ສຳນັກຂ່າວຕ່າງປະເທດລາຍງານຈາກນະຄອນຫຼວງ ມະນິລາ ປະເທດ ຟິລິບປິນ ເມື່ອວັນທີ 29 ພຶດສະພາ 2017 ເຈົ້າໜ້າທີ່ສຳນັກງານສືບສວນແຫ່ງຊາດຂອງຟິລິບປິນ ເປີດເຜີຍວ່າ ສາມາດຢຶດຢາເສບຕິດປະເພດຢາໄອຊ ມີນ້ຳໜັກກວ່າ 605 ກກ. ສົ່ງມາທາງເຮືອຈາກປະເທດຈີນ ມູນຄ່າຂອງຢາເສບຕິດຈຳນວນດັ່ງກ່າວ ຫາກນຳໄປຈຳໜ່າຍຈະໄດ້ລາຄາປະມານ 6,050 ລ້ານເປໂຊ ຢາເສບຕິດດັ່ງກ່າວ ເຈົ້າໜ້າທີ່ຢຶດມາໄດ້ຈາກສາງເກັບສິນຄ້າຂອງບໍລິສັດນາຍໜ້າໃນເຂດເມໂທຣມະນິລາ ອີກສ່ວນໜຶ່ງຢຶດມາໄດ້ຈາກບໍລິສັດຜູ່ຮັບຝາກຂາຍທາງເຮືອ

ປະຕິບັດການກວດຈັບຢາເສບຕິດເປັນປະຕິບັດການຮ່ວມກັນລະຫວ່າງໜ່ວຍປາບປາມຢາເສບຕິດຂອງຟິລິບປິນກັບສຳນັກງານຕຳຫຼວດແຫ່ງຊາດ ແລະ ກົມພາສີ-ອາກອນ ໂດຍທາງສຳນັກງານສືບສວນແຫ່ງຊາດຮັບແຈ້ງຂ່າວສານມາຈາກທາງຄະນະກົມການປາບປາມຢາເສບຕິດຂອງຈີນວ່າ ມີການຂົນສົ່ງຢາເສບຕິດມາທາງເຮືອນັບຄັ້ງແຕ່ປະທານາທິບໍດີເມື່ອປີທີ່ຜ່ານມາ ປະທານາທິບໍດີ ໂຣດຣິໂກ ດູເຕີເຕ ແຫ່ງຟິລິບປິນ ປະກາດສົງຄາມຢາເສບຕິດ ໂດບປາບປາມຂັ້ນເດັດຂາດເຖິງຂັ້ນຈັບຕາຍຜູ່ຄ້າຢາເສບຕິດ ແລະ ຜູ່ເສບຢາ.