Homeຂ່າວພາຍ​ໃນກົມທະບຽນລົງດາບອາຊ່ຽນເຟສແລະເຂັມລາວ ຂໍ້ຫາໃຊ້ເລ່ລ່ຽມຫຼອກລວງລະດົມທຶນ

ກົມທະບຽນລົງດາບອາຊ່ຽນເຟສແລະເຂັມລາວ ຂໍ້ຫາໃຊ້ເລ່ລ່ຽມຫຼອກລວງລະດົມທຶນ

Published on

ວັນທີ 23 ພຶດສະພາ 2017 ທີ່ຜ່ານມາ ເຈົ້າໜ້າທີ່ກົມທະບຽນແລະຄຸ້ມຄອງວິສາຫະກິດ ໄດ້ອອກແຈ້ງການເລກທີ 141/ຈທວ.ກທຄວ ລົງວັນທີ 23 ພຶດສະພາ 2017 ເລື່ອງ ໂຈະການເຄື່ອນໄຫວທຸລະກິດຊົ່ວຄາວ ຂອງບໍລິສັດ ອາຊ່ຽນເຟສຈຳກັດຜູ້ດຽວ ແລະ ບໍລິສັດ ເຂັມລາວ ອະສັງຫາລິມະຊັບ ຈຳກັດຜູ້ດຽວ.

ແຈ້ງການລະບຸວ່າ ບໍລິສັດ ອາຊ່ຽນເຟສ ຈຳກັດຜູ້ດຽວ ແລະ ບໍລິສັດ ເຂັມລາວ ອະສັງຫາລິມະຊັບ ຈຳກັດຜູ້ດຽວ ໄດ້ຖືກໂຈະການເຄື່ອນໄຫວທຸລະກິດຊົ່ວຄາວ ໃນທຸກປະເພດທຸລະກິດ ຕາມທີ່ໄດ້ບົ່ວໄວ້ດ້ານຫຼັງຂອງໃບທະບຽນວິສາຫະກິດ ນັບແຕ່ວັນທີ 23 ພຶດສະພາ 2017 ເປັນຕົ້ນໄປ ຈົນກວ່າການດຳເນີນຄະດີຂອງເຈົ້າໜ້າທີ່ທີ່ກ່ຽວຂ້ອງໄດ້ດຳເນີນການສຳເລັດ ແລະຖ້າມີຜົນແນວໃດ ເຈົ້າໜ້າທີ່ທະບຽນວິສາຫະກິດຈະແຈ້ງໃຫ້ຊາບຕາມພາຍຫຼັງ.

ທັງນີ້, ການໂຈະການເຄື່ອນໄຫວທຸລະກິດຊົ່ວຄາວ ມີຜົນຕໍ່ວິສາຫະກິດ ຄື ບໍ່ສາມາດເຄື່ອນໄຫວທຸລະກິດໄດ້ ໃນກໍລະນີລະເມີດຈະຖືກປະຕິບັດມາຕການຢ່າງເຂັ້ມງວດ ຕາມມາດຕາ 212 ຂອງກົດໝາຍວ່າດ້ວຍວິສາຫະກິດ.

ການໂຈະການດຳເນີນທຸລະກິດດັ່ງກ່າວ ມີຂຶ້ນພາຍຫຼັງມີການສະເໜີຈາກກອງບັນຊາການ ປກສ ນະຄອນຫຼວງ ເລກທີ 171/ປກສ.ນວ ລົງວັນທີ 15 ພຶດສະາ 2017 ໃຫ້ສັ່ງໂຈະ ຫຼືລົບລ້າງທະບຽນ 2 ບໍລິສັດດັ່ງກ່າວ ເນື່ອງຈາກຜົນການສືບສວນ-ສອບສວນແລະເກັບກຳຂໍ້ມູນຫຼັກຖານຂອງເຈົ້າໜ້າທີ່ເຫັນວ່າ ບໍລິສັດ ອາຊ່ຽນເຟສ ແລະ ບໍລິສັດ ເຂັມລາວ ອະສັງຫາລິມະຊັບ ໄດ້ໃຊ້ເລ່ລ່ຽມ, ກົນອຸບາຍຫຼອກລວງລະດົມເອົາເງິນຈາກປະຊາຊົນ ຈຳນວນ 14,129,300 ໂດລາສະຫະລັດ ມາໃຊ້ຈ່າຍຊະຊາຍ, ບໍ່ສາມາດສົ່ງເງິນຄືນຕາມສັນຍາໃຫ້ແກ່ປະຊາຊົນໄດ້ ຈຶ່ງພາໃຫ້ເກີດຂໍ້ຂັດແຍ່ງ ແລະຮ້ອງຟ້ອງດຳເນີນຄະດີຕາມລະບຽບກົດໝາຍ.

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...