ໃນຕອນບ່າຍຂອງວັນທີ 21 ສິງຫາ 2017 ທີ່ຜ່ານມາ ແຂ່ງຂັນຢູ່ທີ່ສະຫນາມ UM ARENA STADIUM ປະເທດມາເລເຊຍ ເປັນການພົບກັນລະຫວ່າງ “ທີມຊາດລາວ ພົບກັບ ທີມຊາດບຣູໄນ” ທັງສອງທີມໄດ້ເດີນໜ້າເກມບຸກໃສ່ກັນຢ່າງເຕັມທີ່ ເພື່ອຫວັງເກັບຊະນະ ຜົນຂອງການແຂ່ງຂັນໃນນັດນີ້ເຖິງແມ່ນວ່າທີມໃດຊະນະກໍ່ຕາມແຕ່ກໍ່ບໍ່ສາມາດຜ່ານເຂົ້າໄປຮອບ 4 ທີມສຸດທ້າຍໄດ້ ແຕ່ກໍ່ບໍ່ມີໃຜຕ້ອງການເປັນທີມທ້າຍສຸດຂອງຕາຕະລາງຂອງກຸ່ມ A
ໂດຍການຍິງຂອງ “ພິທັກ ກອງມາທິລາດ” ຍິງໄດ້ 3 ປະຕູ ໃນນາທີ 64, 73 ແລະ 86 ຊ່ວຍໃຫ້ ທີມຊາດລາວ ເອົາຊະນະ ທີມຊາດ ບຣູໄນ 3-0 ປະເດີມ 3 ຄະແນນທຳອິດການແຂ່ງຂັນຊີເກມ ແລະ ນັດຕໍ່ໄປທີມຊາດລາວຈະພົບກັບ ທີມຊາດມາເລເຊຍ ໃນວັນທີ 23 ສິງຫາ 2017 ເວລາ 20:45 ນາທີ ແຂ່ງຂັນຢູ່ທີ່ສະຫນາມ SHAH ALAM STADIUM
ຂ່າວ ແລະ ຮູບຈາກ: The Asian Football Confederation
ສະຫະພັນບານເຕະແຫ່ງຊາດລາວ Lao Football Federation