Homeຂ່າວພາຍ​ໃນອຶ້ງ!ກັບຄຳຕັດສິນມຸມແດງ (ລາວ) ອອກອາວຸດຫຼາຍກວ່າແຕ່ເປັນຝ່າຍເສຍ

ອຶ້ງ!ກັບຄຳຕັດສິນມຸມແດງ (ລາວ) ອອກອາວຸດຫຼາຍກວ່າແຕ່ເປັນຝ່າຍເສຍ

Published on

ຈົບກັນໄປອີກຄູ່ແລ້ວສຳລັບກັບການແຂ່ງຂັນຊົກມວຍ ໃນຮຸ້ນນ້ຳໜັກ 54 kg ທີ່ຈັດຂຶ້ນໃນຕອນບ່າຍຂອງວັນທີ 28 ສິງຫາ 2017  ໃນຊີເກມ 2017 ຫຼື ກົວລາລຳເປີເກມ ທີ່ປະເທດ ມາເລເຊຍ

ຮອບນີ້  ທ້າວ ຄຳບາງ ນັກມວຍຈາກ ສປປລາວ ຢູ່ມຸມແດງ ພົບກັບນັກມວຍຈາກປະເທດໄທ ມຸມນ້ຳເງິນ ຂຶ້ນສັງວຽນຊົກກັນ 3 ຍົກເຕັມ, ນັກມວຍທັງສອງໄດ້ອອກອາວຸດທັງ ໝັດ, ເຂົ່າ, ເຕະ, ສອກ, ທີບໃສ່ກັນແບບເຕັມທີ່ ແຕ່ເຫັນໄດ້ຢ່າງຊັດເຈນວ່າ ຄຳແດງ ນັກມວຍຈາກ ສປປ ລາວ ອອກອາວຸດໄດ້ຫຼາຍກວ່າ ແລະ ຍັງສາມາດເຕະຕັດຂານັກມວຍໄທລົງໄປນອນຫງາຍທ້ອງກັບພື້ນໄດ້ຫຼາຍເທື່ອ ທັງຄູ່ຊົກກັນຄົບ 3 ຍົກຕາມກະຕິກາ

ຜ່ານການເບິ່ງຈາກການຖ່າຍທອດສົດເຫັນໄດ້ຢ່າງຊັດເຈນວ່າ ນັກມວຍມຸມແດງ (ນັກມວຍລາວ) ຕ້ອງມີເປີເຊັນເປັນຝ່າຍຊະນະສູງກວ່ານັກມວຍຈາກໄທ ແຕ່ກໍ່ມີເຫດການບໍ່ຄາດຄິດເກີດຂຶ້ນເມື່ອກຳມະການຕັດສິນໄດ້ເທຄະແນນໃຫ້ກັບນັກມວຍໄທຝ່າຍນ້ຳເງິນເປັນຜູ່ຊະນະ ເຮັດໃຫ້ທັງກອງເຊຍໃນສະໜາມ, ຜູ້ຊົມຜ່ານທາງການໄລນ໌ສົດ ທັງນັກກີລາ ຄູຝຶກ ແລະ ທີມງານ ງຶດຈົນຫົວສິແຕກໄປຕາມໆກັນ! ໂອ້…ແມ່ນນີ້ກໍ່ມີ

ຫລັງຈາກການແຂ່ງຂັນຈົບລົງທັງຄູຝຶກ ແລະ ນັກກີລາໄດ້ມີການໄລນ໌ສົດເຖິງແຟນມວຍຊາວລາວດ້ວຍນ້ຳຕາແຫ່ງຄວາມເສຍໃຈ ບໍ່ໜ້າເຊື່ອວ່າການແຂ່ງຂັນລະດັບຊີເກມ ເຊິ່ງມາເລເຊຍເປັນເຈົ້າພາບຈັດງານໃນຄັ້ງນີ້ຈະປ່ອຍໃຫ້ເກີດເລື່ອງທີ່ໜ້າອັບອາຍຕໍ່ສາຍຕາຂອງຜູ່ຊົມທົ່ວໂລກແບບນີ້ໄດ້

ແນ່ນອນ! ເມື່ອມີການຕັດສິນອອກມາແລ້ວກໍ່ຕ້ອງເຄົາລົບໃນການຕັດສິນດັ່ງກ່າວແບບນ້ຳໃຈນັກກີລາ ນັກມວຍລາວເຖິງຈະເຊຍໄຊໃນເທື່ອນີ້ແຕ່ກໍ່ບໍ່ໄດ້ເຮັດໃຫ້ຄົນລາວທັງປະເທດຜິດຫວັງໃນສີມືຂອງການຊົກມື້ “ຄຳບາງ” ເກັ່ງຫຼາຍ ເຈົ້າເຮັດໄດ້ດີທີ່ສຸດແລ້ວ!

ເຮົາມາເບິ່ງວິດີໂອການແຂ່ງຂັນໄປພ້ອມໆກັນເລີຍ (ເລີ່ມແຕ່ນາທີທີ 9:00 ຄູ່ລາວກັບໄທຂື້ນສັງວຽນຊົກ) ລາວຢູ່ມຸມແດງ ແລະ ໄທມຸມນ້ຳເງິນ

https://www.facebook.com/teamsportservice/videos/1916156878636804/

https://www.facebook.com/teamsportservice/videos/pcb.1916170421968783/1916170105302148/?type=3&theater

 

 

 

ວິດີໂອຂ່າວ: ລາວສູ້ສູ້

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...