ເວັບໄຊຂ່າວ ມະຕິຊົນ ລາຍງານເມື່ອວັນທີ 28 ມີນາ 2017 ນີ້ວ່າ ເມື່ອເວລາປະມານ 03.30 ນາທີ ຕາມເວລາທ້ອງຖິ່ນຂອງປະເທດ ເຢຍລະມັນ ຂອງວັນທີ 27 ມີນາ ທີ່ຜ່ານມາ ໄດ້ມີໂຈນເຂົ້າມາລັກເອົາຫຼຽນທອງຂະໜາດໃຫຍ່ ເຊິ່ງຫຼຽນດັ່ງກ່າວມີຊື່ຮຽນກັນວ່າ “ບິ໊ກເມເປິລລີຟ” ດ້ານໜຶ່ງເປັນພະພັກຂອງສົມເດັດພຣະຣາຊິນີນາດເອລິຊສເບດທີ 2 ແລະ ອີກດ້ານໜຶ່ງຂອງຫຼຽນເປັນຮູບໃບເມເປິລເຊິ່ງເປັນສັນຍາລັກຂອງປະເທດ ການາດາ, ຫຼຽນດັ່ງກ່າວນີ້ສ້າງຂຶ້ນຈາກທອງຄຳແທ້ 24 ກະຣັດ ມີນ້ຳໜັກກວ່າ 100 ກິໂລກຣາມ ແລະ ມີມູນຄ່າສູງເຖິງ 4 ລ້ານໂດລາສະຫະ ລັດ ໄປຈາກພິພິດຕະພັນ ບໍເດີ ເຊິ່ງເປັນໜຶ່ງໃນພິພິດຕະພັນທີ່ຕັ້ງຢູ່ໝູ່ເກາະແຫ່ງພິພິດຕະພັນໃຈກາງນະຄອນ ຫຼວງ ເບີຣລິນ ປະເທດ ເຢຍລະມັນ

ທາງເຈົ້າໜ້າທີ່ຍັງບໍ່ທັນໄດ້ລະບຸຊັດເຈນວ່າ ໂຈນທີ່ເຂົ້າມາລັກຫລຽນທອງຄຳນີ້ສາມາດຜ່ານລະບົບເຕືອນໄພ ແລະ ນຳຫຼຽນທີ່ມີນ້ຳໜັກຫຼາຍ ຮວມເຖິງມີຂະໜາດໃຫຍ່ເກືບເຄິ່ງແມັດອອກໄປຈາກພິພິດຕະພັນໄດ້ແນວໃດ ທັງນີ້ເຊື່ອວວ່າໂຈນບໍ່ໄດ້ລົງມື້ພຽງຄົນດຽວແນ່ນອນ ເນື່ອງຈາກຂະໜາດຂອງຫຼຽນ ແລະ ຫຼຽນນີ້ຍັງຖືກເກັບໄວ້ໃນຕູ້ແກ້ວກັນລູກປືນໃນອາຄານຂອງພິພິດຕະພັນເປັນຢ່າງດີ ໂດຍຄາດວ່າໂຈນໜ້າຈະເຂົ້າມາທາງປະຕູປ່ອງຢ້ຽມຂອງພິພິດຕະ ພັນ ເພາະເຈົ້າໜ້າທີ່ຕຳຫຼວດພົບຂັນໄດຖືກຖິ້ມໄວ້ແຖວທາງລົດໄຟໃຫ້ກັບພິພິດຕະພັນ