ພາຍຸຊົງກາ (SONCA) ຫົວທີ 8 ປະຈຳປີ 2017, ຊຶ່ງໃນເວລາ 8 ໂມງ ຂອງວັນທີ 25 ກໍລະກົດ 2017 ມີຈຸດສູນກາງຢູ່ເສັ້ນຂະໜານທີ 16.7 ອົງສາເໜືອ, ເສັ້ນແວງທີ 109.3 ອົງສາ ຕາເວັນອອກ ແລະ ພວມເຄື່ອນທີ່ມາທາງທິດຕາເວັນຕົກຢ່າງຊ້າງໆ. ຄາດວ່າພະຍຸຫົວນີ້້ຈະເຄື່ອນເຂົ້້າຝັ່ງປະເທດຫວຽດນາມໃນຕອນຄໍ່າຂອງວັນທີ 25 ກໍລະກົດ 2017 ນີ້, ຊຶ່ງຈະເຮັດໃຫ້ ຈະມີຝົນຕົກໃນລະດັບຄ່ອຍ ຫາ ປານກາງເປັນບໍລິເວນກວ້າງ ແລະ ຕົກໜັກ ຫາ ໜັກຫຼາຍພ້ອມມີລົມພັດແຮງຢູ່ໃນແຂວງພາກກາງ ຫາ ພາກໃຕ້. ດັ່ງນັ້ນ ຈຶ່ງຂໍແຈ້ງເຕືອນເຖິງພໍ່ແມ່ປະຊາຊົນ ທີ່ອາໄສຢູ່ໃນເຂດດັ່ງກ່າວ, ຈົ່ງມີສະຕິກຽມພ້ອມຮັບມືກັບສະພາບນໍ້າຖ້ວມຊຸ, ດິນເຈື່ອນ, ນໍ້າຖ້ວມອັ່ງ ແລະ ລົມພັດແຮງທີ່ອາດຈະເກີດຂື້ນໄດ້ ໃນໄລຍະວັນທີ 25 – 27 ກໍລະກົດນີ້.
ແຫລ່ງຂ່າວ: ກົມອຸຕຸນິຍົມ ແລະ ອຸທົກກະສາດ