spot_img
Homeຂ່າວພາຍ​ໃນອົງການຍູເນສໂກ (UNESCO) ໄດ້ປະກາດສຽງແຄນລາວເປັນມໍລະດົກທາງພູມປັນຍາ ທີ່ຈັບຕ້ອງບໍ່ໄດ້

ອົງການຍູເນສໂກ (UNESCO) ໄດ້ປະກາດສຽງແຄນລາວເປັນມໍລະດົກທາງພູມປັນຍາ ທີ່ຈັບຕ້ອງບໍ່ໄດ້

Published on

ວັນພະຫັດ ທີ 7 ທັນວາ 2017 ທີ່ຜ່ານມານີ້, ໃນກອງປະຊຸມຄະນະກຳມະການດ້ານພູມປັນຍາທາງວັດທະນະທຳ ອົງການສຶກສາ ວິທະຍາສາດ ແລະວັດທະນະທຳ (UNESCO) ໃນລະຫວ່າງວັນທີ 4-9 ທັນວາ 2017 ທີ່ເກາະເຊຈູ ປະເທດເກົາຫຼີໃຕ້ ໄດ້ປະກາດ “ສຽງແຄນລາວ” ຂຶ້ນເປັນມໍລະດົກພູມປັນຍາທາງວັດທະນະທຳ ທີ່ຈັບຕ້ອງບໍ່ໄດ້ ແລະຖືກຮັບຮອງຢ່າງເປັນທາງການຈາກກອງປະຊຸມດັ່ງກ່າວ.

ເຫດການດັ່ງກ່າວນີ້ ຖືເປັນຄວາມພາກພູມໃຈຂອງຄົນລາວໂດຍສັນຊາດ ກໍຄືຊົນເຜົ່າລາວທົ່ວໂລກ ເນື່ອງຈາກວ່າແຄນ ແມ່ນດົນຕີພື້ນເມືອງທີ່ເປັນເອກະລັກຂອງຊົນເຜົ່າລາວທຸກຄົນທັງໃນແລະຢູ່ຕ່າງປະເທດ ທີ່ມີມາແຕ່ບູຮານນະການ.

ທຸກຊົນເຜົ່າໃນລາວລ້ວນແຕ່ຮູ້ຈັກແຄນແລະຮູ້ໃຊ້ແຄນເປັນເຄື່ອງດົນຕີປະສານສຽງຂັບສຽງລຳຂອງຊົນເຜົ່າຕົນຢ່າງກົມກືນ ເຊິ່ງອາດຈະແຕກຕ່າງທາງດ້ານຈັງຫວະທຳນອງເປັນເອກະລັກສະເພາະຂອງແຕ່ລະທ້ອງຖິ່ນ ແລະຮູບລັກສະນະຂອງແຄນກໍແຕກຕ່າງກັນໃນບາງຊົນເຜົ່າ ເຊັ່ນ ຊົນເຜົ່າມົ້ງ ແລະ ຊົນເຜົ່າລາວເທິງ ກໍຈະມີແຄນເປັນເອກະລັກຂອງເຜົ່າໄປອີກແບບໜຶ່ງ.

ສາມາດຕິດຕາມໄດ້ທີ່:https://ich.unesco.org/en/RL/khaen-music-of-the-lao-people-01296
ວິດີໂອ: ອົງການອຸຍເນສໂກ

ບົດຄວາມຫຼ້າສຸດ

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...