ເມື່ອວັນສຸກທີ 14 ກໍລະກົດ 2017 ທີຜ່ານມາ Roscosmos ອົງການອາວະກາດສະຫະພັນຣັດເຊຍ ໄດ້ລາຍງານເຖິງຄວາມສຳເລັດໃນການສົ່ງດາວທຽມຈຳນວນ 73 ດວງ ເຂົ້າສູ່ 3 ວົງໂຄຈອນດ້ວຍຈະຫລວດ “ໂຊຢຸຊ 2.1” (Soyuz 2.1a)
ຈະຫຼວດດັ່ງກ່າວໄດ້ບັນທຸກດາວທຽມສຳຫຼວດໂລກ Kanopus-V-IK ແລະ ດາວທຽມຂະໜາດນ້ອຍຈຳນວນ 73 ດວງ ເຊິ່ງຖືກຍິງອອກຈາກຖານປ່ອຍຈະຫຼວດ Baikonur Cosmodrome ໃນປະເທດຄາຊັດສະຖານ ເມື່ອເວລາ 09.36 ນາທີ. ຂອງນະຄອນຫຼວງ ມອສກູ ແລະ ຈະຫຼວດຂັບດັນທ່ອນທີ 3 ກໍ່ໄດ້ສົ່ງຕົວຍານ “Fregat” ຂຶ້ນໄປປ່ອຍດາວທຽມສູ່ວົງໂຄຈອນ ກ່ອນທີ່ຍານດັ່ງກ່າວຈະຕົກລົງມາສູ່ມະຫາສະໝຸດອິນເດຍໃນເວລາ 18.18 ນາທີ ຂອງນະຄອນຫຼວງ ມອສກູ
“ຄວາມສຳເລັດໃນການປ່ອຍດາວທຽມຂະໜາດນ້ອຍ 73 ດວງນັ້ນ ກາຍມາເປັນສະຖິຕິໃໝ່ ຂອງພາລະກິດສົ່ງດາວທຽມຂະໜາດນ້ອຍເຂົ້າສູ່ຫຼາຍວົງໂຄຈອນ” ອົງກອນປະກາດ
ດາວທຽມຈຳນວນໜຶ່ງໃນນັ້ນມີຜູ່ດຳເນີນການຄື ສະຫະລັດອາເມລິກາ, ເຢຍລະມັນ, ນໍເວ, ການາດາ ແລະ ຍີ່ປຸ່ນ