spot_img
Homeຂ່າວພາຍ​ໃນເຕືອນອີກ! ລະວັງອາຫານມີນ້ຳຢາດອງສົບ ວາງຂາຍຕາມທ້ອງຕະຫຼາດ!!

ເຕືອນອີກ! ລະວັງອາຫານມີນ້ຳຢາດອງສົບ ວາງຂາຍຕາມທ້ອງຕະຫຼາດ!!

Published on

 

ຂະແໜງລ້ຽງສັດ ແລະ ການປະມົງ ອອກມາເຕືອນໃຫ້ສັງຄົມກໍຄືຜູ້ບໍລິໂພກ ມີສະຕິລະວັງຕົວໃນການຊື້ອາຫານ

ທະເລ, ພືດຜັກ ແລະ ໝາກໄມ້ ທີ່ວາງຂາຍຕາມທ້ອງຕະຫລາດ ທັງຢູ່ຕົວເມືອງ ແລະ ບັນດາແຂວງຕ່າງໆ, ເນື່ອງ

ຈາກອາຫານຫລາຍປະເພດ ມີການນຳໃຊ້ສານກັນບູດ ຫລື ຟອກໂມນ ພຽງເພື່ອໃຫ້ຄົງຄວາມສົດໄວ້ດົນ, ແຕ່ບໍ່

ໄດ້ຄິດເຖິງຄວາມອັນຕະລາຍຂອງຜູ້ບໍລິໂພກ.

 

ທ່ານນາງ ພັດສະລີ ພິດສະໄໝ ຫົວໜ້າຂະແໜງລ້ຽງສັດ ແລະ ການປະມົງ ໃຫ້ຮູ້ວ່າ: ຜ່ານການລົງກວດກາເມື່ອ

ເດືອນກໍລະກົດຜ່ານມານັ້ນ, ໄດ້ພົບເຫັນການນຳໃຊ້ສານເຄມີປົນເປື້ອນເກີນມາດຖານ ໃນອາຫານຫລາຍຊະນິດ

ແລະ ໄດ້ສັ່ງໃຫ້ມີການທຳລາຍຖິ້ມ, ປັດຈຸບັນ ຂະແໜງການກ່ຽວຂ້ອງ ພວມສັ່ງຢາກວດສານເຄມີດັ່ງກ່າວເພື່ອ

ມອບໃຫ້ເຈົ້າໜ້າທີ່ກ່ຽວຂ້ອງຢູ່ແຕ່ລະເມືອງ ເພື່ອສືບຕໍ່ດຳເນີນການກວດຢ່າງເຂັ້ມງວດ ເນື່ອງຈາກການນຳໃຊ້

ສານເຄມີດັ່ງກ່າວເກີນມາດຕະຖານນັ້ນ ເປັນອັນຕະລາຍຢ່າງຮ້າຍແຮງຕໍ່ສຸຂະພາບຂອງຄົນ ກໍຄືຜູ້ບໍລິໂພກ.

 

ເຊິ່ງຜົນການກວດກາ 17 ຕົວຢ່າງ ທີ່ສົງໄສມີສານເຄມີປົນເປື້ອນໃນຕະຫລາດໃຫຍ່ສາມແຫ່ງຄື ຕະຫລາດໜອງ

ຈັນ, ໂພນສະຫວ່າງ ແລະ ທາດຫລວງ ພົບການນຳໃຊ້ສານກັນບູດໃນອາຫານ ຈຳນວນ 6 ຕົວຢ່າງເຊັ່ນ: ປາມຶກ

ແຊ່ສົດ ແລະ ຊິ້ນສ່ວນສັດເຊັ່ນ: ຍໍ່ງົວ-ຄວາຍ, ຕັບ, ປອດ, ຫົວໃຈ ແລະ ຊິ້ນສ່ວນສັດປີກ ທີ່ນຳເຂົ້າຈາກຕ່າງປະ

ເທດ. ສຳລັບໝາກໄມ້ສ່ວນຫລາຍແມ່ນກວດພົບໃນໝາກລິ້ນຈີ່, ໝາກໂປມ, ໝາກກ້ຽງ, ສ່ວນພືດຜັກ ແມ່ນ

ໝາກຖົ່ວຍາວ, ຜັກກາດ, ໜໍ່ໄມ້ປິດ ແລະ ອື່ນໆ ໂດຍເຈົ້າໜ້າທີ່ໄດ້ນຳໄປທຳລາຍຖິ້ມທັງໝົດ, ພ້ອມຕັກເຕືອນ

ບໍ່ໃຫ້ມີການກະທຳອີກຕໍ່ໄປ ຫາກກວດພົບອີກຈະດຳເນີນການລົງໂທດຕາມກົດໝາຍ.

 

ແນວໃດກໍຕາມ, ຫົວໜ້າຂະແໜງລ້ຽງສັດ ແລະ ການປະມົງກ່າວວ່າ: ການຫລີກເວັ້ນສານກັນບູດໃນອາຫານອາດ

ເປັນເລື່ອງຍາກ, ແຕ່ເພື່ອຮັບປະກັນໄດ້ວ່າ ອາຫານທີ່ພວກເຮົາຊື້ຈະບໍ່ມີສານດັ່ງກ່າວເຈືອປົນນັ້ນ, ຜູ້ບໍລິໂພກຄວນ

ສັງເກດລັກສະນະຂອງອາຫານ ວ່າມີຄວາມແຕກຕ່າງຈາກປົກກະຕິ ຫລືບໍ່ ໂດຍສະເພາະແມ່ນອາຫານທະເລ, ເຄື່ອງ

ໃນສັດ ແລະ ຊິ້ນສ່ວນສັດປ່າ ຫາກບໍ່ມີແມງວັນຕອມແມ່ນມີຄວາມສ່ຽງສູງໃນການນຳໃຊ້ສານກັນບູດ.

 

ສຳລັບສານກັນບູດ ແມ່ນສານຊະນິດໜຶ່ງທີ່ທາງການແພດໄດ້ນຳໃຊ້ໃນການດອງສົບ ບໍ່ໃຫ້ເນົ່າເປື່ອຍ, ໃຊ້ຂ້າເຊື້ອພະ

ຍາດ, ຂ້າ ເຊື້ອລາ ແລະ ເຮັດຄວາມສະອາດໃນຫ້ອງຄົນເຈັບ ແລະ ນຳໃຊ້ໃນອຸດສາຫະກຳ ອື່ນໆ. ສ່ວນການນຳໃຊ້ສານ

ດັ່ງກ່າວໃສ່ໃນອາຫານ ແມ່ນຈະມີຜົນກະທົບຕໍ່ສຸຂະພາບ ແລະ ອາດເສຍຊີວິດໄດ້ໃນທີ່ສຸດ.

 

ແຫຼ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...