ເມື່ອວັນທີ 18 ກໍລະກົດ 2017 ວໍຊິງຕັນໂພສຕ໌ລາຍງານຄລິບບັນທຶກພາບໝາລອຍນ້ຳລົງໄປຊ່ວຍຊີວິດກວາງນ້ອຍໃນທະເລ ທີ່ບໍລິເວນທ່າເຮືອ ເຈຟເຟີສັນ ລອງໄອສແລນ ໃນນິວຢອກ ສະຫະລັດອາເມລິກາ
ມາກ ຟຣີລີ ເຈົ້າຂອງໝາໄດ້ໃຫ້ສຳພາດກັບສະຖານີຊີບີເອສ ໃນນິວຢອກວ່າ ໝາສາຍພັນໂກເດນຣີທຣິຟເວີຂອງຕົນຊື່ ສະຕອມ (ພາຍຸ) ໄດ້ອອກໄປຍ່າງຫຼິ້ນຢູ່ຫາດຊາຍເມື່ອວັນທີ 16 ກໍລະກົດ ທີ່ຜ່ານມາ ເຫັນກວາງນ້ອຍລອຍຄໍຢູ່ໃນທະເລ ເມື່ອເຈົ້ານາຍສັ່ງໃຫ້ລອຍນ້ຳອອກໄປຊ່ວຍ ມັນຈິ່ງໄດ້ໂດດລົງໄປໃນທະເລແລະຄາບຄໍກວາງນ້ອຍຂຶ້ນມາທີ່ຝັ່ງ