spot_img
Homeນານາສາລະ4 ຂັ້ນຕອນຂອງການຈັດການລາຍຮັບ-ລາຍຈ່າຍແບບງ່າຍໆ ສຳລັບຄົນຍຸກໃໝ່

4 ຂັ້ນຕອນຂອງການຈັດການລາຍຮັບ-ລາຍຈ່າຍແບບງ່າຍໆ ສຳລັບຄົນຍຸກໃໝ່

Published on

ໃນໄລຍະຕົ້ນເດືອນເປັນອີກອີກໜຶ່ງຊ່ວງເວລາທີ່ມີຄວາມສຸກຂອງຫຼາຍໆຄົນ ເພາະວ່າເປັນຊ່ວງເງິນເດືອນອອກ ດັ່ງນັ້ນແທນທີ່ເຮົາຈະໃຊ້ຈ່າຍເງິນຢ່າງຟຸ່ມເຟືອຍເຮົາມາລອງຈັດສັນປັນສ່ວນເພື່ອໃຫ້ເງິນທີ່ໄດ້ຮັບນັ້ນສາມາດເຫຼືອໄວ້ໃຊ້ຈ່າຍຈົນຮອດທ້າຍເດືອນຢ່າງບໍ່ຂັດສົນ ແລະ ຍັງມີເງິນບາງສ່ວນເກັບທ້ອນໄວ້ໃນບັນຊີກັນດີກວ່າ ມື້ນີ້ແອັດເລີຍມີຂັ້ນຕອນງ່າຍໆພຽງ 4 ຂໍ້ໃນການຈັດສັນລາຍຮັບ-ລາຍຈາກສຳລັບຄົນຍຸກໃໝ່ມາຝາກ ເຊິ່ງຈະເຮັດແນວໃດນັ້ນເຮົາມາຮູ້ຈັກໄປນຳກັນເລີຍ

  1. ວາງແຜນເລື່ອງການເງິນ

ມີການປັນສ່ວນຂອງລາຍຈ່າຍອອກເປັນພາກສ່ວນໃຫ້ຊັດເຈນເຊັ່ນ: ງົບສຳລັບລາຍຈ່າຍປະຈຳທີ່ຕ້ອງຈ່າຍທຸກເດືອນມີລາຍຈ່າຍຫຍັງແນ່ ຕົວຢ່າງ: ຄ່ານ້ຳ, ຄ່າໄຟ, ຄ່ານ້ຳມັນລົດ, ຄ່າບັດໂທລະສັບ, ຄ່າທີ່ພັກ (ກໍລະນີເຊົ່າຫ້ອງຢູ່), ຄ່າອາຫານການກິນ, ຄ່າປະກັນສຸຂະພາບ, ປະກັນພາຫະນະ, ຄ່າດາວລົດ ຫຼື ດາວວັດຖຸອື່ນໆ ແລະ ລາຍຈ່າສຸກເສີນ ຕົວຢ່າງ ຄ່າປິ່ນປົວ, ຄ່າສ້ອມແປງລົດ, ຄ່າຊື້ເຄື່ອງໃໝ່, ຄ່າກິນທ່ຽວ ແລະ ອື່ນໆ ສຳລັບລາຍຈ່າຍສຸກເສີນນັ້ນຕ້ອງວາງງົບໄວ້ຢ່າງຈຳກັດ ແລະ ພະຍາຍາມຢ່າໃຊ້ເກີນຕົວ.

ການປັນສ່ວນລາຍຮັບຄືຕ້ອງຄິດວ່າໃນແຕ່ລະເດືອນເຮົາຕ້ອງມີການຝາກເງິນເຂົ້າບັນຊີທະນາຄານຂອງຕົວເອງຈະເຂົ້າຫຼາຍເຂົ້າໜ້ອຍຄືຕ້ອງພະຍາຍາມໃຫ້ແຕ່ລະເດືອນໃຫ້ມີເງິນເຂົ້າທ້ອນໄວ້ເພື່ອໃຊ້ໃນຍາມຈຳເປັນ ຫຼື ເປັນທຶນໃນອານາຄົດໃຫ້ກັບຕົວເອງ.

2. ມີການຈົດບັນທຶກລາຍຮັບ-ລາຍຈ່າຍເປັນປະຈຳ

(ພະຍາຍາມຈົດບັນທຶກທຸກມືແຮງເປັນການດີ) ເພາະວິທີນີ້ຈະເປັນການເຕືອນສະຕິທ່ານເລື່ອງການໃຊ້ຈ່າຍເງິນໄດ້ເປັນຢ່າງດີ ແລະ ຍັງສາມາດເຮັດເຮົາຮັບຮູ້ເຖິງລາຍຈ່າຍຕົວຈິງວ່າແຕ່ລະມື້ແຕ່ລະເດືອນເຮົາໝົດເງິນໄປເທົ່າໃດ ແລະ ສິ້ນເປືອງກັບສິ່ງໃດຫຼາຍທີ່ສຸດ

3. ເພື່ອປະຢັດລາຍຈ່າຍບາງຢ່າງທີ່ສຳຄັນ

ເຮົາຄວນມີການເຮັດບັດປະກັນສຸຂະພາບໄວ້ ຄົນໂສດກໍ່ເຮັດເປັຮບຸກຄົນ, ຄົນມີຄອບຄົວກໍ່ເຮັດທັງຄອບຄົວເລີຍແມ່ນເປັນການດີ ເພື່ອເວລາເຈັບປ່ວຍ ຫຼື ມີການຜ່າຕັດ ບັດປະກັນສຸຂະພາບນັ້ນຈະຊ່ວຍແບ່ງເບົາພາລະຄ່າໃຊ້ຈ່າຍເພື່ອການປິ່ນປົວຊ່ວຍເຮົາໄດ້ ເພາະເຮົາຕ້ອງຄິດຫຼາຍໆໄວ້ ຫາກສົມມຸດວ່າເຮົາເກີດເຈັບປ່ວຍເຖິງຂັ້ນຜ່າຕັດ ຫາກບໍ່ມີເງິນເຮົາຈະເອົາເງິນມາຈາກໃສ ມາໃຊ້ຈ່າຍຄ່າຜ່າຕັດ! ວິທີການເຮັດປະກັນສຸຂະພາບ ແລະ ປະກັນອຸບັດຕິເຫດນີ້ແຫຼະຈະເຮັດໃຫ້ທ່ານສະບາຍໃຈຂຶ່ນເມື່ອເວລາເກີດເຫດສຸກເສີນ.

4. ມີປື້ມບັນຊີທະນາຄານແລ້ວກໍ່ຄວນເປີດ ບັດ ATM ແລະ ສະໝັກບໍລິການເສີມນຳທາງທະນາຄານໄວ້ພ້ອມເປັນການດີທີ່ສຸດ ເພາະເຮັດໃຫ້ເຮົາຈະດວກສະບາຍໃນການຊຳລະຄ່າໃຊ້ຈ່າຍບາງຢ່າງ ແລະ ເມື່ອເວລາທີ່ເຮົາຕ້ອງການເງິນເຮົາກໍ່ສາມາດໄປກົດເອົາເງິນໄດ້ຢ່າງສະດວກສະບາຍຕາມທີ່ເຮົາຕ້ອງການ.

 

ບົດຄວາມຫຼ້າສຸດ

ຂໍຂອບໃຈ! ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ

ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ ວັນທີ 25 ກຸມພາ 2025, ອົງການຮ່ວມມືສາກົນຍີ່ປຸ່ນ ໄດ້ລົງນາມໃນສັນຍາຊ່ວຍເຫຼືອລ້າໃຫ້ແກ່ລັດຖະບານລາວ ຈຳນວນ 1.27 ຕື້ເຢນ...

ຊາວໜຸ່ມ ກະຊວງ ປກສ ຄວ້າແຊ້ມກິລາບານເຕະ Lao Youth Union Cup ປະຈຳປີ 2024

ກະຊວງ ປກສ ຄວ້າແຊ້ມບານເຕະ Lao Youth Union Cup ປະຈຳປີ 2024 ໄດ້ສຳເລັດ ການແຂ່ງຂັນກິລາບານເຕະ ຊີງຂັນ ສະຫາຍ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ...

ສູນການສຶກສາແອວແອສ ລົງນາມເຊັນສັນຍາ ກັບສະຖາບັນ PSB ຂອງສິງກະໂປ ແລະ ການຮ່ວມມືກັບ (GEA)

ສູນການສຶກສາແອວແອສ (LS Education): ຜູ້ນຳດ້ານຄວາມເປັນເລີດທາງການສຶກສາໃນລາວ ແລະ ທົ່ວໂລກ ໃນຊຸມປີມໍ່ໆມານີ້, ປະເທດລາວເຫັນໄດ້ວ່າມີຄວາມຕ້ອງການການສຶກສາທີ່ມີຄຸນນະພາບໄດ້ຕາມມາດຕະຖານສາກົນນັບມື້ນັບເພີ່ມຂຶ້ນ. ຢູ່ແຖວໜ້າຂອງການຫັນປ່ຽນນີ້ແມ່ນ ສູນການສຶກສາແອວແອສ. ເນື່ອງຈາກເປັນສູນການສຶກສາຊັ້ນນຳທີ່ມຸ້ງໝັ້ນໃນການຍົກລະດັບການຮຽນຮູ້ໃນລາວ. ດ້ວຍວິໄສທັດທີ່ຈະສົ່ງເສີມໃຫ້ນັກຮຽນມີສັກະຍະພາບ ແລະ ໂອກາດທີ່ໄດ້ຮັບການຍອມຮັບໃນທົ່ວໂລກ, ສູນການສຶກສາແອວແອສ...

ກົມອຸຕຸອອກແຈ້ງການສະພາບອາກາດ ປະຈຳວັນທີ 26 ກຸມພາ 2025 ເວລາ 06:00 ໂມງ

ພະຍາກອນອາກາດແຕ່ເວລາ 07 ໂມງ ຂອງວັນທີ 26/02/2025 ຫາ ເວລາ 07 ໂມງ ຂອງວັນທີ 27/02/2025 ມວນອາກາດຫນາວເຢັນ ຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງແຮງ, ສົມທົບກັບກະແສ ລົມຕາເວັນອອກສ່ຽງເຫນືອພັດປົກຄຸມ....