ຕາມຂໍ້ມູນສະຖິຕິຈາກກົມຕຳຫຼວດຈະລາຈອນໃຫ້ຮູ້ວ່າ: ໃນໄລຍະສະຫຼອງບຸນປີໃໝ່ລາວທົ່ວປະເທດ ພສ 2560 ນັບຕັ້ງແຕ່ວັນທີ 12-16 ເມສາ 2017 ໃນ 5 ວັນຜ່ານມາ ມີອຸປະຕິເຫດເກີດຂຶ້ນທັງໝົດ 271 ລາຍ, ພາຫະນະເປ່ເພ 478 ຄັນ, ຄົນໄດ້ຮັບບາດເຈັບ 429 ຄົນ ແລະມີຄົນເສຍຊີວິດ 39 ຄົນ ເພີ່ມຂຶ້ນ 12 ຄົນ
ອຸປະຕິເຫດສ່ວນຫຼາຍເກີດຂຶ້ນຍ້ອນ ການດື່ມສິ່ງມຶນເມົາ, ເມົາແລ້ວຂັບ, ຂັບໄວເກີນກຳນົດ, ຊິ້ງແບບບໍ່ຮັບປະກັນຄວາມປອດໄພ ແລະ ສະພາບເຕັກນິກລົດ ບໍ່ໄດ້ມາດຕະຖານ
ສຳລັບໃນນະຄອນຫຼວງມີອຸປະຕິເຫດເກີດຂຶ້ນທັງໝົດ 53 ລາຍ ເພີ່ມຂຶ້ນ 4 ລາຍ ຖືວ່າຍັງຕິດອັນດັບໜຶ່ງ, ມີພາຫະນະເປ່ເພ 115 ຄັນ ເພີ່ມຂຶ້ນ 26 ຄັນ, ຄົນໄດ້ຮັບບາດເຈັບ 62 ຄົນ ຫຼຸດລົງ 34 ຄົນ ແລະເສຍຊີວິດ 10 ຄົນ ເພີ່ມຂຶ້ນ 2 ຄົນ
ແຫຼ່ງຂ່າວ: ໜັງສືພິມ ເສດຖະກິດ-ສັງຄົມ
ຮູບພາບ: ຈາກອິນເຕີເນັດ