ກາຍເປັນທີ່ຮືຮາຢ່າງຫລວງຫລາຍໃນໝູ່ຊາວເນັດຫວຽດນາມ ຫລັງຈາກມີການເຜີຍພາບໄວໝຸ່ມສາວ ຊາວເມລິກາໜ້າຕາໜ້າຮັກ ເຂົ້າພິທີບວດເປັນຊີທີ່ວັດແຫ່ງໜຶ່ງໃນຫວຽດນາມ
ຕາມລາຍງານຈາກຫວຽດນາມເບກກິ້ງນິວ ເມື່ອວັນທີ່ 22 ສິງຫາ 2014 ລະບຸວ່າ ຍິງສາວລາຍນີ້ຊື່ ຄາຢາລາ ຮາລາມິນໂຍອາຍຸ 17 ປີ ເປັນນັກຮຽນລະດັບໄຮສະຄູນຈາກເມືອງ ອອນຕາລິໂອ ລັດແຄລິຟໍເນຍ ນາງມີຄວາມເຫຼື່ອມໃສໃນພະພຸດສາດສະໜາ ໄດ້ສຶກສາຫລັກທຳຄຳສອນຈາກການອ່ານປື້ມພາສາອັງກິດກ່ຽວກັບພຸດທະສາດສະໜາ ແລະ ສຶກສາເອງຈາກອິນເຕີເນັດ ເຄີຍບວດທີ່ສູນພຸດສຶກສາໃນລັດແຄລິຟໍເນຍມາແລ້ວ ຊຶ່ງນາງພົບວ່າພຸດທະສາດສະໜາຊ່ວຍສອນ ແລະ ເຮັດໃຫ້ນາງຄົ້ນພົບຫົນທາງສູ່ອິດສະຫລະແຫ່ງຕົນ ນາງຈຶ່ງຕັດສິນໃຈເດິນທາງມາປະຕິບັດທຳຢ່າງຈິງຈັງທີ່ວັດແຫ່ງໜຶ່ງໃນຫວຽດນາມ
ຮາລາມິນໂຍ ເຂົ້າພິທີບວດຊີແຖຜົມເມື່ອວັນທີ່ 10 ສິງຫາທີ່ຜ່ານມາໂດຍພໍ່ ແລະ ແມ່ຂອງນາງກໍໄດ້ມາເຂົ້າຮ່ວມພິທີໃນຄັ້ງນີ້
ທັງນີ້ລາຍງານບໍ່ໄດ້ລະບຸວ່າແມ່ຊີຈະບວດດົນປານໃດ ເນື່ອງຈາກທາງວັດບໍ່ໄດ້ໃຫ້ຂໍ້ມູນໃດໆ ກ່ຽວກັບຕົວນາງເພາະຢ້ານວ່າຈະລົບກວນຄວາມສະຫງົບຂອງແມ່ຊີແລະ ຄວາມສະຫງົບຂອງວັດ ຊຶ່ງຂັດຕໍ່ຄວາມຕັ້ງໃຈຂອງແມ່ຊີ
