spot_img
Homeຂ່າວພາຍ​ໃນລັດຖະບານລາວສຳເລັດ 11 ໂຄງການໃຫຍ່ ພາຍໃນປີ 2017

ລັດຖະບານລາວສຳເລັດ 11 ໂຄງການໃຫຍ່ ພາຍໃນປີ 2017

Published on

ກະຊວງແຜນການ ແລະ ການລົງທຶນ ເຜີຍໃຫ້ຮູ້ເມື່ອບໍ່ນານມານີ້ວ່າ: ໃນປີຜ່ານມາ ລັດຖະບານລາວ ສາມາດປະຕິບັດ ໂຄງການພັດທະນາ ພື້ນຖານໂຄງລ່າງສຳຄັນ ຈຳນວນ 11 ໂຄງການໃຫຍ່ ຄື:​ ໂຄງການກໍ່ສ້າງຂົວຂ້າມນໍ້າຂອງ ໂຄກເຂົ້າດໍ-ປາກລາຍ, ໂຄງການກໍ່ສ້າງຂົວ 7 ແຫ່ງ ຢູ່ເສັ້ນທາງ ເລກ 6A ສົບເບົາ-ບ້ານດ່ານ ແຂວງຫົວພັນ, ໂຄງການນໍ້າປະປາ ແລະ ສຸຂາພິບານ ຕົວເມືອງນ້ອຍໃນ 10 ຕົວເມືອງ, ໂຄງການກໍ່ສ້າງທາງເລກ 1A ບຸນເໜືອ-ລານຕຸຍ ແຂວງຜົ້ງສາລີ, ໂຄງການກໍ່ສ້າງ ນໍ້າປະປາ 5 ແຫ່ງ ຢູ່ເມືອງແບ່ງ, ເມືອງຄອບ, ເມືອງຫ້ວຍຊາຍ, ເມືອງໄຊຍະບູລີ ແລະ ເມືອງໂຂງ ທີ່ໄດ້ ຮັບການສະໜັບສະໜູນທຶນຈາກ NEDA, ໂຄງການກໍ່ສ້າງທາງເລກ 13 ເໜືອ ຕອນທາງເມືອງໄຊ-ປາກ ມອງ, ໂຄງການກໍ່ສ້າງທາງ ບ້ານຮວກ-ເມືອງຄອບ, ຄອນຕີ້, ໂຄງການກໍ່ສ້າງເສັ້ນທາງ ເມືອງຊຽງຮອນ-ເມືອງຄອບ, ໂຄງການປັບປຸງສະໜາມບິນປາກເຊ, ຂົວຂ້າມນໍ້າເຊໂດນ ຈຸດບ້ານດອນແຊ ເມືອງຊະນະ ສົມບູນ ແຂວງຈຳປາສັກ, ໂຄງການຟື້ນຟູເສັ້ນທາງ ແຕ່ບ້ານລາດຄ້າຍທາງເລກ 5 ຫາ ສົບສຽມທາງເລກ 1D ແລະ ເສັ້ນທາງຜາເໜືອ ຫາປຸ່ງມາຍແຂ ແຂວງເຊກອງ.

ນອກຈາກນີ້, ລັດຖະບານຍັງໄດ້ເອົາໃຈໃສ່ ບັນດາໂຄງການຍຸດທະສາດ ທີ່ມີຄວາມຄືບໜ້າຄື: ຂະຫຍາຍອາຄານສະໜາມບິນສາກົນວຽງຈັນ ປະຕິບັດໄດ້ 30,74%, ກໍ່ສ້າງທາງຫົງສາ-ຊຽງແມນ ປະຕິບັດ ໄດ້ 56,77%, ກໍ່ສ້າງທາງປູຢາງ 2 ຊັ້ນ ເສັ້ນທາງເລກ 6A+6B ຫາງລ້ອງ-ສົບເບົາ-ປ່າຮ່າງ ສະເພາະ 6B ແມ່ນສຳເລັດ 100%, ທາງ 6A ປະຕິບັດໄດ້ 74,35% ແລະ ໄລຍະທາງແຕ່ວຽງໄຊ-ນໍ້າໂຊ້ຍ ແມ່ນໄດ້ສຳເລັດການກະກຽມສະໜາມ, ໂຄງການກໍ່ສ້າງຂົວເຊກອງປະຕິບັດໄດ້ 88,68% ກໍ່ສ້າງຂົວໃໝ່ ປ່ຽນແທນຂົວເກົ່າ 2 ແຫ່ງຕາມທາງເລກ 9 ແຂວງສະຫວັນນະເຂດ ປະຕິບັດໄດ້ 16,2%, ໂຄງການກໍ່ ສ້າງທາງສາມແຍກນາຊາງຫາທົ່ງທູ ແລະ ເທດສະບານ ເມືອງຊຳໃຕ້ ປະຕິບັດໄດ້ 62,47%, ໂຄງການ ທາງທ່າເຫລົ້າ-ຊຳໃຕ້ ປະຕິບັດໄດ້ 75,73%, ໂຄງການທາງຊົນນະບົດ ປະຕິບັດໄດ້ 70,47% ແລະ ໂຄງການອື່ນໆ ກໍມີຄວາມຄືບໜ້າ ໃນການຈັດຕັ້ງປະຕິບັດເຊັ່ນດຽວກັນ.

ແຫລ່ງຂ່າວ: ສຳນັກຂ່າວສານປະເທດລາວ.

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...