ການມີລູກ ອາດເປັນຄວາມຝັນຂອງແມ່ຍິງຫລາຍໆຄົນ ແຕ່ມັນບໍ່ແມ່ນເລື່ອງງ່າຍ ການທີ່ຈະມີລູກ ກໍ່ຕ້ອງມີຄວາມພ້ອມ ຈຶ່ງເປັນເລື່ອງທີ່ສຳຄັນຫລາຍ ເພື່ອໃຫ້ທ່ານເປັນຜູ້ໃຫຍ່ພໍ ທີ່ຈະສາມາດຮັບຜິດຊອບຊີວິດເຂົາໄດ້ແທ້ໆ ຖ້າຢາກຮູ້ວ່າທ່ານພ້ອມຈະເປັນແມ່ມືໃໝ່ ຫລື ບໍ່ນັ້້ນທ່ານກໍຄວນເບິ່ງ ຈາກສິ່່ງເຫລົ້ານີ້ກໍ່
1ສິ່ງທີ່ຜົວຕ້ອງກຽມພ້ອມ
ຄວາມພ້ອມຂອງຜົວນັ້ນ ສຳຄັນຫລາຍໆເລີຍແຫລະ ເພາະສຸດທ້າຍແລ້ວ ຄົົນທີ່ຈະຊ່ວຍທ່ານລ້ຽງລູກກໍຄື ຜົວນີ້ແຫລະ ຊຶ່ງຖ້າຜົວຂອງທ່ານຍັງຮັກອິດສະຫລະ ບໍ່ພ້ອມທີ່ຈະຮັບຜິດຊອບຊີວິດໃຜ ການມີລູກໃນເວລາແບບນີ້ກໍຄົງຈະບໍ່ດີເທົ່າໃດ ເພາະພໍ່ຄວນເປັນຜູ້ນຳທີ່ສອນໃຫ້ລູກເຂັ້ມແຂງ ແລະ ເປັນຜູ້ໃຫຍ່ໄດ້ ຊຶ່ງຖ້າຜົວຍັງບໍ່ພ້ອມຈະເປັນຕົວຢ່າງທີ່ດີແລ້ວ ກໍອາດເຮັດໃຫ້ລູກຂອງທ່ານ ໃຫຍ່ຂຶ້ນມາໂດຍປາດສະຈາກ ແບບຢ່າງທີ່ດີກໍໄດ້
2. ຄວບຄຸມອາລົມຂອງທ່ານໃຫ້ໄດ້ດີ
ໄລຍະທີ່ຖືພາ ອາລົມຂອງແມ່ຍິງທັງຫລາຍ ກໍມັກມີອາລົມປັ່ນປ່ວນຂຶ້ນໆ ລົງໆ ຈົນເດົາບໍ່ຖືກຖືເປັນເລື່ອງທຳມະດາ ຊຶ່ງຖ້າເປັນຄົນຄວບຄຸມອາລົມໄດ້ບໍ່ດີຢູ່ແລ້ວ ແຮງໄປກັນໃຫຍ່ເລີຍ ເພາະອາລົມຄຽດ ຫລື ຮ້າຍຂອງແມ່ ຈະເຮັດໃຫ້ລູກນ້ອຍຮັບຮູ້ໄດ້ ດັ່ງນັ້ນເພື່ອບໍ່ໃຫ້ລູກຕ້ອງມາຮັບຜົນກະທົບ ກໍຄວນມີລູກໃນໄລຍະທີ່ຊີວິດລົງຕົວ ແລະ ຕ້ອງຮັບມືກັບຄວາມຄຽດນ້ອຍລົງຈະດີກວ່າ
3. ສຸຂະພາບຕ້ອງແຂງແຮງ
ຕໍ່ໃຫ້ໃຈພ້ອມເທົ່າໃດ ແຕ່ຖ້າຮ່າງກາຍຂອງທ່ານບໍ່ພ້ອມກໍຄົງເປັນເລື່ອງຍາກຄືເກົ່າ ເພາະສະພາບຮ່າງກາຍຂອງທ່ານເປັນສິ່ງສຳຄັນຫລາຍ ຊຶ່ງຖ້າມີລູກຕອນສຸກຂະພາບອ່ອນເພຍ ນັ້ນກໍອາດເຮັດໃຫ້ລູກໃນທ້ອງ ບໍ່ແຂງແຮງ ຫລື ເຖິງຂັ້ນຜິດປົກກະຕິໄດ້ ເພາະສະນັ້ນຄວນໝັ້ນໃຈວ່າຕົວເອງແຂງແຮງດີແລ້ວແທ້ໆ ຄ່ອຍຄິດມີລູກຈະດີກວ່າ ນອກຈາກນີ້ກໍຢ່າລືມນັດຜົວ ໄປກວດສຸກຂະພາບພ້ອມໆກັນ ເພື່ອໃຫ້ແນ່ໃຈວ່າລູກ ມີຄວາມສ່ຽງຈາກພະຍາດພັນທຸກຳນຳ ເພື່ອຈະໄດ້ພ້ອມຮັບມືດ້ວຍ
4. ເລື່ອງເງີນກໍສຳຄັນ
ເລື່ອງເງີນ ກໍເປັນອີກສິ່ງທີ່ທ່ານເບິ່ງຂ້າມໄປ ເພາະສະໄໝນີ້ແມ່ນຫຍັງກໍແພງໄປໝົດ ແຖມການລ້ຽງເດັກນ້ອຍ ຍັງຕ້ອງໃຊ້ເງີນຫລາຍ ບໍ່ວ່າຈະເປັນຄ່າອາຫານຂອງຫລິ້ນ ໄປຈົນເຖິງຄ່າຮຽນ ດັ່ງນັ້ນ ຖ້າຢາກໃຫ້ລູກໄດ້ສິ່ງທີ່ດີທີ່ສຸດຢ່າງທີ່ທ່ານຝັນເອົາໄວ້ ກໍຄວນມີລູກໃນເວລາທີ່ມີການງານຫມັ້ນຄົງ ແລະ ເງີນສຳຮອງພ້ອມເທົ່ານັ້ນ
5. ພ້ອມຈະເລືອກລະຫວ່າງວຽກ ແລະ ລູກ
ໃນຍຸກປະຈຸບັນນີ້ມີແມ່ຍິງຫລາຍຄົົນທີ່ເຮັດວຽກພ້ອມກັບລ້ຽງລູກໄປນຳ ບາງຄົນທີ່ມີວຽກອອ້ມຕົວ ຈົນເຮັດໃຫ້ບໍ່ມີເວລາທີ່ຈະລ້ຽງລູກ ແລະ ການຈ້າງຄົນລ້ຽງລູກ ກໍບໍ່ແມ່ນເງີນນ້ອຍໆເລີຍໃດ ແຖມຍັງເຮັດໃຫ້ຫ່າງເຫີນກັບລູກນຳອີກ ດັ່ງນັ້ນບາງເທື່ອການເລືອກລະຫວ່າງວຽກ ແລະ ລູກຈິ່ງເປັນເລື່ອງທີ່ຫລີກລ້ຽງບໍ່ໄດ້ເລີຍ