spot_img
Homeຂ່າວການພັດທະນາລາວເລັ່ງທາບທາມຮ່າງກົດໝາຍຈັດຊື້ຂອງລັດ-ຄຸ້ມຄອງໜີ້ສາທາລະນະ

ລາວເລັ່ງທາບທາມຮ່າງກົດໝາຍຈັດຊື້ຂອງລັດ-ຄຸ້ມຄອງໜີ້ສາທາລະນະ

Published on

ກະຊວງການເງິນໄດ້ຈັດກອງປະຊຸມທາບທາມຮ່າງກົດໝາຍ 2 ສະບັບ: ຮ່າງກົດໝາຍວ່າດ້ວຍ ການຈັດຊື້ຂອງລັດ ແລະ ຮ່າງກົດໝາຍວ່າດ້ວຍ ການຄຸ້ມຄອງໜີ້ສິນສາທາລະນະໄດ້ຈັດຂຶ້ນທີ່ຫໍວັດທະນະທຳ ໄກສອນ ພົມວິຫານ ແຂວງສະຫວັນນະເຂດໃນລະຫວ່າງວັນທີ 10-11 ກໍລະກົດ 2017 ໂດຍມີທ່ານ ອາດສະພັງທອງ ສີພັນດອນ ຮອງລັດຖະມົນຕີກະຊວງການເງິນ, ທ່ານ ທ່ອນແກ້ວ ພຸດທະໄກຍະລາດ ຮອງເຈົ້າແຂວງສະຫວັນນະເຂດ, ມີຄະນະຮັບຜິດຊອບການຄົ້ນຄວ້າ ສ້າງຮ່າງກົດໝາຍທັງ 2 ສະບັບ, ທ່ານຫົວໜ້າຫ້ອງວ່າການ, ຫົວໜ້າພະແນກການເງິນແຂວງ ທັງ 6 ແຂວງຄື: ແຂວງບໍລິຄຳໄຊ, ຄຳມ່ວນ, ສະຫວັນນະເຂດ, ຈໍາປາສັກ, ເຊກອງ ແລະ ອັດຕະປືເຂົ້າຮ່ວມ.
ທ່ານ ອາດສະພັງທອງ ສີພັນດອນ ໄດ້ກ່າວວ່າການທາບທາມຄັ້ງນີ້ແມ່ນການລະດົມແນວຄວາມຄິດຄວາມ ໃສ່ຮ່າງກົດໝາຍທັງສອງສະບັບ ກ່ອນຈະນຳສະເໜີຕໍ່ກອງປະຊຸມລັດຖະບານ ແລະ ກອງປະຊຸມສະພາແຫ່ງຊາດ ເພື່ອຮັບຮອງ, ການຄົ້ນຄວ້າສ້າງ ແລະ ປັບປຸງນິຕິກຳ ສະນັ້ນ ກ່ອນອື່ນຕ້ອງໄດ້ມີການທາບທາມຄຳເຫັນຢ່າງກວ້າງຂວາງ ແລະ ເລິກເຊິ່ງນຳທຸກພາກສ່ວນ ເພື່ອເຮັດໃຫ້ຮ່າງນິຕິກຳທີ່ສະເໜີສ້າງ ແລະ ປັບປຸງດັ່ງກ່າວ ມີເນື້ອໃນຈະແຈ້ງ, ຄົບຖ້ວນ ແລະ ສອດຄ່ອງ, ນອກນນັ້ນ ທ່ານຍັງໄດ້ຮຽກຮ້ອງໃຫ້ບັນດາຜູ້ທີ່ເຂົ້າຮ່ວມ ຈົ່ງຍົກສູງຄວາມຮັບຜິດຊອບ ແລະ ປະກອບຄຳເຫັນຕໍ່ຮ່າງກົດໝາຍດັ່ງກ່າວ ເພື່ອຄວາມເປັນເອກະພາບ ແລະຮັບປະກັນໃຫ້ສອງຮ່າງກົດໝາຍ ມີເນື້ອໃນຄົບຖ້ວນ, ຊັດເຈນ ແລະສອດຄ່ອງກັບກົດໝາຍ ແລະລະບຽບການທີ່ກ່ຽວຂ້ອງຂອງ ສ.ປ.ປ ລາວ.
ສຳລັບຮ່າງກົດໝາຍ ວ່າດ້ວຍການຈັດຊື້ຂອງລັດ ປະກອບມີ X ພາກ, ມີ 71 ມາດຕາ, ສ່ວນຮ່າງກົດໝາຍ ວ່າດ້ວຍ ການຄຸ້ມຄອງໜີ້ສິນສາທາລະນະ ປະກອບມີ XIII ພາກ, ມີ 63 ມາດຕາ ໃຫ້ແຕ່ລະພາກສ່ວນໄດ້ຄົ້ນຄວ້າ, ກອງປະຊຸມຄັ້ງນີ້ ຈະໃຊ້ເວລາ 2 ວັນ ຈຶ່ງຈະອັດລົງດ້ວຍຜົນສຳເລັດຢ່າງຈົບງາມ.

 

ແຫລາງຂ່າວ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...