ເລື່ອງທີ່ເຮັດໃຫ້ຄົນເຮົາກຸ້ມໃຈອີກເລື່ອງໜຶ່ງນັ້ນກໍ່ຄື ຫົວລ້ານຕັ້ງແຕ່ຍັງໜຸ່ມ ເພາະມັນກ່ຽວພັນກັບບຸກຄະລິກກະພາບ ບໍ່ວ່າຈະເປັນຍິງ ຫຼື ຊາຍ ຕ່າງກໍ່ບໍ່ຕ້ອງການ ສະນັ້ນ, ໃນຄໍລຳສາລະໜ້າຮູ້ກັບລາວໂພສຕ໌ ມື້ນີ້ ແອັດມິນມີ 7 ພຶດຕິກຳທີ່ຄວນເລີກຖ້າບໍ່ຢາກໃຫ້ຫົວລ້ານຕັ້ງແຕ່ຍັງໜຸ່ມ

1. ຢ່າໃຊ້ຢາສະຫົວທີ່ບໍ່ເໝາະກັບສະພາບໜັງຫົວ ແລະ ຜົມຂອງຕົວເອງ ໂດຍສະເພາະແມ່ຍິງບໍ່ຄວນໃຊ້ຢາສະຫົວສູດຜູ້ຊາຍ ເພາະຈະເຮັດໃຫ້ໜັງຫົວແຫ້ງ ແລະ ຜົມຫຼົ່ມງ່າຍ
2. ຄົນຜົມຍາວບໍ່ຄວນມັດຜົມເວລານອນ ເພາະຈະເຮັດໃຫ້ເກີດແຮງດຶງ ແລະ ຮາກຜົມຫຼຸດໄດ້ງ່າຍ
3. ບໍ່ຄວນຫວີຜົມຕອນຜົມຍັງປຽກ ເພາະຕອນຜົມປຽກຮາກຜົມຈະອ່ອນແອແລະຫຼຸດອອກໄດ້ງ່າຍສຸດ
4. ບໍ່ຄວນໃຊ້ສະບູອາບນ້ຳມາສະຫົວ ເພາະນອກຈາກຈະເຮັດໃຫ້ໜັງຫົວແຫ້ງເກີດລັງແຄແລ້ວ ຍັງເຮັດໃຫ້ຜົມເສຍນຳອີກ
5. ຫວີທີ່ໃຊ້ຫວີຜົມຄວນມີຄວນຫ່າງ ບໍ່ໃຫ້ມັນຖີ່ຫຼາຍ ເພາະຈະເຮັດໃຫ້ຝືດເວລາຫວີ ແລະ ເຮັດໃຫ້ຜົມຂາດຫລົ່ນ
6. ຄວນມີການບຳລຸງຜົມຢ່າງໜ້ອຍອາທິດລະເທື່ອກໍ່ຍັງດີ ບໍ່ແມ່ນຈະປ່ອຍໃຫ້ຜົມຂາດວິຕາມິນ
7. ໝັ່ນສະຫົວເປັນປະຈຳ ບໍ່ແມ່ນວ່າດົນໆສະເທື່ອໜຶ່ງ