ເວັບໄຊ໌ຊີເອັນເອັນຟິລິບປິນລາຍງານເມື່ອວັນທີ 20 ເມສາ 2017 ວ່າ ປະທານາທິບໍດີ ໂຣດຣິໂກ ດູແຕຣ໌ເຕ ຂອງຟິລິບປິນ ເປັນຜູ້ຊະນະໄດ້ຮັບຄະແນນສຽງຫຼາຍທີ່ສຸດໃນການສຳຫຼວດຄວາມຄິດເຫັນຜູ້ອ່ານທາງອອນໄລນ໌ຂອງວາລະສານ ໄທມ໌ ໃນຫົວຂໍ້ບຸກຄົນຜູ້ມີອິດທິພົນທີ່ສຸດຂອງໂລກ ຫຼັງຈາກມີຄະແນນນຳມາຕະຫຼອດຊ່ວງເວລາທີ່ເປີດໃຫ້ມີການໂຫວດ
ໃນຜົນສຳຫຼວດຜູ້ອ່ານທາງອອນໄລນ໌ ວາລະສານໄທມ໌ໄດ້ຄັດເລືອກລາຍຊື່ຜູ້ເຂົ້າຮອບມາ 114 ຄົນທີ່ໄດ້ຮັບການພິຈາລະນາວ່າສົມຄວນຢູ່ໃນການຈັດອັນດັບເຊິ່ງເປັນບຸກຄົນທີ່ມີອິດທິພົນທີ່ສຸດຂອງໂລກ ໂດຍໃຫ້ຜູ່ອ່ານລົງຄະແນນເລືອກພຽງວ່າສົມຄວນກໍ່ກົດ (ເຢສ) ຫຼື ບໍ່ສົມຄວນ (ໂນ)
ທ່ານ ດູແຕຣ໌ເຕຖືກໂຫວດໃຫ້ເປັນອັນດັບ 1 ໂດຍໄດ້ຮັບຄະແນນສຽງ “ເຢສ” 5% ຕາມຫຼັງມາດ້ວຍທ່ານ ຈັສຕິນ ທຣູໂດ ນາຍົກລັດຖະມົນຕີການາດາ, ສົມເດັດພຣະສັນຕະປາປາຟຣານຊິສ, ທ່ານ ບິລ ເກດສ໌ ມະຫາເສດຖີຜູ້ກໍ່ຕັ້ງບໍລິສັດໄມໂຄຣຊອຟ, ທ່ານ ມາຣ ຊັດເຄີຣເບຣີກ ໄດ້ຄະແນນສຽງ “ເຢສ” ໄປຄົນລະ 3%
ຂ່າວລະບຸວ່າ ທ່ານ ດູແຕຣເຕ ໄດ້ຮັບຄວາມສົນໃຈຈາກນານາຊາດໃນເລື່ອງການເຮັດສົງຄາມປາບປາມຢາເສບຕິດຂອງລັດຖະບານຟິລິປິນພາຍໃຕ້ການນຳຂອງເຂົາ
ທັງນີ້ການຈັດອັນດັບ 100 ບຸກຄົນຜູ້ມີອິດທິພົນທີ່ສຸດໃນໂລກຢ່າງເປັນທາງການທີ່ຄັດເລືອກໂດຍໜ່ວຍງານບັນນາທິການຂອງສາລະສານໄທມ໌ເອງ.