ມະຫາວິທະຍາໄລໃນມົນທົນ ຈຽງຊີ ປະເທດຈີນ ອອກແບບ ແລະ ຕົບແຕ່ງອາຄານຮຽນຄືກັບພຣະຣາຊາວັງບູຮານ ຫວັງສະແດງປະເພນີ ແລະ ວັດທະນະທຳຈີນໃຫ້ນັກສຶກສາໄດ້ຮຽນຮູ້ຜ່ານຂອງແທ້
ເວັບໄຊຂ່າວປະເທດຈີນລາຍງານວ່າ ເມື່ອບໍ່ດົນມານີ້ ມີຊາວເນັດໄດ້ເຜີຍແຜ່ຮູບຖ່າຍອາຄານຮຽນຂອງຄະນະວິທະຍາ ສາດ ແລະ ເທັກໂນໂລຢີ ຂອງມະຫາວິທະຍາໄລ ອີສຈຽວທົງ (East China Jiaotong University) ໃນເມືອງ ໜານຊາງ ມົນທົນ ຈຽງຊີ ທີ່ມີການອອກແບບ ແລະ ຕົບແຕ່ງຄືກັບພຣະຣາຊາວັງບູຮານຂອງແທ້ ລົງໃນສື່ໂຊຊ້ຽວມີເດຍຂອງຈີນ ຈົນສ້າງຄວາມຮືຮາ ແລະ ການສະແດງຄຳຄິດເຫັນຕາມມາບໍ່ໜ້ອຍ
ທາງເຈົ້າໜ້າທີ່ຂອງຄະນະວິທະຍາສາດ ແລະ ເທັກໂນໂລຢີໄດ້ອອກມາເປີດເຜີຍວ່າ ທາງຄະນະຕ້ອງການນຳວັດທະນະ ທຳຈີນບູຮານສະແດງໃຫ້ນັກສຶກສາໄດ້ຮຽນຮູ້ຜ່ານຂອງແທ້ ແລະ ນັກສຶກສາກໍ່ສາມາດນຳໃຊ້ສະຖານທີ່ເປັນແບບໃນການຝຶກແຕ້ມຮູບພາບໄດ້ ແລະ ໃນປັດຈຸບັນກໍ່ມີນັກສຶກສາຈຳນວນບໍ່ໜ້ອຍທີ່ນຳໃຊ້ສະຖານທີ່ຂອງໂຮງຮຽນຝຶກຝົນສີມືໃນການແຕ້ມຮູບພາບ.
