spot_img
Homeຂ່າວນໍ້າຖ້ວມມວນນ້ຳມະຫາສານໄຫຼເຂົ້າຖ້ວມອັດຕະປື ໜ່ວຍງານພາກລັດເລັ່ງໃຫ້ການຊ່ວຍເຫຼືອ

ມວນນ້ຳມະຫາສານໄຫຼເຂົ້າຖ້ວມອັດຕະປື ໜ່ວຍງານພາກລັດເລັ່ງໃຫ້ການຊ່ວຍເຫຼືອ

Published on

ເມື່ອວັນທີ 24 ກໍລະກົດ 2018 ທະວິດເຕີ້ @can_nw ລາຍງານວ່າ ບໍລິສັດ PNPC ຜູ້ກໍ່ສ້າງເຄື່ອນເຊປຽນ-ເຊນ້ຳນ້ອຍ ແຈ້ງເຕືອນໃຫ້ປະຊາຊົນອົບພະຍົບຂຶ້ນທີ່ສູງ ສັນເຂື່ອນ D ພັງ ມວນນ້ຳ 5 ລ້ານຕັນ ຈະໄຫລລົງເຊປຽນ ເຂົ້າຖ້ວມບ້ານເຮືອນປະຊາຊົນ ເມືອງ ສະໜາມໄຊ ແຂວງອັດຕະປື ໂດຍປັດຈຸບັນໄດ້ມີການອົບພະຍົບປະຊາຊົນອອກຈາກພື້ນທີ່ໝົດມື້ໝົດຄືນ ທັງນີ້ເຈົ້າແຂວງ ແຂວງອັດຕະປື ໄດ້ນຳພາຄະນະລົງໃຫ້ຄວາມຊ່ວຍເຫຼືອຊາວບ້ານທີ່ຕິດຄ້າງຢູ່ເທິງຫຼັງຄາເຮືອນ ຫຼັງນ້ຳຈາກເຂື່ອນທີ່ແຕກໄດ້ໄຫຼເຂົ້າຖ້ວມເຮືອນປະຊາຊົນໃນເຂດບ້ານໃໝ່ ເມືອງສະໜາມໄຊແລ້ວ

ເຂື່ອນໄຟຟ້າ ເຊປຽນ-ເຊນ້ຳນ້ອຍ ໄດ້ດຳເນີນການສຳຫລວດຄວາມເປັນໄປໄດ້ ໃນປີ 2008 ແລະ ເລີ່ມ ການກໍ່ສ້າງໃນຕົ້ນ ປີ 2013, ມີກຳລັງຕິດຕັ້ງ 410 ເມກາວັດ ແລະ ມີກຳລັງການຜະລິດຕໍ່ປີ 1.800 ກິກກະວັດໂມງ. ໂຄງການດັ່ງກ່າວ, ເປັນການລົງທຶນຮ່ວມ ລະຫວ່າງ ບໍລິສັດວິສະວະກຳ ແລະ ການກໍ່ສ້າງ ເອສເຄ, ບໍລິສັດ ພະລັງງານໄຟຟ້າ ສ.ເກົາຫລີ (KOWEPO), ບໍລິສັດ ໄຟຟ້າ ຣາຊະບູຣີ ປະເທດໄທ (RATCH) ແລະ ບໍລິສັດຖືຫຸ້ນລາວ, ມູນຄ່າການກໍ່ສ້າງ 1,2 ຕື້ໂດລາສະຫະລັດ ແລະ ມີອາຍຸສຳປະທານ 32 ປີ, ອີງຕາມແຜນການໃນເບື້ອງຕົ້ນຄາດວ່າການກໍ່ສ້າງຈະໃຫ້ສຳເລັດໃນປີ 2018 ນີ້.

ດ້ວຍຄວາມເປັນຫ່ວງເປັນໄຍຂອງພັກ ແລະ ລັດຖະບານ ຕໍ່ເຫດການໄພພິບັດຢູ່ເມືອງສະໜາມໄຊ ແຂວງອັດຕະປື ທ່ານ ນາຍົກລັດຖະມົນຕີ ທອງລຸນ ສີສຸລິດ ພ້ອມດ້ວຍຄະນະລັດຖະມົນຕີ ແລະ ພາກສ່ວນກ່ຽວຂ້ອງຈາກສູນກາງໄດ້ເດີນທາງໄປແຂວງອັດຕະປືເປັນການຮີບດ່ວນເພື່ອຕິດຕາມຊີ້ນຳຊ່ວຍເຫຼືອປະຊາຊົນຜູ້ປະສົບໄພ. ລາຍລະອຽດຈະລາຍງານໃຫ້ຊາບອີກເທື່ອໜຶ່ງ.

ບົດຄວາມຫຼ້າສຸດ

ໃນປີ 2024 ແຂວງໄຊສົມບູນ ກວດພົບພະນັກງານ ສໍ້ລາດບັງຫຼວງ 3 ຄົນ ມູນຄ່າເສຍຫາຍເກືອບ 20 ລ້ານກີບ

ແຂວງໄຊສົມບູນ ກວດພົບພະນັກງານ ສໍ້ລາດບັງຫຼວງ 3 ຄົນ ມູນຄ່າເສຍຫາຍເກືອບ 20 ລ້ານກີບ ໃນປີ 2024 ຄະນະກວດກາພັກ,ອົງການກວດກາລັດ ແຂວງໄຊສົມບູນ ຈັດກອງປະຊຸມ ສະຫຼຸບຕີລາຄາວຽກງານກວດກາທົ່ວແຂວງໄຊສົມບູນ ປະຈຳປີ...

ກອງທັບປະຊາຊົນລາວ ສິ້ນສຸດພາລະກິດ ຊ່ວຍເຫຼືອຜູ້ປະສົບໄພແຜ່ນດິນໄຫວຢູ່ ສສ ມຽນມາ

ກອງທັບປະຊາຊົນລາວ ສໍາເລັດການຊ່ວຍເຫຼືອຜູ້ປະສົບໄພແຜ່ນດິນໄຫວຢູ່ ສສ ມຽນມາ ໃນວັນທີ 8 ເມສາ ຜ່ານມາ ຄະນະປະຕິບັດງານຊ່ວຍເຫຼືອຜູ້ປະສົບແຜ່ນດິນໄຫວຂອງກອງທັບປະຊາຊົນລາວ ນຳໂດຍສະຫາຍ ພັນເອກ ປາດຖະໜາ ບຸດຕິຈັກ ຮອງຫົວໜ້າຫ້ອງການກົມໃຫຍ່ເສນາທິການກອງທັບ, ຄະນະກຳມະການຄຸ້ມຄອງໄພພິບັດກະຊວງປ້ອງກັນປະເທດ,...

ຕົກກາງທະເລ! ເຮລິຄອບເຕີແພດຍີ່ປຸ່ນຕົກທະເລ ຂະນະຂົນສົ່ງຜູ້ປ່ວຍໄປໂຮງໝໍ

ເຮລິຄອບເຕີແພດຂອງຍີ່ປຸ່ນເກີດເຫດຕົກກາງທະເລ ຂະນະກຳລັງຂົນສົ່ງຜູ້ປ່ວຍໄປໂຮງໝໍ ເຮັດໃຫ້ມີຜູ້ເສຍຊີວິດ 3 ຄົນ. ສຳນັກຂ່າວຕ່າງປະເທດລາຍງານ ເຫດເຮລິຄອບເຕີແພດຍີ່ປຸ່ນລຳໜຶ່ງຕົກກາງທະເລ ຂະນະກຳລັງຮັບ-ສົ່ງຜູ້ປ່ວຍ 1 ຄົນໄປໂຮງໝໍ ໂດຍເດີນທາງຈາກສະໜາມບິນສຶຊິມະ ໃນຈັງຫວັດນາງາຊາກິ ໄປໂຮງໝໍໃນເມືອງຟຸຄຸໂອກະ ເມື່ອວັນທີ 6...

ປະຊາຊົນຊາວອາເມລິກາລວມຕົວກັນຕາມເມືອງໃຫຍ່ ກວ່າ 50 ລັດ ປະທ້ວງຕໍ່ຕ້ານ ໂດນັລ ທຣຳ ຜູ້ນຳສະຫະລັດ

ຊາວອາເມລິກາລວມຕົວກັນຕາມເມືອງໃຫຍ່ ແລະ ສະຖານທີ່ຕ່າງໆ ເພື່ອປະທ້ວງຕໍ່ຕ້ານ ປະທານາທິບໍດີ ໂດນັລ ທຣຳ ແລະ ອີລອນ ມັສ. ສຳນັກຂ່າວຕ່າງປະເທດລາຍງານໃນວັນທີ 6 ເມສາ 2025 ຜ່ານມານີ້ວ່າ:...