ເວົ້າເລື່ອງສິວຫຼັງມາລະເຈັບເສັ້ນ ເພາະທັງຄັນທັງເປັນຕຸ່ມເປັນຮອຍ ເບິ່ງແລ້ວບໍ່ໂສພາ ຮູ້ສຶກບໍ່ໝັ້ນໃຈຈົນເຖິງຂັ້ນບໍ່ກ້ານຸ່ງເສື້ອໂຊຫຼັງຄືຄົນອື່ນ ເວົ້າມາລະຂັດໃຈສາວໆທີ່ຕ້ອງການໂຊຫຼັງແຕ່ກໍ່ຄາເວນສິວນີ້ ວັນນີ້ແອັດມິນກໍ່ເລີຍນຳສູດກຳຈັດສິວຫຼັງມາຝາກ ເພາະແອັດມິນໄປອ່ານພົບໃນເວັບໄຊ cosmenet ເຂົາຂຽນບອກວ່າ ສູດກຳຈັດສິວຫຼັງນີ້ມີສ່ວນປະສົມງ່າຍໆທີ່ປະກອບມີ ເກືອກິນ ແລະ ເປືອກໝາກກ້ຽງ

ສຳລັບວິທີເຮັດແມ່ນ: ນຳເກືອກິນ ກັບ ເປືອກໝາກກ້ຽງໃນປະລິມານທີ່ທ່ານເຫັນວ່າເໝາະສົມ (ກະຕວງເອົາ) ມາບົດປະສົມເຂົ້າກັນໃຫ້ລະອຽດດີຈາກນັ້ນກໍ່ນຳມາຂັດຜິວທີ່ແຜ່ນຫຼັງປະໄວ້ 15-20 ນາທີ ແລ້ວຈິ່ງລ້າງອອກແລ້ວອາບນ້ຳປົກກະຕິ ເຮັດເປັນປະຈຳຢ່າງໜ້ອຍອາທິດລະ 2-3 ເທື່ອ

ສຳລັບຄົນທີ່ມີສິວຫຼັງຢ່າປ່ອຍໃຫ້ມັນມາກວນໃຈລອງໃຊ້ວິທີນີ້ເບິ່ງເດີ້ ສ່ວນເລື່ອງຈະດີແທ້ ຫຼື ບໍ່ ນັ້ນຕ້ອງລອງພິສູດກັນເອົາເອງ