ຈາກເຈົ້າໜ້າທີ່ເມືອງ ຫາດຊາຍຟອງ ນະຄອນຫຼວງວຽງຈັນລາຍງານໃຫ້ຮູ້ວ່າ ເວລາປະມານ 8:30 ນາທີ ຂອງວັນທີ 1 ກັນຍາ 2017 ໄດ້ຮັບແຈ້ງເຫດມີການເກີດຄາດຕະກຳ ທີ່ເຮືອນປະຊາຊົນ ບ້ານສາລາຄຳ, ເມືອງຫາດຊາຍຟອງ, ນະຄອນຫຼວງວຽງຈັນ.
ເຈົ້າໜ້າທີ່ໄດ້ນຳກຳລັງເຂົ້າກວດສອບພື້ນທີ່ເກີດເຫດ ພົບເຫັນສົບຜູ້ເສຍຊີວິດ 2 ຄົນເປັນເພດຍິງທັງສອງ ຊາບຂໍ້ມູນ ແມ່ນເມຍເຈົ້າຂອງ ເຮືອນ ແລະ ແມ່ບ້ານ. ສ່ວນລູກຂອງເຈົ້າຂອງເຮືອນ ໄດ້ຫຼົບຊ້ອນຕົວຢູ່ເທິງເຮືອນແມ່ນປອດໄພ.
ທາງເຈົ້າໜ້າທີ່ແມ່ນໄດ້ເກັບກຳຂໍ້ມູນ ຫຼັກຖານຈາກສະຖານທີ່ເກີດເຫດ ລວມທັງພາບຈາກກ້ອງວົງຈອນທີ່ຕິດຢູ່ເຮືອນ ແລະ ບໍລິເວນໃກ້ຄຽງ ເພື່ອຮວບຮວມຫຼັກຖານ ແລະ ຕິດຕາມຫາ ຄາດຕະກອນທີ່ລົງມືກໍ່ເຫດ ແລະ ແຮງຈູງໃຈໃນການກໍ່ເຫດຄາດຕະກຳເທື່ອນີ້.
ພາບ ແລະ ຂ່າວຈາກ: ເຈົ້າຫນ້າທີ່ ເມືອງຫາດຟອງ