ຂອງໃຊ້ພາຍໃນເຮືອນປະເພດເຄື່ອງເງິນ, ໂລຫະ ແລະ ສະແຕນເຣດ ທີ່ມີລາຄາຄ່ອນຂ້າງສູງ ເມື່ອຕັດສິນໃຈມາແລ້ວກໍ່ຕ້ອງໃຊ້ໃຫ້ມັນຄຸ້ມຄ່າ ຖ້າຫາກເກີດຕົກສີຈາກທີ່ເຄີຍຂາວໃສກາຍເປັນຂຸ່ນມົວ ໃນຄໍລຳ ສາລະໜ້າຮູ້ວັນນີ້ ແອັດມິນມີວິທີຂັດລ້າງເຄື່ອງເງິນໃຫ້ຂາວໃສມາຝາກ ເຊິ່ງຈະເຮັດແນວໃດນັ້ນເຮົາມາເບິ່ງນຳກັນເລີຍ
- ໝາກຂາມປຽກ
ພຽງນຳໝາກຂາມປຽກມາຕົ້ມໃນນ້ຳໃນປະລິມານທີ່ກະວ່າພໍດີ ຕົ້ມໃຫ້ມັນພໍດີຟົດໆ ແລ້ວປົງລົງຈາກນັ້ນກໍ່ປະໃຫ້ມັນອຸ່ນໆກ່ອນຈະນຳເອົາເຄື່ອງເງິນລົງໄປແຊ່ໄວ້ຈົນນ້ຳຕົ້ມໝາກຂາມປຽກເຢັນແລ້ວຈິ່ງນຳຕ່ອນໝາກຂາມມາຂັດໆຖູໆເຄື່ອງເງິນພຽງເທົ່ານີ້ກໍ່ຂາວໃໝ່ຂຶ້ນໄດ້
2. ນ້ຳໝາກນາວໂຊດາ
ພຽງນຳເຄື່ອງເງິນຂອງທ່ານແຊ່ລົງນ້ຳໝາກນາວໂຊດາປະມານ 1 ຊົ່ວໂມງ ເມື່ອຄົບກຳນົດເວລາກໍ່ນຳຂຶ້ນມາລ້າງງ່າຍໆພຽງເທົ່ານີ້ເຄື່ອງເງິນກໍ່ຂາວໃສຂຶ້ນໄດ້ແລ້ວ
3. ນ້ຳສົ້ມສາຍຊູ ກັບ ແບກກິ້ງໂຊດາ
ນຳນ້ຳສົ້ມເຄິ່ງຖ້ວຍປະສົມກັບແບັກກິ້ງໂຊດາ 2 ບ່ວງແກງ ຄົນໃຫ້ເຂົ້າກັນ ແລ້ວນຳເຄື່ອງເງິນມາແຊ່ໄວ້ປະມານ 2-3 ຊົ່ວໂມງ ເມື່ອຮອດກຳນົດເວລາກໍ່ນຳເຄື່ອງເງິນຂຶ້ນມາລ້າງເຮັດຄວາມສະອາດ ພຽງເທົ່ານີ້ກໍ່ເຮັດຄວາມສະອາດໄດ້ແລ້ວ.
ຖ້າຕອນນີ້ເຄື່ອງເງິນຂອງທ່ານກຳລັງສີເສົ້າຢູ່ກໍ່ລອງນຳ 3 ວິທີນີ້ມາເຮັດເບິ່ງຮັບຮອງວ່າເຄື່ອງເງິນຂອງທ່ານຈະຂາວໃສຄືຊື້ມາໃໝ່ໆແນ່ນອນ