ວາລະສານ ອົດສະຕາລີ ວູເມັນ ວີຄີ ຄວ້າໂຕ ທູເຣຍ ພິດ ສາວ ອົດສະຕາລີ ອາຍຸ26 ປີ ຜູ້ລອດຊີວິດຈາກໄຟລວກ ພ້ອມບາດແຜໄໝ້ເປັນແປ້ວທົ່ວຕາມຕົນໂຕມາຂຶ້ນປົກເປີດນິຍາມໃໝ່ຄວາມງາມຄືຄວາມຫມັ້ນໃຈ
ເມື່ອເວົ້າເຖິງວາລະສານສຳລັບແມ່ຍິງແລ້ວ ຫລາຍໆ ຄົນຄົງຄິດເຖິງຮູບໜ້າປົກຫນັງສືທີ່ມີດາລາສາວງາມມາເອັກທ່າງາມໆ ພ້ອມຄຳເວົ້າເຖິງວິທີການປິ່ນປົວຄວາມງາມແລະ ຫຸ່ນທີ່ດີແນ່ນອນ ນີ້ຄືຄຳນຳທີ່ເວັບໄຊ ອີອອນລາຍ ແຫລ່ງຂ່າວບັນເທີງໃນ ອິນເຕີເນັດ ໄດ້ຂຽນເອົາໄວ້ເມື່ອວັນທີ່ 25 ມິຖຸນາທີ່ຜ່ານມາ 2014 ເພື່ອທີ່ຈະກ່າວເຖິງວາລະສານ ອົດສະຕາລີ ວູເມັນ ວີຄີ ສະບັບເດືອນ ກໍລະກົດ ຊຶ່ງປົກນີ້ໄດ້ຄວ້າຕົວນາງແບບທີ່ບໍ່ມີໃຜຄາດເຖິງມາກ່ອນມາລົງປົກ ນາງ ທູເຣຍ ພິດສາວ ອົດສະຕາລີ ອາຍຸ 26 ປີ ຜູ້ ລອດຊີວິດຈາກການຖືກໄຟລວກມາພ້ອມດ້ວຍຜິວຫ່ຽວແປ້ວເກືອບທັງໂຕ
ທູເຣຍ ຖືກໄຟລວກ ຈາກເຫດການໄຟໄໝ້ປ່າໃນຂະນະເຂົ້າຮ່ວມການແຂ່ງຂັນແລ່ນມາລາທອນເມື່ອ 3 ປີທີ່ຜ່ານມາແລ້ວ ຮ່າງກາຍຂອງນາງຖືກໄຟໄໝ້ເສຍຫາຍໄປເຖິງ 64% ແມ່ນແຕ່ແພດເອງ ກໍບໍ່ຄິດວ່າ ນາງຈະລອດຊີວິດມາໄດ້ ແຕ່ທີ່ສຸດແລ້ວ ທູເຣຍ ກໍຜ່ານພົ້ນມັນມາໄດ້ ພ້ອມກັບບາດແຜຈາກໄຟລວກ ທີ່ເຮັດໃຫ້ຜິວແຫວແຫ້ງແປ້ວທົ່ວຮ່າງກາຍ ຕະຫລອດຈົນຜິວໜ້າກໍຖືກທຳລາຍເສຍຫາຍໄປທັງໝົດ ທູເຣຍ ແລະ ພໍ່ ຂອງນາງຮູບຮ່າງທີ່ຄົນອື່ນໆ ເບິ່ງວ່າໜ້າລັງກຽດບໍ່ໄດ້ເຮັດໃຫ້ກຳລັງໃຈໃນການໃຊ້ຊີວິດຂອງນາງຫລຸດລົງແມ່ນແຕ່ນ້ອຍດຽວ ຊ້ຳບໍ່ໜໍ່ານາງຍັງເຜື່ອແຜ່ພະລັງໃນການໃຊ້ຊີວິດໄປໃຫ້ຄົນອື່ນໆ ດ້ວຍ ສາວໃຈແຂງແກ່ງຄົນນີ້ ຍັງໄດ້ຮ່ວມແຂ່ງມາລາທອນ ຖີບລົດຖີບ ລອຍນໍ້າ ແລະ ແລ່ນຕະຫລອດ ບໍລິເວນ ກຳແພງເມືອງຈີນ ເພື່ອລະດົມທຶນໃຫ້ກັບມູນນິທິInterplast ສຳຫລັບ ປັນເງີນໃຫ້ແກ່ຜູ້ປ່ວຍໃນປະເທດກຳລັງພັດທະນາທີ່ຈຳເປັນຕ້ອງໄດ້ຮັບການປິ່ນປົວດ້ວຍການສັນຍະກຳຊ່ອມແຊມ
