spot_img
Homeຂ່າວຕ່າງປະເທດສະຫະລັດເຕືອນຕວັກກີຢ່າໂຈມຕີເຂດນັກຮົບເຕີກ ໃນຊີຣີ

ສະຫະລັດເຕືອນຕວັກກີຢ່າໂຈມຕີເຂດນັກຮົບເຕີກ ໃນຊີຣີ

Published on

ລັດຖະບານວໍຊິງຕັນຮຽກຮ້ອງໃຫ້ຕວັກກີຍົກເລີກແຜນປະຕິບັດການທາງການທະຫານໃນເຂດພາກເຫນືອຂອງຊີຣີ ບອກເຕືອນອີກຝ່າຍວ່າກຳລັງເຂົ້າໃຈຜິດ ກ່ຽວກັບແຜນການຈັດຕັ້ງຂອງກອງກຳລັງຄວາມຫມັ້ນຄົງ ຂະນະທີ່ກອງທັບຊີຣີພ້ອມຍິງສະກັດກັ້ນທຸກເມື່ອຫາກເຄື່ອງບິນຂອງທະຫານຕວັກກີລໍ້ານ່ານຟ້າເຂົ້າມາ.

ລັດຖະມົນຕີຊ່ວຍວ່າການ ກະຊວງການຕ່າງປະເທດຊີຣີ ກ່າວວ່າ ກອງທັບອາກາດຂອງຊີຣີແມ່ນມີຄວາມພ້ອມສູງສຸດ ແລະ ບໍ່ລັງເລທີ່ຈະຈັດການກັບເຄື່ອງບິນຂອງປະເທດໃດກໍຕາມທີ່ລະເມີດນ່ານຟ້າເຂົ້າມາ ໂດຍສະເພາະການຮຸກຮານ ລໍ້າເສັ້ນເຂົ້າມາພາຍໃນອານາເຂດຂອງເມືອງອາຟຣິນ, ເຂດອະເລບໂປ ທີ່ຕັ້ັງຢູ່ທາງພາກເຫນືອຂອງປະເທດ ແລະ ມີຊາຍແດນຕິດກັບຕວັກກີ, ເມື່ອໃດກໍຕາມທີ່ກອງທັງຕວັກກີເລີ່ມມີການເຄື່ອນໄຫວປະຕິບັດການທາງການທະຫານ ແນ່ນອນຊໍຣີຈະຖືວ່າເປັນການໂຈມຕີອະທິປະໄຕທັນທີ. 

ຖະແຫລງການດັ່ງກ່າວແມ່ນມີຂື້ນຫລັງຈາກກອງທັບຕວັກກີເຂົ້າເຄື່ອນກຳລັງພົນ ແລະ ອາວຸດຈຳນວນຫລວງຫລາຍເຂົ້າມາຕິດເຂດຊາຍແດນທາງຕອນໃຕ້ຂອງແະເທດທີ່ຕິດກັບຊີຣີ. ທາງດ້ານນາຍຍົກລັດຖະມົນຕີ ບິນາລິ ຍິລດິຣິມ ກ່າວຮຽກຮ້ອງໃຫ້ສະຫະລັດລົ້ມເລີກແຜນການຈັດຕັ້ງດັ່ງກ່າວເນື່ອງຈາກຈະເປັນການຂັດແຍ້ງລະຫວ່າງປະເທດໃກ້ຄຽງ.

ແຕ່ທາງດ້ານໂຄສົກກະຊວງການຕ່າງປະເທດສະຫະລັດ ນາງ ອີດເທີລ ເນົາເອີທ໌ ບອກຕໍ່ຕວັກກີວ່າ ກຳລັງເຂົ້າໃຈຜິດ ຕໍ່ສະຖານະການທີ່ເກີດຂື້ນ. ລັດຖະບານ ວໍໍຊິງຕັນຈື່ງຂໍຮຽຮ້ອງ ໃຫ້ລັດຖະບານອັງກາລາ ຍຸຕິການເຄື່ອນໄຫວທາງການທະຫານຕາມແນວພົມແດນ ເພື່ອຫລີກລ້ຽງການປະທະກັນ ເປັນການປ້ອງກັນການເຄື່ອນໄຫວຂອງກຸ່ມ (ISIS) ໃນພື້ນທີ່ ແລະ ຊ່ວຍຄຸ້ມຄອງຄວາມປອດໄພໃຫ້ແກ່ພົນລະເຮືອນຂອງຊີຣີນຳ ປັດຈຸບັນ (SDF) ຄວບຄຸມພື້ນທີ່ເກືອບ 25% ໃນພາກເຫນືອ ແລະ ພາກຕາເວັນອອກຂອງຊີຣີ.

ແຫລ່ງຂ່າວຕ່າງປະເທດ DLN

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...