ເມື່ອວັນທີ 2 ພຶດສະພາ 2017 ນີ້ ຂ່າວບີບີຊີລາຍງານວ່າ ທ່ານ ໂດນັລ ທຣັມ ປະທານາທິບໍດີສະຫະລັດ ໃຫ້ສຳພາດກັບເວັບໄຊ໌ຂ່າວ ບລູມເບຣິກ ໃນໂອກາດຄົບຮອບຂຶ້ນຮັບຕຳແໜ່ງ 100 ມື້ ມີຫົວຂໍ້ເລື່ອງສະພາບເຫດການເກົາຫຼີເໜືອທີ່ກຳລັງເຄັ່ງຕຶງ ທຣັມກ່າວວ່າ ຖ້າຢູ່ໃນເງື່ອນໄຂທີ່ເໝາະສົມ ກໍ່ເປັນກຽດທີ່ຈະໄດ້ພົບປະກັບ ຄິມ ຈອໃອຶນ ຜູ້ນຳສູງສຸດເກົາຫຼີເໜືອ ຫຼັງຈາກທີ່ຫາກໍ່ໃຫ້ສຳພາດກັບສື່ຊີບີເອສ ແລະ ກ່າວຍ້ອງທ່ານ ຄິມ ຈອງອຶນວ່າ “ເປັນຄົນສະຫຼາດຫຼາຍ”
ການໃຫ້ສຳພາດມີຂຶ້ນຫຼັງຈາກທີ່ເກົາຫຼີເໜືອທົດສອບຂີປະນາວຸດລົ້ມເຫຼວຕິດຕໍ່ກັນເປັນເທື່ອທີສອງໃນຮອບ 2 ອາທິດ
ສະຖານະການໃນຄາບສະໜຸດເກົາຫຼີຕຶງຄຽດຂຶ້ນ ທັງຝ່າຍເກົາຫຼີທີ່ທົດສອບອາວຸດ ແລະ ຝ່າຍອາເມລິກາທີ່ຊ້ອມຮົບກັບເກົາຫຼີໃຕ້ ແລະ ຍີ່ປຸ່ນ ສະຫະລັດໄດ້ສົ່ງເຮືອເຂົ້າມາສູ່ພາກພື້ນ ພ້ອມກັບເລີ່ມຕິດຕັ້ງລະບົບຕ້ານຂີປະນາວຸດຊັ້ນສູງ ຫຼື ທາດ ຂະນະດຽວກັນ ໂດນັລ ທຣັມ ຍັງຫາແນວໂຮມໃນອາຊີ ໂດຍໄດ້ໂທຫາຜູ້ນຳ ຟິລິບປິນ, ໄທ ແລະ ສິງກະໂປ ໃນໄລຍະອາທິດທີ່ຜ່ານມາ