spot_img
Homeຂ່າວພາຍ​ໃນໂຄງການໂລກໃໝ່ແຫ່ງວຽງຈັນ ພລາຊາເລີ່ມເປີດໃຫ້ຈັບຈອງແລ້ວ

ໂຄງການໂລກໃໝ່ແຫ່ງວຽງຈັນ ພລາຊາເລີ່ມເປີດໃຫ້ຈັບຈອງແລ້ວ

Published on

 

ບໍລິສັດ ຊີເອເອັມຊີອີ ການລົງທຶນລາວ (CAMCE) ເຊິ່ງເປັນເຈົ້າຂອງໂຄງການໂລກໃໝ່ແຫ່ງວຽງຈັນ ທີ່ພວມດຳເນີນ

ການກໍ່ສ້າງຢູ່ແຄມນ້ຳຂອງ, ນະຄອນຫລວງວຽງຈັນ ໄດ້ເລີ່ມເປີດໃຫ້ລູກຄ້າເຂົ້າຈັບຈອງໃນເຂດຂອງໂຄງການແລ້ວ.

 

ທ່ານ ລີ່ປີ່ນຮຸຍ ຜູ້ຈັດການ ໃຫຍ່ບໍລິສັດ CAMCE ໄດ້ກ່າວໃນພິທີແນະນຳໂຄງການ ຕໍ່ລູກຄ້າທີ່ຈັດຂຶ້ນຢູ່ໂຮງແຮມດອນ

ຈັນພາເລດ, ນະຄອນຫລວງວຽງຈັນ ເມື່ອທ້າຍອາທິດຜ່ານມາວ່າ: ໂຄງການໂລກໃໝ່ແຫ່ງວຽງຈັນພລາຊາ ມີເນື້ອທີ່

ປະມານ 46 ພັນຕາແມັດ ທີ່ປະກອບມີສູນການຄ້າຄົບວົງຈອນ, ອາຄານສຳນັກງານສູງຫລາຍສິບຫລັງ, ໂຮງແຮມ,

ສະຖານບັນເທິງ, ສູນສຸຂະພາບ-ກິລາ, ຊຶ່ງມາຮອດປັດຈຸບັນການກໍ່ສ້າງໄດ້ມີຄວາມຄືບໜ້າ ຫລາຍສົມຄວນແລ້ວ ແລະ

ຄາດວ່າຈະໃຫ້ສຳເລັດໃນປີ 2015 ນີ້ ເຊິ່ງຈະກາຍເປັນເຂດເສດຖະກິດແຫ່ງໃໝ່ທີ່ມີຄວາມສວຍງາມ ແລະ ທັນສະໄໝ,

ປະກອບສ່ວນສ້າງວຽກເຮັດງານທຳ, ສ້າງລາຍຮັບໃຫ້ ກັບປະຊາຊົນ ແລະ ກະຕຸ້ນການຂະຫຍາຍຕົວຂອງເສດຖະກິດປະ

ເທດ, ເວົ້າສະເພາະກໍແມ່ນນະຄອນຫລວງວຽງຈັນ ໃຫ້ມີຄວາມຈະເລີນສີວິໄລເທື່ອລະກ້າວ.

 

ສຳລັບລູກຄ້າທີ່ຈັບຈອງຫ້ອງໃນມື້ງານແນະນຳໂຄງການ ແລ້ວມັດຈຳເງິນ 10 ພັນໂດລາສະຫະລັດ ຫລື ປະມານ 80 ລ້ານ

ກີບ ແມ່ນໄດ້ຮັບສ່ວນຫລຸດ 5 ພັນໂດລາສະຫະລັດ ຫລື ປະ ມານ 40 ລ້ານກີບ, ຖ້າມັດຈຳເງິນ 1 ພັນໂດລາສະຫະລັດ ຫລື

ປະມານ 8 ລ້ານກີບ ແລະ ພາຍ ໃນໜຶ່ງອາທິດຈ່າຍມັດຈຳເພີ່ມ ອີກ 9 ພັນໂດລາສະຫະລັດ ຫລື ປະມານ 72 ລ້ານກີບ ຈະ

ໄດ້ຮັບສ່ວນຫລຸດ 4 ພັນໂດລາສະຫະລັດ ຫລື ປະມານ 32 ລ້ານກີບ.

 

ແຫຼ່ງຂ່າວ: http://laophatthananews.blogspot.com/2014/08/blog-post_62.html

ບົດຄວາມຫຼ້າສຸດ

ສປປ ລາວ ສົ່ງອອກໝາກມ່ວງສົດ ຂະບວນທໍາອິດ ໄປສູ່ ສປ ຈີນ ຈຳນວນ 90 ໂຕນ

ສົ່ງອອກສູ່ຕະຫຼາດສາກົນ ສປປ ລາວ ສົ່ງອອກໝາກມ່ວງສົດຂະບວນທຳອິດ ໄປສູ່ ສປ ຈີນ ຈຳນວນ 90 ໂຕນ ວັນທີ 30 ພຶດສະພາ 2025 ໄດ້ມີພິທີເປີດຂະບວນສົ່ງຫມາກມ່ວງສົດຂະບວນທຳອິດຈາກສປປ...

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...