7 ປະໂຫຍດຈາກນ້ຳອັດລົມທີ່ທ່ານບໍ່ເຄີຍຮູ້
1. ຊ່ວຍເຮັດຄວາມສະອາດໄຂມັນຢູ່ເສື້ອຜ້າ
ຖ້າຫາກຊຸດລາຕີ ງົດງາມ ຫລື ເຄື່ອງເຮັດວຽກທີ່ມັກຂອງທ່ານຕ້ອງເປື້ອນຄາບມັນ ຕ່າງໆລອງປະສົມແຟັບປົນກັບນ້ຳອັດລົມ1ປ໋ອງ ແລ້ວຊັກດ້ວຍເຄື່ອງຊັກຜ້າຕາມປົກກະຕິ ນ້ຳອັດລົມຈະຊ່ວຍສະຫລາຍຄາບມັນຢູ່ຊຸດງົດງາມ ໃຫ້ທ່ານໄດ້ແນ່ນອນ ທີ່ສຳຄັນຢ່າລືມໃສ່ນ້ຳຢາປັບຜ້ານຸ້ມໃຫ້ເສື້ອຜ້າຂອງທ່ານຈະໄດ້ມີກິ່ນຫອມໆ ແທນກິ່ນຊ່າໆ ໄປໃນຄາວດຽວກັນ
2. ຊ່ວຍທໍາຄວາມສະອາດສຸກະພັນຫ້ອງນ້ຳ
ພຽງແຕ່ໃຊ້ນ້ຳອັດລົມ ສູດປາສະຈາກນ້ຳຕານ ເທໄວ້ໃຫ້ທົ່ວພື້ນຫ້ອງນ້ຳ ແລະ ສຸກະພັນ ຖິ້ມໄວ້ ປະມານ1ຊົ່ວໂມງ ຫລັງຈາກນັ້ນໃຊ້ແປງຂັດຫ້ອງນ້ຳຂັດຖູແລ້ວລ້າງດ້ວຍນ້ຳສະອາດອີກເທື່ອໜຶ່ງ ພຽງແຕ່ເທົ່ານີ້ຫ້ອງນໍ້າ ແລະ ສຸກະພັນຂອງທ່ານກໍຈະສະອາດແລ້ວ
3. ກຳຈັດຄາບຂີ້ໝ້ຽງ
ຖ້າຫາກອຸປະກອນທີ່ເປັນໂຄມ່ຽມ ຕົວຢ່າງ ກັນຊົນລົດໃຫຍ່,ແມັກ ,ແລະອື່ນໆ ຂອງທ່ານເກີດ ເປັນຈຸດຂີ້ໝ້ຽງຂຶ້ນມາເມື່ອໃດ ຢ່າປ່ອຍໃຫ້ມັນລຸກລາມໄປໄດ້ ຮີບເອົາ ອາລູມິນຽມຟຣອຍ ຈຸ່ມນ້ຳອັດລົມ ແລະຂັດເບົາໆບ່ອນທີ່ເປັນຈຸດທີ່ເປັນຂີ້ໝ້ຽງຮັບຮອງໄດ້ເລີຍວ່າ ຄາບຈະຫລຸດອອກມາແບບງ່າຍດາຍ
4. ຊ່ວຍຄາຍນັອດ ທີ່ຂຶ້ນຂີ້ໝ້ຽງຈົນໄຂບໍ່ອອກ
ຖ້າເຈົ້າຕ້ອງ ການຈະໄຂນັອດອອກຈາກຊິ້ນສ່ວນອຸປະກອນຕ່າງໆ ແຕ່ນັອດໂຕນັ້ນເຕັມໄປດ້ວຍຂີ້ໝ້ຽງໃຫ້ທ່ານເອົາຜ້າຈຸ່ມນ້ຳອັດລົມໃຫ້ຊຸ່ມ ແລ້ວຖູນັອດໂຕນັ້ນໄວ້ຈັກໄລຍະໜຶ່ງ ນ້ຳອັດລົມຈະຊ່ວຍກັດຂີ້ໝ້ຽງບໍລິເວນນັ້ນໃຫ້ໄຂນັອດອອກໄດ້ຢ່າງງ່າຍດາຍ
5. ຊ່ວຍເປີດດອນຝາຕຸກນໍ້າ
ຖ້າຫາກດອນຝາຕຸກນໍ້າຂອງທ່ານມັນແໜ້ນເກີນໄປຈົນເປີດບໍ່ອອກ ໃຫ້ທ່ານໃຊ້ຜ້າຈຸ່ມນ້ຳອັດລົມອັດໄວ້ໄລຍະໜຶ່ງນ້ຳອັດລົມຈະຊ່ວຍເຮັດໃຫ້ຝາຕຸກນໍ້າຄ່ອຍໆມາຍອອກ ແລະເປີດອອກໄດ້ງ່າຍຍິ່ງຂຶ້ນ
6. ເພີ່ມລົດຊາດໃຫ້ກັບແຮມ
ຖ້າຫາກທ່ານຢາກໃຫ້ການທອດແຮມ ນັ້ນແຊບຍິ່ງຂຶ້ນ ລອງເທນ້ຳອັດລົມລົງໃນໝໍ້ ແທນນ້ຳມັນແລ້ວຫໍ່ແຮມດ້ວຍເຈ້ຍກັນຄວາມຮ້ອນລົງໃນໝໍ້ຕົ້ມໃນນ້ຳອັດລົມຖິ້ມໄວ້ປະມານ 30ນາທີ ແລ້ວຈຶ່ງເອົາເຈ້ຍກັນຄວາມຮ້ອນອອກເພື່ອໃຫ້ແຮມ ໄດ້ປະສົມກັບນ້ຳອັດລົມທີ່ຍັງເຫລືອຢູ່ ໃນໝໍ້ ຮັບຮອງໄດ້ເລີຍວ່າແຮມ ຂອງທ່ານຈະມີລົດຊາດທີ່ແຊບຊ້ອຍຍິ່ງຂຶ້ນກວ່າເກົ່າຢ່າງແນ່ນອນ
7. ເຮັດຄວາມສະອາດ….. ລົດບັນທຸກ
ຮູ້ກັນບໍວ່ານ້ຳອັດລົມນັ້ນຖືກໃຊ້ໃນການເຮັດຄວາມສະອາດລົດບັນທຸກມາເປັນໄລຍະເວລາກວ່າ20ປີແລ້ວກ່ອນທີ່ເດັກນ້ອຍໄວໜຸ່ມບາງຄົນຈະຮູ້ຈັກກັບນ້ຳອັດລົມຕ່າງຫາກ
ເຫັນຫລືບໍ່ວ່າ ນ້ຳອັດລົມນັ້ນມີປະໂຫຍດອີກຫລວງຫລາຍທີ່ທ່ານບໍ່ເຄີຍຮູ້ເລີຍ
ແຕ່ທີ່ໜ້າສັງເກດກໍຄື ຍັງບໍ່ພົບປະໂຫຍດຕໍ່ຮ່າງກາຍຂອງເຮົາເລີຍຈັກຂໍ້ໜຶ່ງ ສະນັ້ນແລ້ວທ່ານຄວນ ຈະດື່ມຕໍ່ໄປ ຫລື ໃຊ້ເພື່ອປະໂຫຍດຕາມທີ່ເຮົາແນະນຳມາ..