ທ່ອງທ່ຽວກັບລາວໂພສຕ໌ວັນນີ້ ເຮົາພາກັນໄປຫຼິ້ນນ້ຳດີກວ່າຫຼັງຈາກເຂົ້າພັນສາແລ້ວຖ້າບໍ່ຮູ້ຈະໄປພັກຜ່ອນທາງໃດດີ ແອັດມິນຂໍແນະນຳໜຶ່ງສະຖານທີ່ທ່ຽວຄື ຕາດຖ້ຳພະ ນອກຈາກຈະເປັນບ່ອນທ່ອງທ່ຽວທາງທຳມະຊາດທີ່ສວຍງາມແລ້ວ ທ່ານກໍ່ຍັງສາມາດພາຄອບຄົວ, ເພື່ອນຝູງ ຫຼື ຄົນຮັກຂອງທ່ານໄປກິນເຂົ້າປ່າສາມັກຄີໄດ້ອີກດ້ວຍ ກິນອື່ມແລ້ວກໍ່ພາກັນລົງຫຼິ້ນນ້ຳເຢັນກາຍສະບາຍໃຈ
ການເດີນທາງມາທ່ຽວຕາດຖ້ຳພະແຫ່ງນີ້ແມ່ນບໍ່ໄກຈາກນະຄອນຫຼວງປານໃດ ພຽງຂັບລົດມາຕາມເສັ້ນທາງ 13 ໃຕ້ ໄລຍະທາງປະມານ 60 ກິໂລແມັດ ຈາກນັ້ນກໍ່ລ້ຽວຊ້າຍເຂົ້າທາງຕາດວັງຫຼວງ ກ່ອນຮອດຕາດວັງຫຼວງປະມານ 3 ກິໂລແມັດຈະມີປ້າຍ ລ້ຽວຂວາເຂົ້າໄປ 800 ແມັດ. ທຳມະຊາດງາມ.ສະອາດ.ປອດໄພ ເດັກນ້ອຍ ແລະ ຜູ້ໃຫຍ່ມີສະຖານໃຫ້ຫຼີ້ນຕາມຄວາມເໝາະສົມ.ມີອາຫານພື້ນບ້ານ.ອາຫານຕາມສັ່ງ ແລະ ເຄື່ອງດື່ມຄົບຄັນໄວ້ຄອຍບໍລິການຢ່າງເຕັມທີ່.
ຕາດແຫ່ງນີີ້ສາມາດນຳອາຫານເຂົ້າມາກິນທາງໃນໄດ້ແຕ່ຫ້າມເອົາເຄື່ອງດື່ມປະເພດແກ້ວເຂົ້າມາ ເພື່ອຄວາມປອດໄພ ແຕ່ວ່າຕອນນີ້ເຮົາມາເບິ່ງຄວາມສວຍງາມຂອງຕາດໄປພ້ອມກັນເລີຍດີກວ່າ
https://www.facebook.com/ABClaos/videos/pcb.1726603930976172/1726601730976392/?type=3&theater
ແຫລ່ງຂໍ້ມູນ: ສຳນັກຂ່າວເອບີຊີລາວ