ອີງຕາມການລາຍງານຂອງໜ້າເຟສບຸກ ນາທີຊີວິດ ຂອງໂທລະພາບປ້ອງກັນຄວາມສະຫງົບ ວ່າມີເຫດການອາລະວາດຂົ່ມຂູ່ຈາກແມ່ຄ້າ ດ້ວຍຖ້ອຍຄຳຫຍາບຊ້າ ແລະຖືອາວຸດມາຂົ່ມຂູ່.
ລາຍງານບອກວ່າ ໃນວັນທີ່ 20 ສິງຫາ 2017 ຜູ້ໃຊ້ເຟສບຸກທ່ານໜຶ່ງທີ່ໃຊ້ຊື່ Park Kbb ໄດ້ເລົ່າລົງເຟສບຸກຂອງຕົນວ່າ ຜູ້ກ່ຽວ ແລະ ໝູ່ 9 ຄົນໄດ້ພາກັນໄປພັກຜ່ອນຕາມວັນພັກ ໂດຍໄດ້ພາກັນໄປພັກຜ່ອນຢູ່ຕູບແຄມນ້ຳຂອງ ເມືອງສັງທອງ ນະຄອນຫຼວງວຽງຈັນ. ທຳອິດແມ່ນພາກັນກວດສອບເບິ່ງຕູບ ແລະ ເຫັນຕູບທຳອິດນັ້ນແມ່ນນ້ອຍບັນຈຸຄົນທີ່ມານຳກັນບໍ່ພຽງພໍຈຶ່ງຍ້າຍໄປຕູບທີ່ໃຫຍ່ກວ່າ ຊຶ່ງເປັນອີກເຈົ້າຂອງໜຶ່ງ.
ຫຼັງຈາກສັ່ງອາຫານ ແລະ ເຄື່ອງດື່ມແລ້ວ ປາກົດວ່າ ແມ່ຄ້າ(ຕູບທຳອິດ) ເກີດຄວາມບໍ່ພໍໃຈ ຈຶ່ງໄດ້ສະແດງພຶດຕິກຳທີ່ຫຍາບຄາຍໃສ່ ໂດຍການສາດນ້ຳເຫຼືອໃຊ້ໃສ່ຂ້າງຕູບພ້ອມກັບຖົ່ມນ້ຳລາຍໃສ່.
ຜູ້ນັ່ງໃນຕູບທີ່ເປັນລູກຄ້າເຫັນວ່າການກະທຳບໍ່ເໝາະສົມ ຈຶ່ງໄດ້ຖາມເຖິງການກະທຳ ແຕ່ກັບໄດ້ຄຳຕອບທີ່ຫຍາບຄາຍກັບມາວ່າ “ເຮັດແລ້ວຜິດຫົວພໍ່ຫົວແມ່ມຶງບໍ” ຈຶ່ງເກີດມີປາກສຽງກັນຂຶ້ນ ແມ່ຄ້າຍັງທ້າທາຍໃຫ້ເຊີນເຈົ້າໜ້າທີ່ມາຟ້ອງດຳເນີນຄະດີກັບຕົນ ແລະ ໃຫ້ພະນັກງານນຳມີດມາຂົ່ມຂູ່ລູກຄ້ານຳອີກ.
ຕໍ່ມາໄດ້ມີຜູ້ໃຊ້ເຟສບຸກຜູ້ໜຶ່ງທີ່ TaBuii Vdl ໄດ້ໂພສເຟສບຸກ ໃນນາມທີ່ເປັນລູກຊາຍຂອງແມ່ຄ້າ ກ່າວວ່າລູກຄ້າຈຳນວນດັ່ງກ່າວແມ່ນໄດ້ເຂົ້າມານັ່ງຕູບຂອງແມ່ຕົນເອງກ່ອນ ແລ້ວຍ້າຍໜີໄປນັ່ງຕູບອື່ນ ແລະບໍ່ພໍໃຈພ້ອມກັບເອີ້ນແມ່ຂອງຕົນໄປດ່າ…
