ທ້າວ ອາທິດ ລາດປາກດີ (ແຈັກ) ໜຶ່ງດຽວນັກໄຕກິລາ ຈາກ ສປປ.ລາວ ຊູທຸງຊາດເຂົ້າເສັ້ນໄຊຢ່າງສະຫງ່າ ໃນການແຂ່ງ TOYOTA PATTAYA TRIATHLON Tour Series 2017 ຈັດຂຶ້ນທີ ເມືອງ ພັດທະຍາ ປະເທດ ໄທ, ເຊິ່ງເປັນກິລາທີ່ມີຄວາມຍາກ ແລະ ທ້າທາຍຫຼາຍ ເຊິ່ງຜູ້ເຂົ້າຮ່ວມແຂ່ງຂັນນອກຈາກຈະມີກຳລັງໃຈທີ່ພ້ອມແລ້ວ ກຳລັງກາຍຕ້ອງມີຄວາມພ້ອມສົມບູນແບບເຖິງຈະສາມາດລົງແຂ່ງໄດ້.
ແລະ ງານນີ້ “ແຈັກ” ກໍ່ໄດ້ທຸ້ມເທເວລາກຳລັງກາຍ ແລະ ຕັ້ງໃຈໃນການຝຶກສ້ອມເພື່ອກຽມຕົວລົງແຂ່ງໃນລາຍ ການນີ້ໂດຍສະເພາະ ໃນລາຍການແຂ່ງຂັນຈະປະກອບມີ: ລອຍນໍ້າ 1.5 km,ປັ່ນລົດຖີບ 40km, ແລ່ນ 10km 27, ແລະ ໃນທີ່ສຸດ ທ້າວ ແຈັກ ອົດທົນມາຮອດຈຸດເສັ້ນໄຊພ້ອມຊູທຸງຊາດລາວແລ່ນເຂົ້າເສັ້ນໄຊຢ່າງສະຫງ່າງາມ ເຖິງແມ່ນວ່າລາວຈະບໍ່ສາມາດຄວ້າອັນດັບທີ 1 ມາຄອງ ແຕ່ກໍ່ຖືວ່າ “ແຈັກ” ໄດ້ເອົາຊະນະໃຈຕົວເອງແລ້ວ ນີ້ກໍ່ຖືວ່າເປັນບາດກ້າວໃໝ່ຖືວ່າເປັນການບຸກເບີກທາງກີລາສາຍນີ້ໄວ້ໄດ້ດີ ຫວັງວ່າໂອກາດໜ້າຈະໄດ້ເຫັນສະຖິຕິໃໝ່ ແລະ ເຫັນຄົນຮຸ່ນໃໝ່ທີ່ມັກຮັກກິລາທີ່ເຕັມໄປດ້ວຍຄວາມທ້າທາຍນີ້ເຂົ້າໄປຮ່ວມແຂ່ງກັນຫຼາຍ.
ທີ່ມາ:jack ladpakdy