ດູໄບ ກັບມາເດີນໜ້າໂຄງການພັດທະນາສະໜາມບິນແຫ່ງທີສອງຂອງປະເທດ ໂດຍແຕ່ກ່ອນໄດ້ເປີດເຜີຍວ່າ
ຈະກາຍເປັນສະໜາມບິນທີ່ໃຫຍ່ທີ່ສຸດໃນໂລກ.
ສຳນັກຂ່າວຕ່າງປະເທດ ລາຍງານໃນວັນທີ 9 ກັນຍານີ້ວ່າ ໂຄງການພັດທະນາສະໜາມບິນສາກົນ ອັນ-ມັກຕູມ
ເຊິ່ງໄດ້ຖືກໂຈະພາກຂະຫຍາຍໄວ້ຊົ່ວຄາວ ໃນປີ 2009 ຍ້ອນວິກິດການທາງການເງິນຂອງໂລກ ໄດ້ຮັບການອະນຸ
ມັດໃຫ້ກັບມາເດີນໜ້າໂຄງການອີກເທື່ອໜຶ່ງ ເພື່ອຮອງຮັບການຂະຫຍາຍຕົວຂອງສາຍການບິນ ເອມິເຣດ
ແອຣ໌ລາຍ ເຊິ່ງຈະໄດ້ໂຍກຍ້າຍອອກຈາກສະໜາມບິນສາກົນດູໄບໃນປະຈຸບັນ ໂດຍມີມູນຄ່າຂອງໂຄງການດັ່ງ
ກ່າວນີ້ ຕົກຢູ່ປະມານ 32,000 ລ້ານໂດລາສະຫະລັດ ຈະໃຫ້ດຳເນີນການສຳເລັດ ພາຍໃນໄລຍະເວລາ 6 – 8 ປີ
ຂ້າງໜ້ານີ້.
ເນື່ອງຈາກສະໜາມບິນສາກົນ ອັນ-ມັກຕູມ ໄດ້ເປີດດຳເນີນການມາຕັ້ງແຕ່ກອ່ນວິກິດການເງິນໂລກ ຈະກະທົບ
ເສດຖະກິດຂອງດູໄບໃນປີ 2009 ໂດຍໄດ້ເປີດໃຫ້ບໍລິການດ້ານການຂົນສົ່ງສິນຄ້າພຽງຢ່າງດຽວ ນັບຕັ້ງແຕ່ປີ
2010 ເປັນຕົ້ນມາ ແລະ ມາຮອດເດືອນຕຸລາ 2013 ກໍໄດ້ເປີດໃຫ້ບໍລິການສຳລັບເຮືອໂດຍສານຂະໜາດນ້ອຍ
ໂດຍປະຈຸບັນນີ້ ແມ່ນກຳລັງກຽມພ້ອມສຳລັບແຜນຕໍ່ຂະຫຍາຍໃຫ້ກາຍເປັນສະໜາມບິນທີ່ມີຂະໜາດໃຫຍ່ທີ່ສຸດ
ໃນໂລກ ເຊິ່ງຈະສາມາດຮອງຮັບຜູ້ໂດຍສານໄດ້ 160 ລ້ານຄົນຕໍ່ປີ ໂດຍພາຍໃນສະໜາມບິນ ຈະມີທັງໝົດ 6 ຣັນເວ.