງໄດ້ເຂົ້າພົບຈິດຕະແພດ ເພື່ອກວດສອບສະພາບຈິດໃຈ ແລະ ເຂົາ

ຕ້ອງຕັດຂາດການຕິດຕໍ່ກັບແຟນເກົ່າໃນທຸກໆຊ່ອງທາງ ພ້ອມກັບກ່າວເສຍໃຈອີກວ່າ ການກະທຳທີ່ເຂົາໄດ້ເຮັດ

ລົງໄປທັງໝົດນັ້ນແມ່ນເປັນເລື່ອງທີ່ໂງ່ທີ່ສຸດແທ້ໆ.